Albistea entzun

Kirola

Hasi da aurtengo Lilatoia

Iaz 6.300 emakumek hartu zuten parte ohiko lasterketan, eta aurten 5.703k eman dute izena aurtengo aldi berezian korrika egiteko.

Hasi da aurtengo Lilatoia
Hasi da aurtengo Lilatoia Tamaina handiagoan ikusi

Jon Ordoñez Garmendia -

2021eko martxoak 5

Bart amaitu zen aurtengo Lilatoian izena emateko epea, eta 5.703 korrikalarik eman dute izena. Gaurtik igandera jokatuko da aurtengo ezohiko lasterketa. «Lasterketa birtuala» deitu diote antolatzaileek, ez baita kirolarien arteko aurrez aurreko karrera bat izango, baina korrika egin, egingo da: korrikalariek nahi duten lekuan bost kilometroko ibilbide bat, laua, osatu beharko dute lau eguneko tarte horretan. Areto itxi batean edo zintan aritzeak ez du balioko.

Izena eman dutenek RockTheSport Virtual aplikazioa jaitsi beharko dute Google Playn edo Apple Storen, korrika egin aurretik. Horien bidez jasoko dituzte denborak antolatzaileek, eta hala osatuko dute sailkapena. «Lortu duguna da gure sakelakoa txip bihurtzea», azaldu zuten aurkezpenean. Aurten, oinez edo ibilketa nordikoan arituz ere parte hartu daiteke. Beste hiru modalitateak hauek dira: korrika, patinak eta eskuko bizikleta.

Lilaton, aurten ere ON! da leloa, eta sare sozialetan #AurtenEreOn traola ari dira erabiltzen. Antolatzaileek dei egin dute dortsala inprimatu eta aurreko karrera bateko elastikoan jarrita korrika egiteko. Gainera, argazkiak atera eta eurei bidaltzeko ere eskatu dute, irudi horiekin bideo bat osatzeko.

Webgune ofizialean, antolatzaileek gogorarazi dute gizonek ezin dutela Lilatoian parte hartu, eta azpimarratu dute emakumeak soilik sartuko dituztela sailkapen ofizialean. «Ez dugu ahaztu behar ekitaldi honek berdintasuna aldarrikatzen duela bere lehen egunetik, eta egun honetan emakumearen protagonismoa funtsezkoa da desberdintasuna desagerrarazteko borrokarako; eta, horretarako, ezinbestekoa da gizonaren babesa».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<b>Jokin Altuna, pilota jotzear, atzo, Beotibarren, Tolosan.</b> ©GORKA RUBIO / FOKU

Bere ohiko estiloan

Mikel O. Iribar

Altuna III.ak 22-7 irabazi dio Bengoetxea VI.ari, Tolosan, eta finalerdietarako sailkatu da. Amezketakoak Ezkurdia izango du aurkari

 ©JUANAN RUIZ / FOKU

Oraina eta etorkizuna

Jone Bastida Alzuru

Zeresana ematen ari da Salsamendi pilotaria. 14 urte baino ez ditu, baina maila ikusgarria duela erakutsi du, eta gai izan da goi mailako pilotariei irabazteko. Bideaz gozatzen ari dela dio, eta horretan jarraitu nahi du. Orain min hartuta dago.
 ©CHRISTIAN RAVIER

«Pasioz bizi dut nire lana, eta hori transmititzen saiatzen naiz»

Unai Ugartemendia

Jean eta Pierre Ravier anaia biki mendizale eta eskalatzaileen oinordekoa da. Ia 30 urte daramatza mendia eta Pirinioak maitatzeko familia tradizioa betetzen. Eskalatzaile bikaina da, eta mendi gidaria ogibidez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.