Albistea entzun

Lan istripuak

Langile bat hil da Basauriko Acenomar enpresan

Teilatuan zegoen lanean, eta handik erori da. Aurten hildako 22. behargina da.

Basauriko Arteagoiti industrialdean dago enpresa
Basauriko Arteagoiti industrialdean dago enpresa Berria Tamaina handiagoan ikusi

Jokin Sagarzazu -

2021eko maiatzak 13

49 urteko langile bat hil da ostegun honetan Basauriko (Bizkaia) Acenomar enpresako teilatutik erorita. Lanean zela Euskal Herrian hildako 22. behargina da, LAB sindikatuaren arabera.

Eusko Jaurlaritzako Segurtasun Sailak eman du ezbeharraren berri; zehaztu duenez, goizeko hamarrak hogei gutxi aldera jaso du abisua. Antza denez, langile bat enpresako teilatuan zegoen, eta, oraindik argitu ez diren arrazoiengatik, lurrera erori eta bertan hil da zaurien ondorioz.

ELA sindikatuaren arabera, hildako langileak azpikontrata batentzat egiten zuen lan, eta konponketa lanak egiten ari zen istripua gertatu denean. LABek ohar batean salatu du gisa horretako istripuak saihestuko liratekeela enpresek prebentzio neurri egokiak hartuko balituzte.

Gehiengo sindikalak deituta, elkarretaratzea egingo dute ostiral honetan Acenomar enpresaren atarian, Arteagoiti industrialdean, 12:30ean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iberdrolaren Wikinger parke eolikoa, Alemaniako uretan. ©IBERDROLA

INDUSTRIA KRESAL HAIZETAN

Irune Lasa

Energia berriztagarriak behar dira, gero eta gehiago, ahalik eta gehien. Argindar 'garbia' lortzeko itxaropena itsasoko haize errotetan dago neurri handi batean, eta, bereziki, haize errota flotagarrietan. Eta hor dago euskal industria.
 ©ARITZ LOIOLA / FOKU
Bretainiako hainbat arrantzalek sorgailu eolikoen oinarriak jartzen dituen itsasontzia inguratu zuten maiatzean. ©BERRIA
Artxiboko irudian, laneko heriotza bat salatzeko elkarretaratzea Iruñean ©Inigo Uriz / Foku

Behargin bat hil da Bergaran

Irune Lasa

Markinako behargin bat hil da Bergarako Fagor Ederlanen lantokian «lan istripu ez traumatikoan», salatu du LAB sindikatuak. Beharginak 44 urte zituen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.