Albistea entzun

Kataluniako hauteskundeak

Espainiako Kongresuak onartu du bozen ostean elkarrizketa mahaiari berrekitea

ERCren proposamenari baiezkoa eman diote PSOEk eta UPk. CIS Espainiako Ikerketa Soziologikoen Zentroaren arabera, bost punturen aldea dago ERCren eta JxCen artean, eta Salvador Illa PSCko hautagaiak irabaziko ditu hauteskundeak.

Salvador Illa PSCko hautagaia, atzo, hauteskundeetako ekitaldi batean. /
Salvador Illa PSCko hautagaia, atzo, hauteskundeetako ekitaldi batean. / Marta Perez/EFE Tamaina handiagoan ikusi

Berria -

2021eko otsailak 4 15:48

Kataluniako Gobernua eta Espainiakoa elkarrizketa mahaian eseriko dira berriz, Kataluniako hauteskundeen ostean. Hori onartu du gaur Espainiako Kongresuak; ERCrena izan da proposamena, eta baiezkoa eman diote PSOEk eta Unidas Podemosek —asteartean aurreratu zuten euren erabakia—. Hamar egun eskas falta dira Kataluniako bozetarako, eta ikusteke dago nola egongo den osatuta Madrilekin mahaian eseriko den gobernua.

ERCren proposamena ez dute babestu Espainiako Kongresuan ordezkaritza duten gainerako talde kataluniar subiranistek: JxCk, PDeCATek eta CUPek. Laura Borras JxCren hautagaiak, adibidez, elkarrizketa mahaia «marketin operazio soil bat» dela adierazi du. Proposamena, ordea, arazorik gabe onartu dute, besteak beste, EAJren, EH Bilduren eta BNGren aldeko botoekin: 187 boto izan ditu alde, 155 aurka eta 8 abstenitu egin dira.

Dena den, mahaiarekiko lehen zuten jarrera dute oraindik ere PSOEk eta ERCk. Sozialistak «edozertaz hitz egiteko prest» agertu dira, baina betiere «konstituzioaren markoaren barruan». ERCk, berriz, espetxeratutako buruzagi subiranistei amnistia osoa ematea nahi du, baita «autodeterminazio eskubidearen aldeko pausoak» ematea ere. Salvador Illa PSCren hautagaiak ere elkarrizketa mahaiari berrekitearen alde hitz egin du.

ERCk bost puntu JxCri

Bestalde, CIS Espainiako Ikerketa Soziologikoen Zentroak Kataluniako hauteskundeei buruzko inkesta bat argitaratu du gaur, eta PSCri eman dio garaipena, botoen %23,7 irabaziko dituela esanda. Bigarren ERC dago CISen arabera, ia hiru puntu gutxiagorekin: %19,9. Junts hurbildu egingo zaie errepublikanoei, baina oraindik bost puntu eta erdira egongo da gaur argitaratu den inkestaren arbera: botoen %14,5 ematen dizkio. CUP eta PDeCATen botoak gehituta, alderdi abertzaleak botoen %43ra iritsiko dira gaur emandako datuen arabera.

CUPek %6,9 eskuratuko ditu, eta PDeCAT ordezkaririk gabe geratuko da, ez delako iritsiko gutxienekora parlamentuan; CISek %1,5 esleitu dizkio inkesta honetan. PNC ere ez da iritsiko gutxieneko hori gainditzera, botoen %0,2ekin. Eserleku banaketaren eragiketa ere egin du CISek, eta horren arabera, alderdi independentistak kasurik onenean ere ez lirateke iritsiko.

En Comu Podemek, berriz, botoen %8,9 izango ditu, eta Ciutadansen aurretik egongo da. Azken horrek botoen %7,9 eskuratuko ditu, eta PP botoen %5,8rekin geratuko da.

Hauek dira CISek emandako datuak:

PSC: %23,7.
ERC: %19,9.
JxC: %14,5 (13-18).
En Comu Podem: %8,9.
Cs: %7,9.
VOX: %6,9.
CUP: %6,8.
PP: %5,8.
PDeCAT: %1,5.<br />PNC: %0,2.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Israelgo soldaduak atzo erasoa izan zen sinagogaren kanpoaldean. / ©ABIR SULTAN, EFE

Israelek 42 pertsona atxilotu ditu Jerusalemgo ustezko erasotzailearen etxean eta inguruetan

Jon Ordoñez Garmendia

Besteak beste, Jaire Alkam gazte palestinarraren gurasoak atxilotu ditu. Guztiak horren bizikideak edo bizilagunak dira. 13 urteko haur palestinar bat hil dute bi israeldarrek, ustez horrek beste bi lagun zauritu ostean.

Jende andana Eskoziako trans legearen proiektuaren aldeko protestan, joan den astean, Londresen. ©ANDY RAIN / EFE

«Blokeoaren atzean asmo politikoak daude»

Maddi Iztueta Olano

Erresuma Batuko Gobernuak trans legea blokeatzeak hautsak harrotu ditu Eskozian. Florence Oulds ekintzailearen arabera, prozesu demokratiko bat eten dute. Uste du trans komunitatea ez ezik beste herritarrak ere «oso haserre eta minduta» daudela.

Tyro Nichols, Poliziak hil aurretik, bart zabaldu den bideoaren irudi batean. / ©Memphisko Udala

Bost poliziak Tyre Nicholsi eman zioten jipoiaren irudiek haserrea eta protestak eragin dituzte AEBetan

Jon Ordoñez Garmendia

Memphisen bizi zen 29 urteko gazte afro-amerikarra uztailaren 7an geldiarazi zuen Poliziak kontrol batean, bortizki kolpatu zuten, eta hiru egun geroago hil zen ospitalean. Jipoiaren bideo irudiak publiko egin zituzten atzo.

Israelgo larrialdi zerbitzuetako langileak eta Polizia, atzo, erasoa gertatu zen lekuan, Jerusalem ekialdeko sinagoga batetik gertu. ©ATEF SAFADI / EFE

Pertsona batek gutxienez zazpi lagun hil ditu Jerusalemgo sinagoga batean

Mikel O. Iribar Mikel Elkoroberezibar Beloki

Israelgo armadak ustezko egilea hil du, eta erasoa «terroristatzat» jo. Hamasek ekintza goratu du, bere gain hartu gabe. Palestinak bost suziri jaurti ditu Gazatik Israelera, eta Israelek Gaza bonbardatu du

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...