Albistea entzun

EAJk eta PSEk pandemiaren aurkako lege egitasmoa erregistratu dute

Izurriaren aurka jarduteko «lege mekanismoak» izatea ekarriko du legeak, talde sustatzaileen arabera.

Iñigo Urkullu lehendakaria eta Luis Javier Telleria EAJko legebiltzarkidea, artxiboko irudi batean
Iñigo Urkullu lehendakaria eta Luis Javier Telleria EAJko legebiltzarkidea, artxiboko irudi batean David Aguilar/ Efe Tamaina handiagoan ikusi

Edurne Begiristain -

2021eko martxoak 26 14:52

EAJk eta PSEk gaur goizean erregistratu dute Eusko Legebiltzarrean COVID-19aren pandemia kudeatzeko neurrien lege proposamena. Lege horri esker, Eusko Jaurlaritzak «berme juridiko osoarekin» hartu ahal izango ditu birusa geldiarazteko egokitzat jotzen dituen erabakiak, talde proposatzaileek gaur jakinarazi dutenez. Haien arabera, autogobernuari «ahalik eta etekinik handiena» ateratzeko tresna da, eta izurriaren aurka jarduteko «lege mekanismoak» eskura jartzen dizkio Eusko Jaurlaritzari. «Arau hau idazteak oso argi uzten du ez gaudela edozein epidemia egoeratan aplikatu beharreko lege orokor baten aurrean. Pandemia honen premiazko beharrei erantzuten die, bereziki», esan dute EAJk eta PSEk.

Luis Javier Telleriak (EAJ) eta Ekain Ricok (PSE) sinatu dute lege proposamena, eta presaz tramitatzeko eskaera egin dute bi taldeek. Ondorioz, ohiko prozedurarako ezarritako denborak erdira murriztuko dira. Jeltzaleen eta sozialisten asmoa da ekinbidea Eusko Legebiltzarreko jarduna amaitu aurretik onartzea, hau da, ekainaren 24a baino lehen. Horretarako, ezarritako epe guztiak erdira murriztu beharko dira.

Lege egitasmoak sei titulu ditu, eta horietan aurreikusita daude bost agertoki, sei adierazle epidemiologiko, eta arrisku maila bakoitzari egokitutako osasun eta prebentzio neurriak. Eusko Jaurlaritzaren Bizi Berri Plana lege egitasmoan txertatuta dago, eta helburuen artean ezarri da 100.000 biztanleko intzidentzia tasa 60 kasutik behera kokatzea. Helburu hori lortzeko pausoez eta COVID-19aren bilakaeraz hamabost egunean behin eman beharko dio Jaurlaritzak Eusko Legebiltzarrari, lege proposamenak jasotzen duenez. Halaber, arauak ezartzen du Araban, Bizkaian eta Gipuzkoan krisia kudeatzeko laguntza teknikoko talde bat eratuko dela, lehendakariak izendatuta eta gidatuta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Koronabirusaren biktima bat lurperatzen, Brasilgo Manaos eskualdeko Nossa Senhora Aparecidako hilerrian. ©Raphael Alves / EFE

Izurria hasi zenetik hiru milioi lagun hil eta 139 milioi kutsatu dira mundu osoan

Ion Orzaiz

Egun bakarrean 600.000 kutsatze eta 12.000 heriotza izan direla jakinarazi du Johns Hopkins unibertsitateak. OMEk ohartarazi du transmisio tasa «gorenean» dela

Guardia Zibila Aroztegiko proiektuaren aurkako kanpaldia egiten ari diren lekuan, atzo ©iñigo uriz

Guardia Zibila Aroztegiaren aurkako kanpaldian agertu da, baina ez dute hustu

Irati Urdalleta Lete

Arratsaldean elkarretaratzea egin dute Lekarozen, 228 etxebizitza, hotel bat eta golf zelaia eraikitzeko proiektua gelditzeko.

Zenbait anbulantzia, Donostia ospitaleko larrialdietako sarreran. ©GORKA RUBIO / FOKU

Egun bakarrean 116 lagun ospitaleratu dituzte Hego Euskal Herrian

Ion Orzaiz

985 kasu gehiago atzeman dituzte Osakidetzak eta Osasunbideak, eta positibo tasa %7,9 da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.