Albistea entzun

Naizen elkartea

Errealitatea lau haizeetara zabaltzeko abestia

Naizen elkarteak Naizen, yo sé quién soy kantua aurkeztu du, haur eta gazte transexualen errealitatea erakusteko.

Iosu Alberdi -

2021eko urtarrilak 24 09:45

«Diren bezala onartuak izateko borrokan ari diren neska eta mutil bihurtzeko asmoz», Naizen, yo sé quién soy abestia aurkeztu du gaur Naizen haur eta gazte transexualen familien elkarteak. Sustatzaileen esanetan, «gure haurren errealitatea lau haizeetara zabaltzeko» balioko du kantuak.

Kai Etxaniz artista nafarra arduratu da Abestia konposatzeaz, eta grabaketan parte hartu dute, besteak beste, Riki Riverak (ekoizpena), Luis del Torok (ekoizpen teknikoa), Ekaitz Goikoetxeak (euskarazko hitzak), Josune Arakistainek eta Maria Antunezek (musika). Bideoklipeko protagonistak, ordea, beste batzuk dira. Markina-Xemeinen (Bizkaia) grabatu zuten hura, elkarteko haurrekin. Hura grabatzeaz, berriz, Luz Tato eta Ander Shinova (GatoBala Films) arduratu dira. 

«Belaunaldi berriei ematen dieten eskertzeko balio izan du», dio Etxanizek bideokliparen making off-ean. Ekitaldian, lan horregatik «eskerrak eman» dizkio Naizen elkarteari  Ekaitz Goikoetxeak ere, «hainbeste gazterentzat argia izateagatik eta ematen duten maitasunagatik». Era berean, Ekai Lersundi ekarri du gogora, eta hari eta hark hasitako bideari eskaini abestia. Politikari eta agintarientzat, berriz, mezu bat, bertsotan: «Transformatzen hasteko egin nahi diet dei».

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak ere parte hartu du ekitaldian. Guztientzat «adibidetzat» jo ditu gazteak, eta izan duten «ausardia» txalotu du. Hala, Naizen-ek egiten duen lana eskertu du, eta Jaurlaritzaren babesa berretsi die: «Zuen ondoan egongo gara».

Naizen elkartea duela bi urte sortu zen, Chrysallis Euskal Herriaren jarraipen gisa. Elkarte hori hasieran zortzi familiak osatu zuten, eta Naizen, berriz, Hego Euskal Herriko 200 familia inguruk osatzen dute egun. Hala, «beraien seme-alaben errealitatea ikusarazteko eta neska zein mutil horien eskubideak eta aldarrikapenak zabaltzea» ditu helburu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Adineko emakume bat, Nafarroan, COVID-19aren aurkako txertoa jasotzen. ©JESUS DIGES / EFE

Txertaketaren ostean, COVID-19a ia erabat desagertu da Nafarroako zahar etxeetatik

Ion Orzaiz

Indurain eta Maeztu kontseilarien esanetan, hiru kasu aktibo daude egoitzen sare osoan, eta ospitaleratutako gaixorik ez.

Ahetzen egin nahi duten luxuzko etxebizitza proiektu bat salatu du EH Baik

Ahetzen egin nahi duten luxuzko etxebizitza proiektu bat salatu du EH Baik

Ekhi Erremundegi Beloki

Laborantza lurrak desagertu eta bigarren etxebizitzak eraikiko dituztela salatu dute ezkertiar eta abertzaleek

Urduñako (Bizkaia) sarrera, artxiboko irudi batean. ©Aritz Loiola, FOKU

Sagarduik esan du joan-etorriak nolabait mugatu beharko direla martxoan eta apirilean ere

Uxue Rey Gorraiz

Eusko Jaurlaritzako Osasun sailburuak adierazi du oraindik ere «erabateko zuhurtzia» behar dela pandemiari kontra egiteko. Era berean, Nafarroako Gobernuak esan du «zuhurtzian oinarritutako irizpideen gainean» aztertuko dituztela, batik bat, Aste Saindurako neurriak.

Ertzaintzaren kontrol bat Orion (Gipuzkoa) ©Gorka Rubio/ Foku

Probintzia barruko mugikortasuna aztertuko du Labik etziko bileran

Edurne Begiristain

Jonan Fernandezek esan du Labik udalerrien itxiera perimetrala aztertuko duela, eta litekeena dela neurri hori «aldatzea».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.