Albistea entzun

Literatura

Pello Lizarraldek irabazi du 111 Akademiaren saria

Akademiakideek ‘Argiantza' eleberria saritu dute. Iazko etenaren ostean, aurten saria emateko jendaurreko ekitaldia egiteko asmoa du 111 Akademiak, ekainaren 10ean.

Pello Lizarralde, 'Argiantza' nobela aurkeztu zuen egunean.
Pello Lizarralde, 'Argiantza' nobela aurkeztu zuen egunean. Juan Carlos Ruiz Foku Tamaina handiagoan ikusi

Berria -

2021eko apirilak 29 12:01

111 Akademiak Pello Lizarralderi (Zumarraga, 1956) emango dio 2020ko 111 Akademiaren saria. Akademiakideek Lizarralderen Argiantza eleberria (Erein) izendatu dute 2020ko libururik gogokoen. 202 akademiakide ditu une honetan 111 Akademiak, eta horietako 117k parte hartu dute 2020ko sariduna izendatzeko 2021eko urtarrila eta apirila bitartean eginiko hiru bozketa txandetan. Lizarralderen lanak Joxean Agirreren Nobela errealista bat eleberria izan du lehiakide azken bueltan.

Hemen irakur daiteke Lizarralderi iazko abenduan liburuaz Iñigo Astiz kazetariak BERRIAn egindako elkarrizketa.

Mende laurdena bete du aurten Euskal Herriko irakurleek ematen duten sari horrek. Manuel Larramendi Kultur Bazkunak 1996an jarri zuen abian Beterriko Liburua literatur aipamena (gerora 111 Akademiaren saria bihurtua), euskal irakurleari literaturaren plazan hitza eta protagonismoa emateko asmoz. Joxean Agirrek irabazi zuen lehen sariketa hura, Elgeta obrarekin.

Hauek izan dira urte horietan guztietan irakurleen saria jaso duten obrak:

1996: Joxean Agirreren Elgeta

1997: Ur Apalategiren Gauak eta hiriak

1998: Koldo Izagirreren Nik ere Germinal! egin gura nuen aldarri

1999: Lourdes Oñederraren Eta emakumeari sugeak esan zion

2000: Ramon Saizarbitoriaren Gorde nazazu lurpean

2001: Joseba Sarrionandiaren Lagun izoztua

2002: Anjel Lertxundiren Zorion perfektua

2003: Bernardo Atxagaren Soinujolearen semea

2004: Pako Aristiren Gauza txikien liburua

2005: Juan Kruz Igerabideren Hauts bihurtu zineten

2006: Karmele Jaioren Amaren eskuak

2007: Jokin Muñozen Antzararen bidea

2008: Anjel Lertxundiren Zoaz infernura, laztana

2009: Irati Jimenezen Nora ez dakizun hori

2010: Ur Apalategiren Fikzioaren izterrak

2011: Harkaitz Canoren Twist

2012: Ramon Saizarbitoriaren Martutene

2013: Miren Agur Meaberen Kristalezko begi bat

2014: Mikel Peruarenaren Su zelaiak

2015: Katixa Agirreren Atertu arte itxaron

2016: Kirmen Uriberen Elkarrekin esnatzeko ordua

2017: Uxue Alberdiren Jenisjoplin

2018: Harkaitz Canoren Fakirraren ahotsa

2019: Karmele Jaioren Aitaren etxea

2020: Pello Lizarralderen Argiantza

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Igor Legarreta zuzendaria, ta Josean Bengoetxea, Haizea Carneros eta Itziar Ituño aktoreak, ilmaren aurkezpenean ©Monika del Valle/ Foku

Bihar estreinatuko dute ‘Ilargi guztiak’ filma, Bilbon

Amaia Igartua Aristondo

Fant zinemaldiaren hasierako ekitaldian emango dute Igor Legarretaren pelikula. Heriotzak eragiten duen beldurraz dihardu ekoizpenak, eta Haizea Carneros, Itziar Ituño eta Josean Bengoetxea aktoreek hartu dute parte

Silvia Perez Cruz izango da jaialdiko izen handienetako bat. ©Kiko Huesca / EFE

Brad Mehldau, Bill Frisell, Silvia Perez Cruz eta Kenny Barron izango dira Donostiako 56. Jazzaldian

Mikel Lizarralde

Musika jaialdia uztailaren 21etik 25era egingo da, eta bertan parte hartuko dute, era berean, Cecile McLoron Salvantek, Noak, Mulatu Astatkek eta Gonzalo Rubacabak

Iñaki Segurolak atzo aurkeztu zuen liburua, Donostian. ©JON URBE / FOKU

Pandemiaren zurrunbilotik

Mikel Lizarralde

Iñaki Segurolak 'Koiteretzia' argitaratu du, azken hilabeteetan bizi izandako egoeretan ardaztutako eleberri bat. Narratzailerik gabe, hiru pertsonaiaren arteko elkarrizketen bidez eman du nobela

 ©JON URBE / @FOKU

«Despolitizatu egiten da kultura»

Gorka Arrese

Kulturaren eta artearen arloak ikuspegi sozialistatik lantzeko egitasmoa da Ekida. 'Manifestua' ikuskizunaren lau emanaldi eskainiko dituzte maiatzean eta ekainean. Lehen editoriala argitaratu dute webgunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.