Albistea entzun

Klima larrialdia

Klima aldaketak eragindako beroaldiek urtero 33 lagun hiltzen dituzte Hegoaldeko hiriburuetan

1991tik 2018ra mundu osoan beroak eragindako heriotzen %37 klima aldaketak eragindakoak dira, zientzialari talde batek egin eta Nature Clmate Change aldizkarian argitaratutako ikerketa baten arabera.

Bero handiko egun bat, iazko udan, Bilbon.
Bero handiko egun bat, iazko udan, Bilbon. Luis Jauregialtzo / Foku Tamaina handiagoan ikusi

Berria -

2021eko ekainak 1

Munduko 732 hiritako datuak hartu dituzte aintzat Bernako Unibertsitateko (Suitza) eta Londresko Higiene eta Medikuntza Tropikaleko Eskolako hainbat ikertzailek, eta ondorioztatu dute gero eta gehiago direla klima aldaketak eragindako bero boladek munduan eragindako biktimak. Euskal Herria ere ez da salbuespen bat. Ikerketan ageri diren datuen arabera, 33 lagun hiltzen dira urtero klima aldaketak eragindako beroaldien ondorioz: 13 Bilbon, 7na Iruñean eta Donostian, eta 6 Gasteizen. Guztietan ere, 3,3 eta 4,1ekoa da heriotza tasa, 100.000 biztanleko.

Ikerketak erkatu egin ditu iraganeko eta oraingo bero boladek eragindako osasun kalteak, eta modu horretan zehaztu ahal izan du zein den klima aldaketa antropogenikoari dagokion kantitatea. Zehazki, isurketa antropogenikoak zituzten eta ez zituzten agertokietan simulatutako iraganeko baldintza meteorologikoak aztertu ziren. Horri esker, giza jarduerekin lotutako beroketa eta inpaktu sanitarioa joera naturaletatik bereizi ahal izan zituen taldeak. Beroarekin lotutako hilkortasuna honela definitu zen: beroari egotzitako heriotzen kopurua, giza osasunerako tenperatura egokienean baino bero handiagoa egiten zuen egoeretan gertatutakoena. Tenperatura hori aldakorra izaten da munduko toki batetik bestera, eta hori ere aintzat hartu dute ikertzaileek.

Modu horretan argitu ahal izan dute zenbateko proportzioan egotz dakizkiokeen klima aldaketari heriotzak. Klima aldaketak eragindako heriotzen eragin handiena munduko hegoalde globaleko herrialdeetan izaten ari dela ohartarazi dute ikertzaileek, hau da, klima aldaketa eragiten duten berotegi gas gutxien isuri duten horietan; esate baterako, Hego Amerikan, Ekialde Hurbilean... Ikertzaileek aitortu dute, hala ere, datu falta handia daukatela, besteak beste Asiako eta Afrikako hirietakoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Nuria Garcia Arostegi alkateak salatu du «bigarren mailako herritar» sentitzen direla

Auto ilara bat, Bilbo inguruan, artxiboko irudi batean. ©ANDONI CANELLADA / FOKU

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoan eten baten ostean. Datu demografikoak, ekonomikoak, sozialak eta ingurumen arlokoak landu ditu behategiak

Euskal Eskola Publikoaz Harro-ren agerraldia, atzo, Bilbon ©MARISOL RAMIREZ / FOKU

Salatu dute matrikulazioa aldatu arren Jaurlaritzak itunpekoa babestuko duela

Irati Urdalleta Lete

Euskal Eskola Publikoaz Harro-k ohartarazi du ikasle kalteberak sareen artean banatzeak haiek estigmatizatzeko arriskua eragiten duela

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...