Albistea entzun

Biktimak

Memoria Osoa sareak salatu du Biktimen Oroimenezkoa «diskriminatzailea» dela

Elkarretaratze batera deitu du biharko, Gasteizen, ETAren Biktimen Memorialaren inaugurazioarekin bat eginez.

Memoria Osoa sarearen agerradia, gaur, Gasteizen
Memoria Osoa sarearen agerradia, gaur, Gasteizen Berria Tamaina handiagoan ikusi

Edurne Begiristain -

2021eko maiatzak 31 15:21

Memoria Osoa sarea osatzen duten Euskal Herriko elkarte memorialistek agerraldia egin dute gaur goizean Gasteizen, bihar inauguratuko duten ETAren biktimen omenezko memorialaren inguruan irakurketa egiteko. Salatu dute zentro horren izaera «diskriminatzailea» dela, eta bizikidetzaren aurkako «erasotzat» jo dute. Nerea Martinez eta Josu Ibargutxi Memoria Osoa sarearen izenean mintzatu dira agerraldian: «Une historiko honetan, giza eskubideen urraketa guztiak kontuan hartzen dituen proiektu eta dinamika eraikitzaileak eta integralak behar ditugu», adierazi dute. Hala, norbanakoei eta kolektiboei dei egin diete bihar, eguerdiko 12etan Gasteizko Foruen plazan deitutako elkarretaratzean parte hartzeko. Memoria osoa bizikidetzaren alde, giza eskubideen urraketen arteko diskriminazioari ez lelopean deitu dute bilkura.

Memoria Osoa sareko kideek salatu dute bihar ateak zabalduko dituen Biktimen Memoriala «planteamendu baztertzaile» batean oinarritzen dela, besteak beste, estatuaren aparatuek eragindako indarkeriaren milaka biktima kanpoan uzten dituelako. «Zentro horrek bere edukiak antolatzeko erreferentziatzat hartzen duen data 1960 urtea da. Data hori guztiz ausazkoa da diktadura frankistaren erdian, eta ez dator bat estatu terrorismoak bere forma ugarietan lehenago edo geroago eragindako sufrimenduaren mapan jaso behar den errealitatearekin: fusilamenduak, epaiketaz kanpoko exekuzioak, tortura,...». Sarearen ustez, une historiko honetan giza eskubideen urraketa guztiak kontuan hartzen dituzten proiektu eta dinamika «eraikitzaileak eta integralak» behar dira.

EH Bilduren kritika

EH Bildu ere oso kritiko agertu da memorialarekin. Unai Urruzuno eta Eba Blanco EH Bilduko ordezkariek agerraldi batean salatu dute «biktimen kategorizazioa finkatzeko tresna» bat izango dela bihar irekiko duten zentroa: «Biktima batzuk lehen mailakoak izango dira, beste batzuk bigarren mailakoak, hirugarren mailakoak edota laugarren mailakoak. Eta beste batzuei biktima izaera bera ere ukatzen zaie». EH Bilduren irudiko, «bunker memorialista» bat izango da zentro hori, eta bizikidetza eraikitzeko baino gehiago, «batzuen aurka erabiltzeko tresna» bat bilakatuko da, euskal gizartean ia babesik ez duen «kontakizun zehatz eta partziala» sustatuko duena. ETAren biktimen oroimenezkoa irekitzea, herri ikuspegitik «arduragabekeriazko ekintza» bat izango dela gaitzetsi du koalizioak, halaber.

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.