Albistea entzun

Nigeria

Aske utzi dituzte Nigeriako eskola batean bahitutako 279 ikasleak

279 ikasle erreskatatu dituztela jakinarazi dute Nigeriako Zamfara estatuko agintariek. Joan den ostiralean indarrez sartu ziren gizon armatu batzuk emakumeentzako eskola batean, eta bertan atxiki zituzten.

Bahiturik zituzten zenbait ikasle, aske utzi ondoren.
Bahiturik zituzten zenbait ikasle, aske utzi ondoren. STR Tamaina handiagoan ikusi

Julen Aperribai -

2021eko martxoak 2

Bello Matawalle Nigeriako Zamfara estatuko gobernadoreak jakinarazi du askatu dituztela joan den ostiraletik bahituta zeuden emakumeentzako eskola bateko ikasleak. Joan den ostiralean izan zen erasoa. Berri agentziek zabaldu zuten gizon armatu batzuk Jangebe hiriko emakumeentzako eskola batera sartu zirela, eta bertan zeuden ikasleak furgonetatan sartu eta eraman egin zituztela. 

Bahitutako ikasleak 317 zirela zabaldu zen, baina Zamfarako agintariek aitortu dute kopuru hori okerra dela: 279 ikasle erreskatatu dituzte, jakinarazi dutenez, eta bahitutako guztiak aske daudela adierazi dute.

Matamallek bere Twitter kontutik bidalitako txio batean jakinarazi du ikasleak askatu dituztela, «egiten ari ziren ahaleginak zailtzen zituzten zenbait traba» gainditu ostean. «Nigeriarrei eskatzen diet pozik egoteko, gure alabak salbu daudelako», erantsi du. 

Aurrez, gobernadoreak berak esana zuen nigeriarrak «eskandalizatu» egingo zirela bahiketaren egileak zein ziren jakitean. Horren inguruko azalpenik ez du eman, ordea.

Azkenaldian, ugaritu egin dira ikasleen kontrako erasoak Nigerian. Duela aste batzuk, 28 ikasle eta zenbait irakasle bahitu zituzten, Nigeriako gobernuak Kagara hirian duen zientzia eskolan. Iazko abenduan, berriz, 344 ikasle bahitu zituzten, Kagara hiriko bigarren hezkuntzako ikastetxe batean indarrez sartu ostean. Orduko hartan, Boko Haram Nigeriako talde jihadistak bere gain hartu zuen erasoa. Lau egun geroago askatu zituzten atxikiak zituzten ikasle denak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Emakume bat osasun arreta jasotzen, Hamdayeten, Sudanen. ©SUFIAN ABDUL-MOUTY / UNFPA / EFE

Emakumeen ia erdiek ez dute beren gorputzaz erabakitzeko askatasunik

Iosu Alberdi

Andreen %45ek ez dute autonomiarik sexu harremanez, antisorgailuen erabileraz eta osasun arretaz erabakitzeko, UNFPAren arabera. Bost estatutik batek ez du babesten osasun sexuala
Presidentearen eta konstituzio berriaren aurkako protestak Port-au-Princen, duela hiru aste. ©EAN MARC HERVE ABELARD / EFE

Haitiko Gobernuak dimisioa eman du, krisi politiko betean

Julen Aperribai

Jovenel Moise presidenteak karguan jarraituko du, oposizioaren jopuntuan dagoen arren. Talde armatuen erasoak ugaritu egin dira
Jovenel Moise presidentearen eta hark ezarri nahi duen konstituzio berriaren aurkako protestak Port-au-Princen, duela hiru aste. ©EAN MARC HERVE ABELARD / EFE

Haitiko Gobernuak dimisioa eman du, krisi politiko betean

Julen Aperribai

Jovenel Moise presidenteak iragarri ditu dimisioak, baina hark karguan jarraituko du, aspalditik oposizioaren jopuntuan dagoen arren.

Jacob Blakeren aldeko protesta bat New Yorken (AEB), iazko abuztuan. ©Peter Foley / EFE

Blake tirokatu zuen polizia lanera itzuli da, eta ez du zigorrik izango

Paulo Ostolaza

Rusten Sheskey agenteak zazpi aldiz egin zion tiro bizkarrean Jacob Blake afro-amerikarrari iazko abuztuan, Wisconsinen. Poliziaren arabera, Sheskeyk «Poliziaren politiken barruan» jokatu zuen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna