Albistea entzun

Analisia

Kazetaritza duina

 

Iñaki Petxarroman -

2021eko apirilak 27

BERRIAri eman zion elkarrizketa batean, David Beriain berriemaile nafarrak gogoeta hau egin zuen gatazka guneetan aritzeak ekar dezakeen arriskuaz: «Gatazketako kazetaritzak kontu teknikoa beharko luke, ikasten dena, bere praktika eta ezagutza espezifikoak dituena. Kazetariak ez du bere bizitza arriskuan jartzera joan behar, joateagatik...».

Besteak beste, Afganistanen, Kolonbian eta Iraken ibili zen berriemaile. Azkenaldiko gerrarik krudelenetako batean, Sirian, jardun zen harekin batera hil duten kamerari bizkaitarra, Roberto Fraile. Afrikako herrialderik txiroenetako batean sarraskitu dituzte, Burkina Fason, basanimalien legez kanpoko ehizari buruzko lan bat egiten ari zirela. Afrika kontinente hautsi bat da, mendebaldeko potentziek aberastasunez hustu eta mila zati ezkonezinetan utzi duten lurralde gobernagaitz bat. Zati horietako bat da Sahel, Mali, Burkina Faso eta Niger herrialdeen artean. Lehorte eta gosete gogorren tokia da, non, talde jihadistek ez ezik, era guztietako banda armatuek ere jarduten duten.

Beriainek eta Frailek bidegabekeriak itotako Afrika hori erakutsi nahi zuten, munduaren ahanzturaz egunero odolusten ari den kontinentea. Kazetaritza duin batean ari zirela hil dituzte, munduari kontatuz ikusi eta entzun nahi ez lukeen errealitate gordina. Ez da erraz beteko haien hutsunea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna