Albistea entzun

Urkulluk iragarri du ez duela beteko Lurralde Arteko Osasun Kontseiluak atzo hartutako erabakia

«Gure ibilbide orria Bizi Berri Plana da», ohartarazi du lehendakariak. Espainiako Gobernua Jaurlaritzaren eskumenetan «esku sartzen» ari dela salatu du.

Iñigo Urkullu lehendakaria Eusko Legebiltzarrean, artxiboko irudian
Iñigo Urkullu lehendakaria Eusko Legebiltzarrean, artxiboko irudian David Aguilar/ Efe Tamaina handiagoan ikusi

Edurne Begiristain -

2021eko ekainak 3

Iñigo Urkullu Eusko Jaurlaritzako lehendakariak gaur goizean azpimarratu du ez duela bat egiten atzo Espainiako Osasun Sistemako Lurralde Arteko Kontseiluak hartutako erabakiarekin, eta iragarri du Jaurlaritzak bere bide orri propioari jarraituko diola. «Gure ibilbide orria Bizi Berri Plana da, adostua eta eraginkorra dena, eta ibilbide orri hau Espainiako Gobernuarekin partekatuta dago. Beraz, guk gure ibilbideari ekingo diogu», adierazi du gaur goizean Eusko Legebiltzarreko atarian. Lehendakariaren ustez, atzo hartutako erabakiak «talka» egiten du Jaurlaritzaren eskumenekin: «Gure eskumenetan esku sartzen ari dira».

Espainiako Osasun Sistemako Lurralde Arteko Kontseiluak atzo arratsaldean egindako bileran agiri bat onartu zuen, eta, horren arabera, adibidez, gau klubetan ezingo diote jardunari berrekin 100.000 biztanleko 50 kasu baino gutxiago eduki arte. Hala, onartutako plan berriaren arabera, intzidentzia tasa metatua apala denean, gaueko aisialdirako lokalak 03:00ak arte egon ahalko dira irekita, eta tabernak eta jatetxeak 01:00era arte. Erabakia ez zuten aho batez hartu, hainbat erkidegotako gobernuek aurka egin baitzuten; Eusko Jaurlaritzak ez zuen parte hartu bileran, ezta bozketan ere, iritzita Labiren Aholku Batzordeak ezarritako neurriekin talka egiten duela. Gaur goizean, Urkulluk Jaurlaritzaren jarrera defendatu du, eta Espainiako Gobernuarena kritikatu. Salatu du Madrilek «adostasunik gabe» eta alde bakarrez hartu duela erabakia, eta horrek urratu egiten duela gobernantza partekatua. Harrituta azaldu da Espainiako Gobernuaren jarrerarekin, eta «ordena eta errespetua» eskatu ditu erkidegoetako gobernuentzat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hainbat herritar Hendaiako hondartzako pasealekuan, artxiboko irudi batean. ©Guillaume Fauveau

Bihartik, Ipar Euskal Herrian ez da maskararik jantzi beharko kanpoaldean

Uxue Rey Gorraiz

Igandetik aitzina, ez da etxeratze agindurik izanen. Aldaketa espero baino lehenago sartuko dira indarrean, uztailaren 1ean espero baitzen bertan behera gelditzea.

Konstituzio Kontseluaren ebazpena salatzeko protesta egin zuten Baionan, maiatzaren 29an. ©Bob Edme

Konstituzio Kontseiluak murgiltzea onetsi du Seaskan, baina ez sare publikoan

Oihana Teyseyre Koskarat

Maiatzean emandako ebazpenari buruzko xehetasunak eman ditu, murgiltze ereduaren inguruan.

Espainiako presidente Pedro Sanchez, gaur, kongresuan. ©Txema Moya, EFE

Sanchez: «Laster utziko diogu kalean maskara erabiltzeari»

Uxue Rey Gorraiz

Espainiako Gobernuko presidente Pedro Sanchezek azaldu du COVID-19aren kontrako txertaketa kanpainaren abiada «egonkortu» egin dela.

Iruñeko Rio Taberna, ostatuen barnealdea atzera irekitzea baimendu zen egunean. ©Iñigo Uriz, FOKU

Nafarroak edukierak eta ordutegiak zabalduko ditu zenbait sektoretan

Uxue Rey Gorraiz

Ordubete atzeratuko da ostalaritza lokalen barnealdeen itxiera ordua; gauerdira arte izaten ahalko dira zabalik, gehienez %50eko edukiera erabilita. Kultur jardueretarako, %60n zehaztu dute muga. Neurriak ostiralean sartuko dira indarrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna