Albistea entzun

Hiru pertsona espetxeratu dituzte Hernanin gizon bat hiltzen saiatzea egotzita

Bi gizon eta emakume bat dira atxilotuak. Hernaniko etxe abandonatu batean agertu zen gizon bati «jipoi izugarri bat» eman izana egozten diete.

Hernaniko Ertzain etxea
Hernaniko Ertzain etxea Eusko Jaurlaritzako Segurtasun Saila Tamaina handiagoan ikusi

Irati Urdalleta Lete -

2021eko apirilak 20 12:31

Ertzaintzak hiru pertsona atxilotu zituen igandean Hernanin (Gipuzkoa), gizon baten hilketa saiakerarekin lotura izan dezaketelakoan. Gizona etxe abandonatu batean aurkitu zuten, «jipoi batekin bateragarriak diren zauri larriekin». Ordu batzuen buruan, Ertzaintzak 42 eta 51 urteko bi gizon eta 33 urteko emakume bat atxilotu zituen Hernanin, eta atzo gauean, Martuteneko espetxera (Donostia) eraman zituzten, epailearen aurretik pasatu ondoren.

Hiru akusatuei biktimari «jipoi izugarri bat» ematea egozten diete. Ondoren, Eusko jaurlaritzako Segurtasun Sailaren arabera, biktima Hernaniko etxe abandonatu batean utzi zuten, eta bertan aurkitu zuten bi herritarrek, eskuak lotuta, buruz behera eta «zauri larriekin». Hura aurkitu zuten bizilagunek eman zioten abisua Ertzaintzari, eta bertara joan ziren Ertzaintzaren hainbat auto eta anbulantzia bat; biktima Donostia ospitalera eraman zuten, «larri».

Ertzaintza, epaileak hala eskatuta, gertaeren lekuan ere sartu da, eta «kasuarekin lotutako ebidentziak» jaso ditu handik. Igande eguerdian egin zituzten atxiloketak, Hernaniko Zikuñaga auzoan eta herriaren erdigunean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar bat txertoa jartzen, Baionako txertaketa gunean. ©Guillaume Fauveau

Hego Euskal Herriko herritarrak Ipar Euskal Herrian txertatzeko irizpideak zehaztu dituzte

Berria

Iparraldean bizi behar da bertan txertoa hartzeko. Halere, lehen dosia Iparraldean hartu duten Hego Euskal Herritarrek bigarren dosia hartzen ahalko dute leku berean.

Euskarazko hezkuntzaren aldeko elkarretaratzea Nafarroako Parlamentuaren aurrean ©Idoia Zabaleta / FOKU

Euskaraz ikasi nahi dutela aldarrikatzeko, dozenaka lagun bildu dira Nafarroako Parlamentuaren aurrean

Olaia L. Garaialde

Uztailaren 2an Baluarte plazatik abiatuko den manifestazioan parte hartzeko deia egin dute LAB, Steilas eta ELA sindikatuek.

Heriotza duinaren lorratzetan

«Eskubideei buruz ari gara eutanasiaren gaiaz mintzo garenean»

Berria

Eutanasiari buruzko ikus-entzunezko berezi bat egin du BERRIAk: 'Heriotza duinaren lorratzetan'. Eutanasiari berari eta legeari buruz hitz egiten du, hiru elkarrizketaturen ahotik.

Zarauzko hondartza olatu handiekin. ©Andoni Canellada/ FOKU

Bizkaiko eta Gipuzkoako kostaldea itsas mailaren igoerara egokitu nahi dute

Iñaki Agirre Perez

Klima aldaketak Hegoaldeko itsasertzean izan ditzakeen ondorioei aurre egiteko plan bat garatzen ari da Jaurlaritza, 2100erako itsas maila 80 zentimetro igo daitekeela aurreikusita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.