Albistea entzun

Eremu gorriko herrietan sartu eta irtetea galaraziko zaie mendizale federatuei ere

Eusko Jaurlaritzak federatutako kirolarientzako arauak aldatu ditu, eta lehian ari ez diren kirolariak ezingo dira eremu gorritik atera edo bertara sartu.

Mendigoizale bat Gorbeia mendia igotzen, Bizkaiko aldetik.
Mendigoizale bat Gorbeia mendia igotzen, Bizkaiko aldetik. Juanan Ruiz/FOKU Tamaina handiagoan ikusi

Maria Ortega Zubiate -

2021eko apirilak 17

Araba, Bizkai eta Gipuzkoako kirolari federatuentzako neurri berria jakinarazi du Eusko Jaurlaritzak: eremu gorrian dauden herrietan sartu eta irtetea debekatu du, egutegi ofizialak baimendutako lehiaketetarako edo entrenamendurako ez bada. Orain arteko legeak hiru herrialdeen arteko mugikortasuna baimentzen zien federatutako kirolariei, baina, hemendik aurrera, hori bermatu ahal izateko lehia ofizialeko parte izan beharko dute.

«Gure kasuan, mugikortasuna oso garrantzitsua da», azaldu du Iñaki Garai Euskal Mendizale Federazioko kideak. Uste du joan-etorriak murrizteak eragin nabarmenak izango dituela mendizaleen jardunean, uste baitu mugitu ahal izatea beren kirolaren «nortasunaren parte» dela. Hain zuzen ere, legea federatu guztientzat da, baina uste du balitekeela mendizaleen kasuan eragina nabarmenagoa izatea, hori delako beren oinarria.

Eremu gorriko herrietan sartu eta irtetea murrizten du legeak, baina bada hori baimentzen jarraitzeko salbuespen bat: lehia ofiziala. Beste mota bateko zenbait kirol -futbola, esaterako- lehiaren inguruan ardazten dira, eta, beraz, neurriak ez liekete eragingo. Baina, mendizaleen kasuan, kalte berezia egin diezaiekeen neurria dela uste du Garaik. Izan ere, esan du mendiko txapelketa gehienak atzeratu edo bertan behera utzi dituztela. Horrez gain, adierazi du federatu gehienek ez dutela lehietan parte hartzen: «Gure federazioko gehienek ez dute parte hartzen lehiaketetan, eta baliteke horregatik guk gehiago jasatea murrizketa hori».

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzainak itxiera perimetrala kontrolatzen. ©Endika Portillo / Foku

Euskal Herri osoa arintze fasean da

Berria

Espainiako Gobernuak gauerdian indargabetu du alarma egoera, eta Hegoalde osoan libre dira joan-etorriak gaurtik aurrera. Nafarroan etxeratze agindua indarrean da oraindik. Ipar Euskal Herria astelehenetik dago arintze fasean.

Ipar Euskal Herriko erakundeetako eta ikastoletako ordezkariak, Herri Urratseko agerraldian. ©Herri Urrats

Herri Urrats handiaren faltan, 30 txiki

Berria

Ikastola bakoitzak bere festa ospatu du gaur, pandemiak baldintzatutako bigarren Herri Urratsen. Seaskak bosgarren kolegioa behar du, eta Boga kanpaina abiatu du dirua biltzeko asmoz.

PCR probak egiteko gune bat, Iruñean, artxiboko argazki batean. ©Iñigo Uriz/ Foku

Positiboen kopurua jaitsi egin da Hegoaldean, baina tasa %6ra igo da ia

Berria

537 kasu atzeman dituzte osasun erakundeek; bezperan baino 150 gutxiago, 3.000 proba gutxiago eginda. Oraindik 202 gaixo larri daude ZIUetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna