Albistea entzun

Ingurumena

Munduko lehen arrano arrantzale albinoa Urdaibain jaio da

Hark bizirik irautea «erronka handia» izango dela adierazi dute Urdaibai Bird Centerreko arduradunek. Arrano arrantzalea desagertutako espezie bat zen Euskal Herrian, eta joan den asteburuan jaio ziren lehen bi kumeak.

Gaur jaio den arrano arrantzale albinoa, kabian.
Gaur jaio den arrano arrantzale albinoa, kabian. Urdaibai Bird Center Tamaina handiagoan ikusi

Paulo Ostolaza -

2021eko ekainak 2

«Naturak berriz txunditu gaitu». Hala adierazi dute Urdaibai Bird Centerreko arduradunek gaur; izan ere, ezagutzen den munduko lehen arrano arrantzale albinoa Euskal Herrian jaio da. Joan den asteburuan ere albiste izan ziren Urdaibaiko biosfera erreserban (Bizkaia) hainbat urte eta gero jaio ziren bi arrano arrantzale. Aspaldidanik, espezie hori desagertuta zegoen Euskal Herrian. 

Orduan eman zuten abisua Urdaibai Bird Centerreko arduradunek, eta asmatu ere egin dute: hurrengo egunetan beste kume bat jaiotzea espero zuten, eta gaur arrano arrantzale albino bat jaio da Urdaibain. Hegaztien zentroak argi utzi du arrano arrantzale bikote batek Urdaibain kabia egin eta arrautzak uztea mugarri bat dela, baina are garrantzitsuagoa dela esan dute bi arrazoirengatik: batetik, hiru arrautza jarri zituelako (ohikoena bi jartzea izaten da), eta, bestetik, gaur jaio den txita erabat zuria delako.

Kezka ere adierazi dute, ordea. Izan ere, arrano arrantzale albino batek bizirik irautea «erronka handia» da: «Basa faunaz ari garela argi izan behar dugu, eta etorkizuna latza izan daitekelakoan gaude». Gehitu dute Urdaibai Bird Centerretik egin dezaketen gauza bakarra dela «naturari bere bidea egiten uztea».

Desagertutako espeziea

Arrano arrantzalea Euskal Herrian desagertuta zegoen espezie bat da. Haiek berreskuratzeko asmoarekin, 2013an askatu zuten kumeen guraso izan den arranoetako bat, Roy izenekoa. Haren bikotekidea, berriz, Orxeko (Akitania) erreserba naturalean egindako suspertze proiektukoa da. Bikotea joan den urtean egonkortu zen.

Lehen abisua apirilean eman zuten Bird Centerreko arduradunek: arrano arrantzale bikote horrek habia egin zuen Urdaibain, eta handik egun gutxira jarri zuten lehen arrautza han. Ohikoa da bikote hori udaberrian Urdaibain egotea.

Arrano arrantzaleak zuzenean ikus daitezke hegaztien zentroaren Youtubeko kanalean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hainbat herritar Hendaiako hondartzako pasealekuan, artxiboko irudi batean. ©Guillaume Fauveau

Bihartik, Ipar Euskal Herrian ez da maskararik jantzi beharko kanpoaldean

Uxue Rey Gorraiz

Igandetik aitzina, ez da etxeratze agindurik izanen. Aldaketa espero baino lehenago sartuko dira indarrean, uztailaren 1ean espero baitzen bertan behera gelditzea.

Konstituzio Kontseluaren ebazpena salatzeko protesta egin zuten Baionan, maiatzaren 29an. ©Bob Edme

Konstituzio Kontseiluak murgiltzea onetsi du Seaskan, baina ez sare publikoan

Oihana Teyseyre Koskarat

Maiatzean emandako ebazpenari buruzko xehetasunak eman ditu, murgiltze ereduaren inguruan.

Espainiako presidente Pedro Sanchez, gaur, kongresuan. ©Txema Moya, EFE

Sanchez: «Laster utziko diogu kalean maskara erabiltzeari»

Uxue Rey Gorraiz

Espainiako Gobernuko presidente Pedro Sanchezek azaldu du COVID-19aren kontrako txertaketa kanpainaren abiada «egonkortu» egin dela.

Iruñeko Rio Taberna, ostatuen barnealdea atzera irekitzea baimendu zen egunean. ©Iñigo Uriz, FOKU

Nafarroak edukierak eta ordutegiak zabalduko ditu zenbait sektoretan

Uxue Rey Gorraiz

Ordubete atzeratuko da ostalaritza lokalen barnealdeen itxiera ordua; gauerdira arte izaten ahalko dira zabalik, gehienez %50eko edukiera erabilita. Kultur jardueretarako, %60n zehaztu dute muga. Neurriak ostiralean sartuko dira indarrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.