Gas isuri bat izan da Olaberrian (Gipuzkoa), Ihurre auzoko Nippon Gases enpresan (lehengo Praxair), Goierriko Hitza agerkariak jakinarazi duenez. Lantegitik ke zuria atera da, eta inguru guztiak hauts zuriz estalirik geratu dira. BERRIAk kontsultatutako iturrien arabera, perlita hori ez da toxikoa; beira bolkaniko mota bat da, ur kantitate handiak dituena, eta berotuz gero asko hanpatzen dena. Hezetasunari eusteko erabiltzen da lehen sektorean, eta eraikuntzan ere erabiltzen da. Eusko Jaurlaritzako Segurtasun Sailak ere jakinarazi du material «inertea eta ez-toxikoa» dela.
Lantegitik ke zuria atera da, eta inguru guztiak hauts zuriz estalirik geratu dira. Isuriaren lehenengo ondorioa izan da zaila dela ezer ikustea, eta, horren eraginez, N-1 errepidean trafikoa asko moteldu dela eta auto ilarak sortu direla. Whatsappez zabaldu den bideoa: pic.twitter.com/AgwbLBI4UT
— Berria.eus (@berria) March 4, 2021
Istripuak irudi ikusgarriak eta harrigarriak sorrarazi ditu, hauts zuriaren meta handiak hedatu baitira lantegiaren inguruan, eta, horren eraginez, N-1 errepidean trafikoa asko moteldu da, eta auto ilarak sortu dira. Eusko Jaurlaritzako Trafiko zuzendariak esan duenez, arazoak bi noranzkoetan sortu dira, baina 18:30etik aurrera zirkulazioa leheneratu ahal izan dute.
"ltr" lang="und">href="https://twitter.com/hashtag/Olaberria?src=hash&ref_src=twsrc%5Etfw">#Olaberria#trafikoa#N1 [ð;ÂÂÂ;ŸÂÂÂÂŽ¬ @gipuzkoagaur] pic.twitter.com/FJeKv6zzYs>>
— HERRI BABESA Tolosa (@PCTolosa) March 4, 2021