Albistea entzun

Dantza taldeen emanaldiak baimendu ditu Jaurlaritzak

Dantza talde amateurren emanaldiak baimenduta daudela jakinarazi du Eusko Jaurlaritzak, baina, horretaz jabetzeko, gaztelerazko bertsioa irakurri behar izan dute zaleek, baimena galdu egin delako euskaratzerakoan, antza.

Dantzari talde bat, iaz, Urduñan, Otxomaio jaien hasieran.
Dantzari talde bat, iaz, Urduñan, Otxomaio jaien hasieran. Marisol Ramirez / FOKU Tamaina handiagoan ikusi

Edu Lartzanguren -

2021eko maiatzak 13

Dantzan.eus atariak gaur ohartarazi du profesionalak ez diren dantza taldeen emanaldiak baimentzen dituela Eusko Jaurlaritzak argitaratu berri duen dekretuak. Atzo argitaraturiko testua irakurrita, debekuak indarrean jarraituko zuela pentsatu zuen dantzazaleek. Baina, antza, itzulpenaren arazoa izan da, gaztelerazko bertsioak baimena ematen baitu.

«Dantza talde ez-profesionalen entseguei berrekitea baimentzen da, eta, nolanahi ere, zorrotz errespetatu beharko dira pertsonen arteko segurtasun distantziaren, maskara erabiltzearen eta kontaktu fisikorik gabeko sei laguneko taldeen prebentzio baldintzak». Horra argitaraturiko dekretuaren euskarazko bertsioa. Entseguak bakarri aipatzen ditu; beraz, dantzazaleek ulertu zuten jendaurreko saioek debekaturik jarraituko zutela.

Haatik, gunearen jarraitzaile batek ohartarazi die gaztelerazko bertsioak «entseguak eta emanaldiak» aipatzen dituela. «Badirudi itzulpenean galdu egin dela dantza emanaldien baimena», idatzi dute Dantzan.eus-ekoek.

Edonola ere, dekretu berriak bestelako informazio hutsuneak ere badituela ohartarazi dute. Izan ere, ez du zehazten zenbat dantzari elkartu ahal diren entseguetan. «Orain arte, sei kideren artekoa zen muga. Zenbakirik ez zehazteak nahi adina dantzari elkartu daitezkeela esan nahi ote du? Ez dirudi hori horrela denik, orain esaten baita taldeek prebentzio neurrien protokoloa izan beharko dutela, Osasun Publikoaren eta Adikzioen Zuzendaritzak ezarritako jarraibideak jasoko dituena. Baina zein dira jarraibide horiek?», galdetu dute.

Edonola ere, dantzazaleek ondorioztatu dute erromeriek eta jaietako dantza desfile eta emanaldiek debekatuta jarraitzen dutela, horietan ezin delako ikusle kopurua mugatu. Maiatzaren 8an Jaurlaritzak plazaraturiko dekretuak espreuski debekatzen ditu, eta dekretu berriak ez du aldatu.

Horrez gain, emanaldiak egitekotan, neurri zorrotzak bete beharko dituzte dantzazaleek, beste kultur ekitaldietako antolatzaileek bezala: areto itxietan, gehienez, edukieraren erdia, 400 pertsonako mugarekin. Aretoak berez 1.600 pertsona baino gehiago har baditzake, orduan asko jota 600 ikusle bildu ahalko dituzte. Maskara erabiltzea derrigorrezkoa da.

Azaldu dutenez, leku irekietan ere edukieraren erdia baino ezingo da bete, eta, gehienez, 600 pertsona. Maskara jantzita eta eserita egon beharko dute ikusleek, eta aulkiak aldez aurretik banatu beharko dira.

Eta 22:00etarako amaituta beharko du emanaldi orok, barruan zein kanpoan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ibaetan duela hilabete batzuk egindako manifestazioa. ©GORKA RUBIO / FOKU

EHUko irakasle batek Ibaetan egindako eraso sexista salatu dute ikasleek

Erredakzioa

Arkitektura Fakultateko irakasle batek ikasleei eraso sexista bat egin ziela salatu dute UIB Unibertsitateko Indar Batasunak eta Arrakalak
Arabako, Bizkaiko eta Gipuzkoako erakundeetako arduradunak izan ziren atzo BECen, estrategia soziosanitarioaren aurkezpenean. ©ARITZ LOIOLA / FOKU

Zaharrak etxean zaintzea sustatu nahi dute instituzioek

Edurne Begiristain

Estrategia soziosanitario berria aurkeztu dute Araba, Bizkai eta Gipuzkoako erakunde nagusiek
Hezkuntza eragile ugaritako ordezkariak bildu ziren, atzo, Gasteizko Europa jauregian. ©ENDIKA PORTILLO / FOKU

Ikasleen segregazioa nola utzi aparte

Irati Urdalleta Lete

'Euskal Hezkuntza Sistema: Adituekin solasean, herritarren azpimarra' sinposioa egin dute Eusko Ikaskuntzak eta Eusko Jaurlaritzak. Eskola segregazioa landu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.