Albistea entzun

Industria

Eratu da Hidrogenoaren Euskal Korridorea

78 erakundek egin dute proiektuarekin bat, eta horietatik 58 dira enpresak.1.300 milioi euroko inbertsioarekin, sei urtean zuzenean 1.340 enplegu eta zeharka 6.700 inguru sortzea espero dute. Hidrogenoarentzako gasbidea egin nahi dute Bilboko Portutik Zorrotzaurreraino, ibaiaren azpitik.

Hidrogenoaren Euskal Korridorea eratzeko ekitaldia, gaur Euskalduna Jauregian.
Hidrogenoaren Euskal Korridorea eratzeko ekitaldia, gaur Euskalduna Jauregian. Monika del Valle / Foku Tamaina handiagoan ikusi

Irune Lasa -

2021eko otsailak 22 15:05

BH2C Hidrogenoaren Euskal Korridoreak mugarri izango duen pausoa eman du gaur Bilbon, Euskalduna jauregian egin den Elkarlanerako Memorandumaren sinadura ekitaldiarekin. 78 erakundek sinatu dute agiria, formalki erakutsiz zer parte hartzea duten proiektu handi honetan. Horietako sei erakundeak dira, hamabi zentro teknologiko eta garapen zentroak, eta gainerako 58ak enpresak dira, proiekturen batean edo batean baino gehiagotan parte hartzeko asmoa dutenak.

BH2C egitasmo handia da, 1.300 milioi euro inguruko inbertsioa egingo baitu 2020 eta 2026 bitartean. Zuzenean gutxienez 1.340 enplegu eta zeharka beste 6.700 sortu nahi ditu. Asmoa da urtean 20.000 tona hidrogeno ekoiztea, eta karbono dioxido isuriak urtero milioi eta erdi tona murriztea.

«Industriaren aldeko apustua da», esan du Emiliano Lopez Atxurrak, «elkarrekin egin beharrekoa». Petronorreko presidenteak azpimarratu du ez dela lan erraza hidrogenoaren inguruko ekonomia bat sendotzea, ahalegina eta bultzada publikoa eskatuko duela. «Ez da marketin distiraldi bat», esan du, «eta ez gara ekonomia finantzarioaz ari». Lopez Atxurraren arabera, «kontziente izan behar dugu kokapen geografiko pribilegiatua dugula. Atlantikoko euroerregio baten ardatz teknoindustriala gara».

Arantxa Tapia Eusko Jaurlaritzako Garapen Ekonomikoko sailburuak ere azaldu du Euskal Hidrogenoaren Korridorea Europan gertatzen ari den mugimenduaren parte gisa ulertu behar dela. Europako funtsetarako hautagai sendoa da BH2C, «eta hortik dirua badator, ondo etorriko da aurrera bizkorrago egiteko, baina «egin egingo da, dirurik ez badator ere».

Hala ere, Europako funtsen inguruan baikortasunerako arrastoak eman ditu Raul Blanco Espainiako Industriako idazkari nagusiak, bideo bidez egin duen hitzaldian. Haren ustez, Euskal Korridorea «mugarri bat» da, eta «lehen lerroan» egongo da, «hurrengo urteetan eta hilabeteetan Errekuperazio, Eraldatze eta Erresilientziarako Planaren esparruan gertatuko den guztian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Garbitzaile bat haurreskola bateko gela bat atontzen. ©Gorka Rubio / Foku

Emakume langileek %29,4 gutxiago kobratzen dute, eta pentsiodunek, %68

Imanol Magro Eizmendi

LAB sindikatuak sektore feminizatuen egoera aztertu du, eta baldintza prekarioak «kroniko» bihurtu direla ondorioztatu

Foruzaingoko agenteak, Istripua izan den enpresan ©Nafarroako Foruzaingoa

Langile bat hil da Soraurenen, makina batek harrapatuta

Jokin Sagarzazu

Atarrabiako 53 urteko gizonezko bat da hildakoa. Zer gertatu den ikertzen ari dira. Aurten lan istripuan hildako zortzigarren behargina da.

Euskaltelen Zamudioko egoitza nagusia (Bizkaia). ©Luis Tejido / Foku

Euskaltelen irabaziak %28 handitu dira, Virgin markari esker

Iker Aranburu - Andoni Imaz

Aurki itxiko du bere sare propioaren zati bat saltzeko operazioa. Jasotako diruarekin sarea berritu nahi duela azaldu du.

CAFen lantegia, hutsik konfinamenduaren garaian. ©Jon Urbe / Foku

CAFen irabaziak %60 apaldu ditu pandemiak

Xabier Martin

Hamar milioi euroko mozkinak lortu ditu 2020. urtean. Beasaingo konpaniak esplikatu du lehen seihilekoan jarduera asko jaitsi zaiola. Autobus elektrikoak salmenten %26 dira jada.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.