Albistea entzun

Sagarduik esan du datorren astean hasiko direla 65 urtetik beherakoak txertatzen

Eusko Jaurlaritzako Osasun sailburuak ohartarazi du bilakaera epidemiologikoa «hazkunde fasean» dagoela

Gotzone Sagardui Eusko Jaurlaritzako Osasun sailburua, artxiboko irudi batean.
Gotzone Sagardui Eusko Jaurlaritzako Osasun sailburua, artxiboko irudi batean. Jaizki Fontaneda/FOKU Tamaina handiagoan ikusi

Maria Ortega Zubiate -

2021eko martxoak 23 07:28

Gotzone Sagardui Eusko Jaurlaritzako Osasun sailburuak jakinarazi du 65 urtetik beherako biztanleria orokorraren txertaketarekin hasiko direla datorren astetik aurrera. Adin irizpideei jarraituko diete, beraz. Hori horrela, AstraZenecaren dosiekin txertatuko dituzte horiek, eta oraindik txertatzeko dauden funtsezko kolektiboen prozesuarekin batera egingo dute hori ere.

Bihartik aurrera hasiko dira berriz ere txerto horren dosiak banatzen Hego Euskal Herrian, eta Araban, Bizkaian eta Gipuzkoan 27.000 dosi banatuko dituzte bihartik igandera bitartean, Sagarduiren arabera. «Lasaitasun mezua» zabaldu nahi izan du, eta azaldu du hiru lurraldeetan jarritako 53.000 dosietatik ez dela "kasu larririk" izan.

Ipar Euskal Herrian, 70 urtez gorako herritar guztiei irekiko diete txertaketa, larunbatetik aitzina. Hala jakinarazi du goizean Emmanuel Macron Frantziako presidenteak. Oraingoz, 75 urtez gorako herritarrek har dezakete txertoa, baita 50 urtez gorako pertsona zaurgarriek ere. Txertoa oraindik hartu ezin izan duten 75 urtez gorako herritarrentzako telefono linea berezi bat irekiko dute, «aterabideak ahalik eta azkarren» atzemateko.

Goranzko joera

Pandemiaren bilakaerak berriz piztu du kezka Araban, Bizkaian eta Gipuzkoan. Sagarduik ohartarazi du bilakaera epidemiologikoa «hazkunde fasean» dagoela. Hori horrela, aurreikusi du datozen egunetan intzidentzia tasaren «igoera moderatuak» izango direla. 

Eusko Jaurlaritzako Gobernu Kontseiluaren osteko prentsaurrekoan egin ditu adierazpenok Sagarduik. Haren hitzetan, datozen egunetako bilakaera garrantzitsua izango da, Bizi Berri III planean aurreikusitako 100.000 biztanleko 60 kasuetatik «urruntzen» ari baitira hiru lurraldeak. Dena den, neurriak zorroztearen aurka azaldu da: adierazi du «indarrean daudenak mantendu» behar direla, datozen egunetako datuek gogortzea ekar badezakete ere. Gehitu du hori gertatuko balitz eta «igoera azpimarragarri» bat egongo balitz, lehendakariak Labi aholku batzordea biltzera deituko lukeela, «beharrezkoak diren neurriak» ezartzeko.

Horrela, neurriak betetzeko deia egin die herritarrei, batez ere mugimenduei dagokionez. Gogorarazi du Jaurlaritza beti azaldu dela «ahalik eta mugimendu gutxien» izatearen alde, eta, pandemiaren bilakaera kontuan hartuta, inguruko lurraldeei ere mugimenduak gutxitzeko deia egin die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Koronabirusaren biktima bat lurperatzen, Brasilgo Manaos eskualdeko Nossa Senhora Aparecidako hilerrian. ©Raphael Alves / EFE

Izurria hasi zenetik hiru milioi lagun hil eta 139 milioi kutsatu dira mundu osoan

Ion Orzaiz

Egun bakarrean 600.000 kutsatze eta 12.000 heriotza izan direla jakinarazi du Johns Hopkins unibertsitateak. OMEk ohartarazi du transmisio tasa «gorenean» dela

Guardia Zibila Aroztegiko proiektuaren aurkako kanpaldia egiten ari diren lekuan, atzo ©iñigo uriz

Guardia Zibila Aroztegiaren aurkako kanpaldian agertu da, baina ez dute hustu

Irati Urdalleta Lete

Arratsaldean elkarretaratzea egin dute Lekarozen, 228 etxebizitza, hotel bat eta golf zelaia eraikitzeko proiektua gelditzeko.

Zenbait anbulantzia, Donostia ospitaleko larrialdietako sarreran. ©GORKA RUBIO / FOKU

Egun bakarrean 116 lagun ospitaleratu dituzte Hego Euskal Herrian

Ion Orzaiz

985 kasu gehiago atzeman dituzte Osakidetzak eta Osasunbideak, eta positibo tasa %7,9 da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna