Albistea entzun

Elkarrekin Podemos-IUk ikerketa batzorde bat eskatu du txertaketa «irregularrak» argitzeko

Miren Gorrotxategik uste du «sare bat» dagoela txertaketa irregularren atzean, eta Eusko Jaurlaritza «bete-betean inplikatuta» dagoela.

Miren Gorrotxategi, Pilar Garrido eta Isabel Salud, gaurko agerraldian, Gasteizen.
Miren Gorrotxategi, Pilar Garrido eta Isabel Salud, gaurko agerraldian, Gasteizen. Elkarreki Podemos-IU Tamaina handiagoan ikusi

Edurne Begiristain -

2021eko urtarrilak 25 07:20

Elkarrekin Podemos-IU legebiltzar taldeak proposatu du Osakidetzako txertaketa «irregularren eskandalua» argitzeko batzorde bat sortzea Eusko Legebiltzarrean, gertatutakoa ikertzeko eta «ustezko sarea» noraino iristen den jakiteko. Erantzukizun politikoak argitu behar direla uste du taldeak, eta beste talde batzuekin harremanetan jarri da, ikerketa batzorde bat sortzeko eskatzeko. Gaur goizean egin dute iragarpena Pilar Garrido Ahal Dugu-ko koordinatzaile nagusiak, Miren Gorrotxategi Elkarrekin Podemos-IUko bozeramaileak eta Isabel Salud Ezker Anitza-IUko koordinatzaile nagusiak.

Ahal Dugu-ko zuzendaritzak ezohiko bilera egin zuen atzo Osakidetzako goi kargudunen txertaketari buruzko azken gertakariak aztertzeko eta abian jarri beharreko ekintzak adosteko, eta Ezker Anitza-IU larunbatean batzartu zen gaia aztertzeko. Gaurko agerraldian ohartarazi dutenez, Eusko Jaurlaritza «bete-betean inplikatuta» dago irregulartasun horietan. «Aurrekaririk gabeko eskandalu» bat dela salatu dute, eta atzean «sare» bat egon daitekeela ohartarazi. «Beharrezkoa da ustezko sarea noraino iristen den argitzea eta, hala badagokio, gertatutakoaren erantzukizunak argitzea, maila guztietan», adierazi du Gorrotxategik. Hark azaldu duenez, orain arte jakin diren kasuak «izozmendiaren punta baino ez dira» eta beste goi kargudun asko inplikatuta egon daitezke; hala nola aipatu du Labi aholku batzordeko kide bat ere inplikatuta egon daitekeela Basurtun gertatutako irregulartasunetan.

Gorrotxategik Jaurlaritzari egotzi dio txertaketarekin izandako polemikan «opakutasunez» jokatzea, eta ezinbestekotzat jo du ze gertatu den zehatz-mehatz jakitea eta, hala badagokio, gertakariak Fiskaltzaren esku uzteko.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©Atef Safadi / EFE

Hegoaldean 90 pertsona zendu dira birusagatik azken astean

Uxue Rey Gorraiz

Urtarril hasieratik gaitzak jota jende gutxien hil den astea izan da aurrekoa. Beste 468 positibo atzeman dituzte

Osasun langile bat adineko bati txertoa jartzen autoaren barruan, Gasteizko Santiago ospitalean. ©J. FONTANEDA / FOKU
Zimbabwen aurki jasotzekoak dira Covaxen txertoak. ©AARON UFUMELI / EFE

Iritsi dira Afrikara Covax nazioarteko programaren lehen txertoak

Ion Orzaiz

AstraZenecaren txertoaren 600.000 dosi jaso dituzte Ghanan. OMEk, GAVIk eta Unicefek «mugarri historikotzat» jo dute egitasmoa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.