Albistea entzun

Datuak

Mila kasuren langatik gora seigarren egunez jarraian

Atzo beste 1.041 kasu baieztatu zituzten, 13.207 proba eginda.

Iñigo Uriz / Foku Tamaina handiagoan ikusi

Berria -

2021eko urtarrilak 24

Ohikoa den bezala, atzemandako COVID-19 kasuen kopuruak behera egin du asteburuan. Halere, milako langatik gora jarraitzen du, aste osoan egin bezala. Hego Euskal Herrian 13.207 PCR eta antigeno proba egin zituzten atzo, eta horien artetik 1.041 izan dira positiboak, bezperan baino 361 gutxiago. Positibo tasa ere apaldu egin da, %8,3tik %7,9ra. Egoera ez da bera, ordea, Nafarroan, eta Araba, Bizkai eta Gipuzkoan. Nafarroako Gobernuaren arabera, lurralde hartan tasa %6,5ekoa izan da. Gainerako lurraldeetan, berriz, %8,3koa, Eusko Jaurlaritzaren esanetan.

Lurraldez lurralde, Bizkaian atzeman dute positibo gehien: 528. Araban, 98 izan dira; eta Gipuzkoan, 249. Horiez gain, erkidegotik kanpo baieztatutako beste bost kasuren berri eman du Jaurlaritzak. Nafarroan, 166 izan dira detektatutako positiboak. Hala, 200en langatik jaitsi da, lehen aldiz aste honetan. 

Ospitaleen egoerari dagokionez, Araba, Bizkai eta Gipuzkoan beste 64 lagun ospitaleratu dituzte, eta 120ra iritsi da ZIU zainketa intentsiboetako unitateetan dauden herritarren kopurua. Abenduaren 9ra egin behar da atzera halako datu bat topatzeko.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Osasunbideko erietxe bat, Tuteran (Nafarroa). ©JAGOBA MANTEROLA / FOKU

Kutsatuen kopurua behera eta behera ari da Hegoaldean

Gotzon Hermosilla

Beste 365 positibo atzeman dituzte, bezperan baino 29 gutxiago. Kutsatutako gaixo bat hil da Nafarroan, 74 urteko gizonezko bat

Migratzaile talde bat Irungo kaleetan, 2018. urtean. ©Gorka Rubio / Foku

106 migratzailek Irun eta Hondarribiako aterpetxeetan igaro dute gaua

Berria

Eusko Jaurlaritzaren arabera, azken egunetan elkartu diren migratzaile guztiak artatu dituzte, eta inork ez du gaua kalean pasa. Jaurlaritzak kontingentzia plana aktibatu du.

 ©BERRIA

GEHIAGO ZABALDU DIRA ARRAKALAK

Amaia Ramirez de Okariz Kortabarria

Izurriteak eragin zuzena izan du emakumeen egunerokoan; hainbat eta hainbat aritu dira lan prekarioetan eta feminizatuetan, baldintza okerretan, eta zaintza lanak ere haien ardura izan dira. Eragileek egoeraz hausnartu beharra nabarmendu dute, zaintza sistema publiko baten aldarria helburu.
Erizain bat Galdakaoko ospitalean lanean. ©ANDONI LUBAKI / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.