Albistea entzun

Enpresak

Fagor Taldeak pandemiara egokitzen jakin du, eta 28,4 milioiko irabazia lortu du

2020. urtean aurrekoan baino salmenta apalagoak izan dituen arren (1.260 milioi euro), «espero baino emaitza hobeak dira»

Fagor Arrasateren instalazio bat.
Fagor Arrasateren instalazio bat. IKERLAN Tamaina handiagoan ikusi

Xabier Martin -

2021eko maiatzak 31 18:10

Koronabirusaren pandemiak erabat baldintzatutako merkatuan, aurrera egiten jakin du Fagor Taldeak, eta «espero baino emaitza hobeak» lortu ditu. 1.260 milioi euroko fakturazioa izan dute Fagor osatzen duten kooperatibek, guztiak ere Mondragon Korporazioko kideak (Fagor Arrasate, Fagor Automation, Fagor Electronica, Fagor Industrial, Copreci, Fagor Ederlan, Mondragon Assembly eta Galbaian), eta, salmenta horiei esker, 28,4 milioi euroko mozkinak lortu dituzte 2020. urtean.

Enpresa talde horrek Batzar Nagusia egin du, eta Fagor Taldeko presidente Joxean Alustizak garbi utzi du ez dela urte erraza izan euskal industriaren abangoardian dauden taldeko kideentzat, «ziurgabetasun handia» egon delako urte osoan; baina taldeko zortzi kooperatibek «erresilientzia» erakutsi dute. «Dena den, COVID-19aren ondorioak ezin dira ahaztu emaitzak aztertzean», esan du Alustizak: «konfinamenduan egoera oso zaila bizi izan dute enpresek». Hala ere, «aurrera begira» jarraitu dute Fagorren, «etorkizuneko apustuei eutsita», eta, egokitzeko gaitasun horri esker, taldeak 1.260 milioi euroko fakturazioa lortu du, eta 28,4 milioiko irabazia.

Enpleguari dagokionez, 5.000 langilek dihardute taldeko zortzi kooperatibetan, Euskal Herrian. Nazioarteko lantegiak ere kontuan hartuz, kopuru hori halako bi da lantaldea: 10.000 langile. Fagor Taldeak Jasangarritasun Estrategia 2030 onartu du, eta zenbait konpromiso hartu ditu hamarkada honetan aritzeko: «Enplegua sortzeko negozioak transformatzea, ekonomia digital, deskarbonizatu eta zirkular batean; gobernantza eredu demokratikoa garatzen eta hobetzen jarraitzea, pertsonek beren onena emateko eremu egokiak sortuz». Ingurumen larrialdiaren aurrean, karbono aztarna gutxitzea da beste konpromiso horietako bat, eta beste bat, lurraldearen transformazioan eragile izatea, «komunitateari ekarpena eginez».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zentral eoliko bat Yanchengen (Txina). 2025. urtean Txinarena izango da munduko energia eskariaren heren bat. ©ALEX PLAVEVSKI / EFE

Hiru urte barru berriztagarriak izango dira munduko argindar iturri nagusia

Paulo Ostolaza

Ikatza gaindituko dute, IEA Nazioarteko Energia Agentziaren arabera. Datozen hiru urteetako eskariaren igoera ere energia berriztagarriekin eta nuklearrarekin aseko da ia erabat.

LAB sindikatuaren mobilzazioa, asteazken honetan ©Guillaume Fauveau

LABek pentsio sistema propioa aldarrikatu du

Berria

Manifestazioa egin du Hendaia eta Irun artean. Euskal Herriko alderdi politikoak deitu ditu Madrilen eta Parisen murrizketa gehiago ez onartzera. Frantziako sindikatu nagusiek beste mobilizazio egun bat antolatu dute hilaren 16rako.

Novaltiako eta Vulcanizados Zuloagako grebalariak protestan, Lan Ikuskaritzaren Bilboko egoitzaren atarian. ©ELA Bilbo

Enpresen «konplize» izatea egotzi diote Novaltiako eta Vulcanizados Zuloagako grebalariek Lan Ikuskaritzari

Iñaut Matauko Rada

Ikuskaritzaren egoitzaren atarian elkarretaratzea egin dute grebalariek. Greba eskubidea «etengabe» urratzen zaiela gogorarazi dute.

Javier Remirez Nafarroako Funtzio Publikoko kontseilaria. ©Iñigo Uriz / Foku

Nafarroako Gobernuak baztertu egin du bere langileei soldata gehiago igotzea

Iker Aranburu

«Baliabideak mugatuak dira», argudiatu du Javier Ramirez Funtzio Publikoko kontseilariak. Soldatak inflaziora parekatzea da hilaren 15eko grebaren eskakizunetako bat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...