Albistea entzun

Futbola

Reala B eta Amorebieta, Bigarren Mailara

Igotzeko beren kanporaketa erabakigarriak gainditu dituzte. Reala B 2-1 nagusitu zaio Algecirasi, luzapenean, eta Amorebieta, 0-1 Badajozi.

Reala B eta Amorebieta, Bigarren Mailara
Reala B eta Amorebieta, Bigarren Mailara Tamaina handiagoan ikusi

Berria -

2021eko maiatzak 23

Gutxienez hiru talde izango dira datorren denboraldian Espainiako Bigarren Mailan. Eibar, Reala B eta Amorebieta. Eibar mailaz jaitsi da, eta beste biek balentria egin zuten atzo. Txuri-urdinen bigarren taldeak Bigarren Mailan jokatuko du 60 urteren ondoren. Amorebieta, berriz, estreinakoz ariko da maila horretan. Gaur laugarren talde bat gehitu daiteke zerrenda horretara, Athletic B-k Burgosen aurka izango baitu jokoan igoera.

Realarentzat egun biribila izan zen atzokoa. Izan ere, lehen taldea Europa ligarako sailkatzeaz gain, Reala B bigarren mailara igo zen. Ikusgarria Xabi Alonsoren taldeak egin zuena, luzapnean 2-1 menderatu baitzuen Algeciras. Txuri-urdinak ziren faborito, eta ez zuten huts egin. Nahikoa zuen luzapena berdinduta amaitzea, baina, 108. minutuan, Ion Karrikaburuk garapenaren gola sartu zuen. Ahoz aho dabilen aurrelariak.

Lehen zatian kontrolpean izan zuen lehia Realak, eta Rober Navarrok eta Julen Lobetek aukera izan zuten Xabi Alonsoren taldea aurretik jartzeko. Baina ez zen horrela izan, eta, bigarren zatiaren hasieran, zorigaiztoko jokaldi batean Ezkurdiak gola ezin zuen bere atean.

Talde gaztea da Realaren bigarrena, baina une horretan jokalariek eskarmentu handia erakutsi zuten. Gai izan ziren behera ez egiteko, eta 64. minutuan lortu zuten berdinketa. Jordi Figuerasek egin zuen bere atean, Aldasororen erdiraketa batean. Reala ondo aritu zen, eta merezi zuen garaipena. Baina 85. minutuan Algeciras gola egitear egon zen. Ayesaren gelditu batek saihestu zuen.

Luzapanera iritsi zen neurketa. Realak nahikoa zuen berdintzea, bere multzoan lider geratu baitzen liga erregularrean. Baina irabazteko grina izan da denboraldi osoan txuri-urdinen ezaugarri nagusia, eta atzo beste behin erakutsi zuten. Hala, Karrikaburu agertu zen 108. minutuan; bizkarrez baloia jaso, buelta eman, eta gola sartu zuen. Denen ahotan zebilen aurrelaria, eta atzoko golarekin are gehiago.

Amorebietak balentria egin zuen. Izan ere, Bigarren B Mailako aurrekontu txikienetakoa izanda, igotzea lortu du. Balentria hori handiagoa izan da kontuan hartuta Badajozen aurka lortu zuela, talde horren zelaian. Badajoz zen faborito argia, baina 22. minutuan Iker Bilbaok sartutako golak hankaz gora jarri zituen aurreikuspen guztiak. Ondo baliatu zuen aldaratze bat gola egiteko. Iñigo Velez de Mendizabalen taldeak egindako partida hasiera onaren saria izan zen.

Hortik aurrera, ondo estutu behar izan zituen hortzak. Izan ere, Badajozek hartu zuen patidaren ekimena, eta, espero bezala, aurrera egin zuen. Baina, defentsako lan onari esker, minutuak aurrera joan ziren eta Espainiako taldeak ez zuen aparteko arriskurik sortu. Sortu zuenean, gainera, Mikel Saizar atezaina agertu zen. Ikusgarria izan zen 75. minutuan egin zuen gelditua. Urrritxen denboraldi historiakoa izango da hurrengoa.

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©RUNGROJ YONGRIT / EFE

Urrezko belaunaldiak azken aukera dauka

Zuriñe Iglesias Sarasola

Belgikak hil ala biziko partida jokatuko du gaur Kroaziaren aurka (16:00). Irabazi ezean, Munduko Kopatik kanpo gera daiteke. Herrialdean inoiz egon den jokalari multzo hoberena osatzen dute De Bruynek, Hazardek, Courtoisek, Lukakuk...
<em>Crypto.com</em> eta Budweiser enpresen publizitatea, Ingalaterraren eta Galesen arteko partidan. ©GEORGI LICOVSK / EFE

Babestua dago Munduko Kopa

Ainara Arratibel Gascon

Qatarren, debekatua dute edari alkoholdunak saltzea eta kriptodirua erabiltzea, baina Munduko Koparen babesle dira, besteak beste, sektore horretan ari diren hainbat enpresa eta marka.
 ©ICON SPORT

«Ezin da esan etxetik kanpoko partidetan ondo aritu ez garenik»

Iñaki Berastegi

Baionan lehen sasoia du Facundo Boschek. Uste du taldeak «espero baino hobeki» hasi duela denboraldia. Lyonen aurka jokatuko dute etzi (17:00), Jean Daugerren. Aurkari indartsua da Frantziako taldea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...