Albistea entzun

AEB-ak

«Zero tolerantzia» programa indargabetu du Bidenek

Mexikoren eta AEBen arteko muga «baimenik gabe» igaro zuten 3.000 familiaren banaketa eragin du programak. Oraindik, 611 haur daude euren gurasoekin komunikatu ezinda. Deportazioak eteteko neurria, berriz, behin-behinean indargabetu du auzitegi federal batek.

Mexiko eta AEBak banatzen dituen hesia.
Mexiko eta AEBak banatzen dituen hesia. Joebeth Terriquez / Efe Tamaina handiagoan ikusi

Iosu Alberdi -

2021eko urtarrilak 27

AEBetako presidente kargua hartu bezain laster hasi zen Joe Biden Donald Trumpek martxan jarritako zenbait araudi indargabetzen. Beste baten berri eman du bart AEBetako fiskal nagusi Monty Wilinsonek: bertan behera geratu da «zero tolerantzia» izeneko programa. Aurreko agintaldian, 3.000 migratzaile familiatako gurasoen eta seme-alaben banaketa eragin zuen. Egun berean, ordea, Texasko Auzitegi Federalak bertan behera utzi du Bidenek iragarritako beste neurri bat. Hala, bizileku baimenik ez duten migratzaileen deportazioak ehun egunez etetea indargabetu du auzitegiak behin-behinean.

Hala, Wilkinsonek neurriz ekiteko eskatu die estatuetako fiskalei, muga zeharkatzeagatik eginiko delitu txikien kasuan, eta auzitegi federaletara ez jotzeko eta gurasoak haurrengandik ez banatzeko eskatu. Hala, migratzaileen egoera pertsonala, aurrekari penalak, delituaren larritasuna eta zigor posible baten ondorioak kontuan hartzeko exijitu die, eta nabarmendu AEBen oinarrien aurkakoa dela kasu guztiak «egoera indibiduala kontuan hartu gabe» tratatzeko agindu bat: «Politikak aldatu daitezkeen arren, gure zeregina beti berbera da, justizia bilatzea legediaren pean». Halere, erabaki berriak ez luke ustezko delitu egilearen deportazioa eragotziko. 

Aurrez, Trump berak atzerapauso bat eman zuen 2018ko ekainean, araudia indarrean jarri eta bi hilabetera, auzipetuen eta euren seme-alaben banaketa amaituz. Ordurako, milaka haur banandu zituzten euren gurasoengandik; azken horiek muga legez kanpo igaro zutela argudiatuta. Hainbat kasutan, auzipetuak deportatu ere egin zituzten, horien seme-alabak AEBetan mantenduta. Hala, Trumpen administrazioak hainbat salaketa jaso zituen, eta lege zerbitzuek adierazi dute oraindik ere 611 haur daudela euren gurasoekin komunikatu ezin izan direnak. Gainera, aldaketa hark bere hartan mantendu zuen Mexikoren eta AEBen arteko muga «modu ilegalean zeharkatzen» duen oro auzipetzeko eta deportatzeko aukera. 

Berriz ere Paxton

Trumpen aliaturik nabarmenenetako bat da Texasko fiskal nagusi Ken Paxton. Argi utzi zuen hori presidentetzarako bozen ostean errepublikanoaren garaipena aldarrikatu eta emaitzen aurkako helegitea jarri zuenean. Eta Biden Etxe Zurira iritsita, haren aurka jarraitzeko asmoa du; bera izan da administrazio berriaren aurkako lehen helegitea jarri duena. Bizileku baimenik ez duten migratzaileen deportazio aginduak ehun egunez eteteko agindua eman zuen Bidenek kargua hartu zuen egunean, baina Paxtonek aurka egin du, eta estatuko Auzitegi Federalak behin-behinean indargabetu du neurria. «Ezkerreko matxinada sediziozko bat izan da. Nire taldeak eta nik geratu dugu», ospatu du fiskalak.

Paxtonen esanetan, Etxe Zuriak «modu arbitrarioan» jokatu zuen, erabakia Texasko estatuarekin ez adosteagatik. Hura da, Kalifornia, Arizona eta Mexiko Berriarekin batera, AEBek Mexikorekin duten muga zehazten duten estatuetako bat. Hala, Drew B. Tipton da ikerketa abiatu duen epailea, Trumpek izendatua, eta Washingtoni eskatu dio zehazteko ea zenbat migratzaile geratu diren aske neurri berriaren bidez.

Bi aldeek bihar deklaratu beharko dute haren aurrean. Bien bitartean, neurriak hamalau egunez iraun dezake indarrean, eta beste horrenbestez luzatu, aurrez erabakirik hartzen ez bada.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©BERRIA

«Europaren irizpide demokratikoa mailaz jaisten ari da Espainia»

Julen Aperribai

Espainiaren presioetara makurtu da Europako Parlamentuko Auzi Juridikoen Batzordea, Cominek dioenez, eta hala azaldu du Ponsatiri, Puigdemonti eta berari immunitatea kentzearen alde bozkatu izana.

Recep Tayyip Erdogan presidentearen aurkako protesta bat Genevan. ©M. T. / EFE

AEBak eta Turkia, aliatuak baina arerioak

Marco Santopadre

Bi estatuak aliatu historikoak dira, baina azken urteetan harremanak okerrera egin du. Biden presidentea oso kritikoa izan da Trumpen Erdoganekiko tolerantziarekin, eta «autokrata» ere deitu izan dio Turkiako estatuburuari.

 ©MARCO SANTOPADRE

«Ez NATOk, ez EBk ezin dute onartu Turkia kolapsatzea»

M. Santopadre

Negriren arabera, elkarrenganako mesfidantzan oinarritzen da Turkiaren eta Mendebaldearen arteko harremana. Baina, tirabira horretan, Erdogan indartuta atera da, bai baitaki AEBek eta EBk bere beharra dutela.
Akusatuetako bat, epaiketan, aurpegia tapatuta. ©RONALD WITTEK / EFE

Alemaniak Siriako militar ohi bat kondenatu du torturengatik

Paulo Ostolaza

Lehen aldia da nazioartean epaitzen direna Al-Assaden aginte garaian egindako krimenak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.