Albistea entzun

AEB-ak

Bidenek bertan behera utzi du Artikoan petrolioa eta gasa ustiatzeko baimena

Etenaldia behin-behinekoa da, ustiaketek ingurumenean izan dezaketen kaltearen norainokoa aztertu artekoa.

Johns Hopkins glaziarrra, Alaska hegoaldean. /
Johns Hopkins glaziarrra, Alaska hegoaldean. / EFE Tamaina handiagoan ikusi

Arantxa Elizegi Egilegor -

2021eko ekainak 2 10:40

Aurreko legealdiaren amaieran, AEBetako orduko presidente Donald Trumpek Artikoko Basoko Bizitza Babesgune Nazionalean gasa eta petrolioa ustiatzeko baimenak esleitu zituen. Bart gauean, baina, bertan behera utzi zituen horiek Joe Biden presidentearen administrazioak, argudiatuta gainbegiratu egin behar direla baimenak, argitzeko Ingurumen Politikarako Legea urratzen ote duten.

Artikoko herriek pozik hartu dute erabakia, baina ez hala errepublikanoek. Joan den urtarrilean, Trumpek babesguneko lurren %5 ustiatzeko baimena eman zuen, bere agintaldia amaitu aurreko egunetan. 76.800 metro koadroko eremuarekin, Artikoko babesgunea da AEBetako naturgune babesturik handienetako bat.

Errepublikanoak, ordea, ez datoz bat estatuburuaren erabakiarekin. Dan Sullivan eta Lisa Murkowski senatariek ohar bat plazaratu dute non salatzen duten erabakiak kolokan jarriko dituela Alaskako ekonomia eta energia segurtasuna. MIke Dunleavy gobernadore errepublikanoak ere ohartarazi du Trumpen administrazioak egindako esleipenak «baliozkoak» direla eta, beraz, gobernu federalak ezin dituela indargabetu.

AEBek urtarrilean eten zituzten behin-behinean gas eta petrolio ustiaketa guztiak, Bidenen aginduz. Estatuburu demokratak karguaren zina egin eta ordu gutxira iragarri zuen erabakia, urtarrilaren 20an bertan. Orduan azaldu zuen baimenek arau guztiak betetzen zituztela gainbegiratu beharra zegoela. Azterketa horren ostean, atzo jakinarazi zuen Deb Haaland Barne idazkariak Artikoko ustiaketak geldiarazteko erabakia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Fa Populu Insemeren zerrendaburu Gilles Simeoni, iragan ostegun arratsaldean, Bastiako mitinean. ©#BARRA_ABILDUA#FAPOPULU_INSEME

Puzzle bat Simeonirentzat

Ander Perez Zala

Mugimendu nazionalistaren batasuna edo zatiketa baieztatuko dute Korsikan gaur egitekoak diren bozen lehen itzuliko emaitzek. Marcangeli eskuindarra izango da pisuzko lehiakide bakarra

 ©ELISA LONCON

«Maputxeok gure patua erabakitzea autodeterminazio ariketa politiko bat da»

Jon Ordoñez Garmendia

Elisa Lonconek argi du Txileko konstituzio berriak estatuaren nazioaniztasuna eta maputxeen hizkuntza eskubideak aitor ditzan hautatu dutela. Kargua onartuko lukeen arren, ez luke nahi Biltzarreko presidentetzak zeregin horretatik urruntzea.

Ebrahim Raisi kleriko kontserbadorea, hauteskunde egunean. ©ABEDIN TAHERKENAREH / EFE

Ebrahim Raisi aise gailendu da Irango presidentetzarako bozetan

Iosu Alberdi

Klerikoak botoen %62 eskuratu ditu. Inoizko parte hartzerik txikiena izan da. Printzipalistenak izango dira botere exekutiboa eta legegilea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna