Albistea entzun

Historia

Agustin Azkarate historialari eta arkeologoak jasoko du Eusko Ikaskuntza-Laboral Kutxa saria

Gazteei zuzendutako deialdian, Ane Zulaikaren Emakumeak Blai lanak eskuratu du Eusko Ikaskuntza-Laboral Kutxa Gazte Saria.

Agustin Azkarate.
Agustin Azkarate. Joese Maria Peman Tamaina handiagoan ikusi

Berria -

2021eko apirilak 29

Agustin Azkarate Garai-Olaunek (Elorrio, Bizkaia,1953) jasoko du Eusko Ikaskuntza-Laboral Kutxaren Humanitateak, Kultura, Arteak eta Gizarte Zientzien Saria. Hala ebatzi du sariaren epaimahaia osatzen duten Eusko Ikaskuntzaren eremu geografikoko zazpi unibertsitateetako ordezkariek eta Eusko Ikaskuntza eta Laboral Kutxako ordezkariek. Haren ekarpenak, maila akademikotik harago, dimentsio humanistiko, kultural, artistiko eta sozial nabarmena izan du. Epaimahaiaren ustez, «azpimarratzekoa da haren proiekzioa, akademian eta unibertsitatean ez ezik, zientzia aplikatuak gizartean ere zabaltzen asmatu duelako».

Arkeologiako katedraduna da Azkarate, eta, besteak beste, EHUn eta Mondragon Unibertsitatean izan da irakasle. Epaimahaiaren iritziz, Azkarateren interes akademikoa espezializazio arlotik harago doa: «Haren ibilbidean zehar hainbat diziplina landu ditu, guztiak bikaintasun maila handiarekin. Arkeologia eta Kultur Ondarea dira haren espezializazio arloak, eta horien eta alboko beste batzuen artean loturak aurkitzeko gaitasunari esker, diziplina anitzeko maila zientifiko handiko ikerketa taldeak osatu eta zuzendu ditu. Horien bidez, ikertzaile gazte askok bikaintasun zientifikoko prestakuntza jaso dute, eta, horrekin batera, gizarte erantzukizuneko sentimendu sendoa».

Eusko Ikaskuntza-Laboral Kutxa Gazte saria

Ane Zulaika Aranburuk eskuratu du aurtengo Eusko Ikaskuntza-Laboral Kutxa Gazte Saria Emakumeak Blai lanarengatik. Hala erabaki du aho batez epaimahaiak. Lanak euskal emakumeek XX. mendearen bigarren erdian itsasoarekin zuten harremana erakustea du xede, euskaraz ekoitziko den film labur batean.

Pieza hori 2021 eta 2022 urteetan egingo du, eta, zehazki, ikerketa lan bat burutuko du, begirada ugariak behatu, bestelako ahotsak entzun, testigantzak jaso, artxiboak errekuperatu, eta, horrela, emakumeek 1960 eta 1980 arteko urteetan itsasoarekin zuten harremana irudikatuko du, eta hausnarketa berriak sortuko.

Ane Zulaika 31 urtetako donostiarra da. Komunikazioan graduatua, Artxibo graduondokoa egin zuen Elias Kerejeta Zine Eskolan. Azken horretan, ondare zinematografikoa eta ikus-entzunezkoa identifikatzeko, sailkatzeko, zaharberritzeko eta babesteko formazio teorikoa eta praktikoa jaso zuen.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / @FOKU

Rockaren suak piztuta dirau

Aitor Biain

Gasteizko Azkena Rock jaialdian eskainitako emanaldiaren ondotik, Euskal Herrira itzuliko da Patti Smith; Donostiako Kursaal auditoriumean ariko da gaur iluntzean. Punk-rockaren ikur handienetako bat da, eta Donostian emango dio amaiera Europa osoan egindako kontzertu birari.
Alex Sanvi eta Unai Iturriaga, atzo, Elkarreko komikiaren txokoan, Donostian. ©MAIALEN ANDRES / FOKU

Mundura atera dira H.B. eta Lo-li-ta

Itziar Ugarte Irizar

Unai Iturriagak eta Alex Sanvik 'Haur Besoetakoa. Itsasoan urak handi' komikia eman dute, Ikastolen Elkartearen eta 'Xabiroi'-ren eskutik. Orain arteko albumik «sendoena» dela uste dute
Alexei Volodin pianista, artxiboko irudi batean. ©EUSKADIKO ORKESTRA
Anari Alberdi. ©JABOGA MANTEROLA / FOKU

Prosaz haragoko udazken bat

Iñigo Astiz

Anari Alberdiren liburua da udazkeneko literatur nobedaderik deigarrienetako bat, baina Agirreren, Epaltzaren eta Ibarzabalen nobelak, Zalduaren ipuinak eta komiki esanguratsuak ere badira tartean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...