Albistea entzun

AEBek txertoei patentea kentzea babestu dute

Joe Biden presidentearen gobernuak iritziz aldatu duela jakinarazi du, «salbuespenezko egoerak salbuespenezko neurriak» eskatzen dituela argudiatuta.

Herritar bat Pfizerren txertoa hartzen, Rio de Janeiron, Brasilen.
Herritar bat Pfizerren txertoa hartzen, Rio de Janeiron, Brasilen. ANDRE COELHO / EFE Tamaina handiagoan ikusi

Berria -

2021eko maiatzak 5

Orain arte uzkur agertu da, baina AEBetako Gobernuak COVID-19aren aurkako txertoei egile eskubideak behin-behinean kentzea babestu du. Indian eta Hego Amerikan, kutsatze kopuruak nabarmen egin du gora, eta, mundu mailako txertaketa prozesua azkartu asmoz, Bidenen administrazioak patenteak liberalizatzearen aldeko komunikatua plazaratu du gaur.

Katherine Taik MME Munduko Merkataritza Erakundeko ordezkari estatubatuarrak azpimarratu du AEBetako Gobernuak «tinko» sinesten duela patenteetan, baina egungoa egoera berezia dela: «Osasun krisi orokor batean gaude. Pandemiaren salbuespenezko egoerak salbuespenezko neurriak eskatzen ditu». Taik adierazi du AEBetako txertaketa «ziurtatuta» dagoela eta ahaleginak ugarituko dituztela txertoen produkzioa eta hornidura handitzeko. Burtsan, farmazia enpresen akzioek behera egin dute.

Indiak eta Hegoafrikak iazko urrian hasi zuten MMEn txertoaren patentea liberalizatzeko ekinaldia, eta Latinoamerikako, Afrikako eta Asiako dozenaka herrialdek bat egin dute haiekin. Txertoak eskuratzeko herrialde aberatsenek baino baliabide urriagoak dituztenak dira, nagusiki.

MME Indiak eta Hegoafrikak elkarrekin aurkeztu dioten azken proposamena aztertzen ari da orain, Keith Rockwell nazioarteko erakundeko bozeramaileak gaur eman duen prentsaurreko batean azaldu duenez. Eskaera horren eduki zehatza ez dute jakinarazi, baina Rockwellek esan du proposamenen artean dagoela patenteak epe jakin batean askatzea, gero berriro ezartzeko horien gaineko egile eskubideak. MMEk ekainean egitekoa du Hegoafrikaren eta Indiaren eskaera aztertzeko bilkura.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar bat COVID ziurtagiria erakusten, Donostian, artxiboko irudi batean. ©ANDONI CANELLADA / FOKU

Jaurlaritzak auzitegiei eskatuko die ziurtagiria hedatzeko

Oihane Puertas Ramirez Irati Urdalleta Lete

Baimena eskatuko du otsailaren 13ra arte ziurtagiria eskatu ahal izateko. Hoteletan eta joko aretoetan ere eskatu nahi du

Osakidetzaren gabeziak «egiturazkoak» dira, ELAk dioenez

Gotzon Hermosilla

Uste du «Jaurlaritzak azken urteotan hartutako erabaki politikoen ondorio» dela osasun langileen falta. Ez du baztertzen grebara deitzea
Aroztak herri plataformak deituriko protesta, atzo. ©IÑIGO URIZ / FOKU

Aroztegian protesta egiteagatik akusatuek deklaratu dute epaitegian

Joxerra Senar

Sei herritar deitu dituzte deklaratzera, Nafarroako Auzitegian. Dozenaka lagunek elkarretaratzea egin dute epaitegi aurrean
Gorka Urtaran Gasteizko alkatea, trena lurperatzeko egitasmoaren aurkezpenean, 2019an. ©ENDIKA PORTILLO / FOKU

AHTaren lurperatzea Gasteizen: argi-ilunak

Edurne Begiristain

Hiriburuko sarbiderako proiektua aurki lizitatuko dutela iragarri du Gorka Urtaran alkateak. Gasteizen trena lur azpitik joateko egitasmo ugari izan dira azken urteotan, baina denak ezerezean geratu dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.