Albistea entzun

Honduras

Caceresen hilketaren arduraduntzat jo dute elektrizitate enpresa bateko goi kargudun bat

Copinh elkarteak eta NBEk ikerketarekin jarraitzeko beharra nabarmendu dute, «egile intelektual guztiak» atzeman arte.

Justizia eskatzeko mobilizazioa, auzitegien aurrean, Tegucigalpan.
Justizia eskatzeko mobilizazioa, auzitegien aurrean, Tegucigalpan. GUSTAVO AMADOR / EFE Tamaina handiagoan ikusi

Iosu Alberdi -

2021eko uztailak 6 14:05

Berta Caceres ekintzaile ekologistaren hilketaren arduradun intelektualtzat jo dute Roberto David Castillo DESA elektrizitate enpresako zuzendaritzako kidea. Haren aurkako zigorra abuztuaren 3an ezarriko dute. Fiskaltzak «historikotzat» jo du auzitegiaren erabakia, eta nabarmendu du agerian utzi duela Castillok Caceresen hilketa agindu zuela «Gualcarque ibaian, Lenca herriaren lurraldean, DESA enpresak egin nahi dituen operazioetan oztoporik egotea eragozteko». Halere, fiskaltzak ez du ikerketa hor amaitu nahi, eta lanean jarraituko du «hilketan parte hartu zuten beste egile intelektual batzuk identifikatzeko».

Copinh elkarteak «Lenca herriaren eta Berta Caceresen familiaren garaipen» gisa irudikatu du ebazpena, eta Bertha Zuñigak, ekintzailearen alabak, gehitu du «giza eskubideena eta elkartasuna adierazi duen komunitateena» ere badela. Halere, ikerketak ez eteteko eskatu dute, «krimenaren egile intelektual den Atala Zablah familia» auzipetzea falta dela argudiatuta: «Ebazpenak adierazten du, kasu honetan, botere egiturek ez dutela lortu justizia sistema erostea, eta Atala Zablah familiaren egitura kriminalak ez dituela bere helburuak lortu».

NBE Nazio Batuen Erakundearen Giza Eskubideen goi mandatariak Hondurasen duen bulegoak ere erabakia txalotu du: «Ebazpena gakoa da biktimen eta gizartearen egiarako eta justiziarako eskubidea bermatzeko. Mugarri historiko bat da kontuak emateari eta Hondurasko zuzenbide estatua indartzeari dagokionez». Copinh elkarteak egin bezala, «arduradun guztiak» ikertu eta zigortu arte lanean jarraitzeko eskatu du.

Castillo herrialdetik ihes egiteko asmotan zela atzeman zuen Poliziak. Militar ohia, DESA enpresako presidente exekutiboa zen krimena gauzatu zen garaian. Gainera, Castillo ez da Caceresen hilketarekin lotuta ikertu duten DESA enpresako kide bakarra.

Berta Caceres ekintzailea 2016ko martxoaren 3an hil zuten, 43 urte zituela, La Esperanza herriko haren etxean, CIDH Giza Eskubideen Batzorde Interamerikarrak hura babesteko neurriak hartuak zituen arren. Azken urteetan mehatxu ugari jaso zituen ekintzaileak, Agua Zarca presaren eraikuntzaren aurkako mugimenduaren buruetako bat izateagatik. Hilketaren testigu bakarra Caceresen etxean zegoen Gustavo Castro ekintzaile ekologista mexikarra izan zen, eta hark ere tiro bat jaso zuen belarrian.

DESA enpresak Gualcarque ibaian —sakratua da Lenca herriarentzat— egin nahi duen azpiegiturak indigenen esku dauden lur eta basoak suntsituko lituzke, Lenca herriaren eledunen arabera. Ebazpenaren ostean, beraz, azpiegitura eraikitzeko kontzesioa bertan behera uzteko eskatu dute Caceresen familiak eta Copinh elkarteak, eragin ditzakeen kalteez gain, hura eraikitzeko baimena emateko garaian «ustelkeria» nagusi izan dela argudiatuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alemaniako armadako bi soldadu, ariketa militarrak egiten, urtarrilen, Marienbergen, Alemanian. ©MARTIN DIVISEK / EFE

Alemaniak Leopard 1 tankeak bidaliko ditu Ukrainara

Mikel O. Iribar

‘Süddeutsche Zeitung’-en arabera, Berlinek 88 tanke emango dizkio Kievi. EBko zenbait goi kargudun Ukrainako hiriburuan dira, Zelenskirekin batera.

Italiako Polizia hilik aurkitutako zortzi migratzaileen gorpuak daramatzan ontziaren zain. / ©Concetta Rizzo, EFE

Kostazainek 42 pertsona erreskatatu dituzte Lampedusatik gertu

Arantxa Elizegi Egilegor

Zortzi lagun hilik atera dituzte ontzitik. Erreskatatutako migratzaileen esanetan, hotzez hil ziren. Beste bi desagertutzat jo dituzte.

Montanako zeruan ikusi duten ustezko globo espioia. ©BERRIA

AEBek Txinako ustezko globo espioi bat atzeman dute beren aire eremuan

Berria

Txinak «ez espekulatzeko» eskatu du, baina gertakariak korapilatu egin dezake igandetik aurrera Antony Blinken AEBetako Estatu idazkaria Txinara egitekoa den bi eguneko bisita.

Ukrainako armadako soldaduak, atzo, Kramatorsken, goizaldean Errusiak jaurtitako misilek eragindako hondakinen artean. ©SERGEI XESTAK / EFE

Bruselak ohartarazi dio Ukrainari EBko kide izateko bidea luzea dela

Igor Susaeta

Europako Batzordearen arabera, ez da «esprint bat» talde komunitarioan sartzeko prozesua, «maratoi bat baizik». Kievek berretsi du 2024ko abendurako egon nahi duela batasunean sartzeko prest

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.