Albistea entzun

Enplegu publikoa

Sindikatuek grebak bultzatzen jarraituko dute enplegu publikoa kontsolidatu arte

ELA, LAB, CCOO, SATSE, ESK eta Steilas sindikatuek apirilaren 22ko grebari buruzko "oso balorazio positiboa" egin dute, eta urratsak egiteko eskatu diote administrazioari

Sindikatuen protesta bat, greba egunean.
Sindikatuen protesta bat, greba egunean. MONIKA DEL VALLE / FOKU Tamaina handiagoan ikusi

Xabier Martin -

2021eko maiatzak 14 13:02

Enplegu publikoaren behin-behinekotasunari soluzioa emateko sindikatuek deitutako lanuztearen eta mobilizazio guztien "arrakasta" nabarmendu dute ELAk, LABek, CCOOk, SATSEk, ESK-k eta Steilasek, elkarrekin egindako agerraldi batean. "Milaka langile publikori greba eskubidea ukatzen zieten gutxieneko zerbitzuak ezarri eta pertsonen mugikortasuna asko baldintzatzen zuen pandemia batean egon arren, 18.000 langilek baino gehiagok parte hartu zuten EAEko hiru hiriburuetan deitutako manifestazioetan".

Eusko Jaurlaritzari kritika handiak egin dizkiote, halaber, haren erantzunarekin etsiak daudelako. "Mobilizazioetan aktiboki parte hartu zuten euskal sektore publikoko milaka langilek egindako eskaerei emandako erantzunak" Gasteizko gobernuaren posizioa azaltzen duela uste dute: "Eusko Jaurlaritzak, propaganda adierazpenak alde batera utzita, euskal sektore publikoko 60.000 langile baino gehiago kontsolidatzeko benetako urratsik egin gabe jarraitzen du". Sindikatuek gogoratu dute Europako behin-behinekotasun rankingaren lehen tokian dagoela EAEko administrazioa, "eta pribatizazioaren aldeko apustuarekin jarraitzen du".

Izan ere, Kidegoen eta Eskalen Lege Proiektuan barneratutako proposamenaren alde dago Jaurlaritza, eta, sindikatuen ustez, proposamen hori ez da nahikoa, "behin-behinekotasunaren gaitza pairatzen duten langile gehienak bere aplikaziotik at uzten dituelako". Hau da, Jaurlaritzak ez du "borondaterik agertu" enplegu publikoa kontsolidatzeko, "ez Mahai Orokorrean, ezta mahai sektorialetan ere".

Bilera nahi dute Eusko Jaurlaritzarekin

Gainerako erakundeei eta euskal alderdi politikoei dagokienez, sindikatuek ez dute ikusi oraindik "benetako proposamenik" arazoari irtenbidea emateko "eta gure herrian zein zerbitzu publiko nahi eta behar ditugun erabakitzeko". Egoera horren aurrean, grebara deitu duten sindikatuek bilerak egitera deituko dituzte "berehala" Eusko Jaurlaritza, Eudel eta euskal alderdi politikoa; "haien esku dagoelako, eta ez beste batzuetan, zerbitzu publikoak indartzea eta behin-behinekotasunaren gaitza pairatzen duten 60.000 langile baino gehiagori enplegua kontsolidatzea".

Horrekin batera, mobilizazioak eta greba egunak bultzatzen jarraituko dutela garbi utzi dute ELAk, LABek, CCOOk, SATSEk, ESK-k eta Steilasek. Datozen asteetarako, mobilizazio sorta bat adostu dute: Mmaiatzaren 25ean, manifestazioa egingo dute Gasteizen. Ekainaren 1ean, berriz, kontzentrazioak EAEko sektore publiko osoko lantokietan; eta ekainaren 5ean, manifestazioak izango dira Donostian, Bilbon eta Gasteizen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iberdrolaren Wikinger parke eolikoa, Alemaniako uretan. ©IBERDROLA

INDUSTRIA KRESAL HAIZETAN

Irune Lasa

Energia berriztagarriak behar dira, gero eta gehiago, ahalik eta gehien. Argindar 'garbia' lortzeko itxaropena itsasoko haize errotetan dago neurri handi batean, eta, bereziki, haize errota flotagarrietan. Eta hor dago euskal industria.
 ©ARITZ LOIOLA / FOKU
Bretainiako hainbat arrantzalek sorgailu eolikoen oinarriak jartzen dituen itsasontzia inguratu zuten maiatzean. ©BERRIA
Artxiboko irudian, laneko heriotza bat salatzeko elkarretaratzea Iruñean ©Inigo Uriz / Foku

Behargin bat hil da Bergaran

Irune Lasa

Markinako behargin bat hil da Bergarako Fagor Ederlanen lantokian «lan istripu ez traumatikoan», salatu du LAB sindikatuak. Beharginak 44 urte zituen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.