Albistea entzun

Tiroketa

Herbehereetako kazetari bat tirokatu dute Amsterdamen eta oso larri dago

Peter R. de Vries ezaguna da Herbehereetan, mafiak ikertzeagatik. Atzo iluntzean gertatu zen erasoa, eta bi pertsona atxilotuta daude.

De Vries, 2019an.
De Vries, 2019an. BAS CZERWINSKI / EFE Tamaina handiagoan ikusi

Igor Susaeta -

2021eko uztailak 7 14:56

Kazetari bati tiro egin zioten atzo iluntzean Amsterdam erdialdean, eta oso larri dago. Peter R. de Vries da kazetaria, eta Herbehereetan ezaguna da mafiak ikertzen egindako lanarengatik. 19:30ak inguruan gertatu zen erasoa, kazetaria telebista baten eraikinetik ateratzen ari zenean. Iturri ofizialean arabera, bost aldiz tiro egin zioten, eta horietako batek buruan harrapatu zuen. Erasoarekin lotuta, Poliziak hiru gizonezko atxilotu ditu, baina horietako bat aske dago jada; beste biak, 35 eta 21 urtekoak, ostiralean igaroko dira epailearen aurretik.

Auzi penaletan ikerketa kazetari gisa parte hartzeagatik, De Vriesek mehatxuak jaso izan ditu eta bizkartzainekin ibili izan da. 2019an mezu bat zabaldu zuen sare sozialetan, esanez Poliziak jakinarazi ziola mafiaren zerrenda batean nabarmenduta agertu zela bere izena. »Gu guztiontzako heroi nazional bat da, eta kazetari gisa nekaezin jardun du justizia bila» adierazi zuen Femke Halmesa hiriburuko alkateak, erasoa gertatu eta gutxira. Mark Rutte lehen ministroarentzat «ulertezina» da erasoa, eta iruditzen zaio adierazpen askatasunaren kontrakoa izan dela. Herbehereetatik kanpo ere erreakzioak eragin ditu erasoak, eta Charles Michel Europako Kontseiluko presidenteak, adibidez, bere Twitter kontuan jarri du jarraitu behar dela «atsedenik gabe» adierazpen askatasuna defendatzen.

Kandelak eta lore sortak utzi dituzte tiroketa gertatu zen tokian. KOEN VAN WEEL/EPA/EFE

Bien bitartean, Poliziak informazioa eskatu die tiroketaren lekuko izan zirenei, baina ohartarazi die ez dezatela horrekin lotutako materialik sare sozialetan konpartitu. Youtubek jakinarazi du zenbait bideo ezabatu dituela plataformatik.

Heinekenen jabearen bahiketa

Sona handiko hainbat kasu ikertu ditu De Vriesek 40 urte pasako kazetari ibilian. Aurrenetakoa izan zen Freddy Heinekenen, izen bereko garagardo etxearen jabearen, bahiketa. 30 urte geroago, 2013an, bahitzailea zigortu zuten Vries mehatxatzeagatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Quad aliantzako lau herrialdeetako liderrak, gaur, Tokion ©EFE

Asia-Pazifikoan Txinari aurre egiteko neurriak adostu ditu Quad aliantzak

Igor Susaeta

AEBek, Indiak, Japoniak eta Australiak Pekini leporatzen diote Indopazifikoan 'statu quo'-a «indarrez» aldatu nahi izatea. Ohartarazi dute eskualdean ezin dela Errusiak Ukrainan egindako inbasioaren «antzekorik» gertatu.

Doktrinatzeko zentroetako ikasgeletako bat, artxiboko irudi batean. ©WU HONG, EFE

Txinako Polizia hackeatu, eta uigurren kontrako jazarpenaren datuak azaleratu dituzte

Uxue Rey Gorraiz

Zibererasoaren ondorioz, poliziek uigurrei ateratako 5.000 argazki baino gehiago gelditu dira agerian; irudiok 2018an ateratakoak dira. Giza Eskubideen Nazio Batuen goi mandataria Txinan da, giza eskubideen urraketak ikertzen saiatzeko.

Trenaren bosgarren zatia, Quintana Roo estatuan (Mexiko). ©LOURDES CRUZ / EFE

Ekosistemaren arnasari entzungor

Zuriñe Iglesias Sarasola

Mexikoko Tren Maiaren bosgarren zatian eraikuntza lanak behin-behinean etenda daude ingurumen kalteak direla medio. Greenpeacek gobernua salatu du legea «urratu» duelako.

Irango exekuzioak salatzeko iaz Berlinen egindako protesta bat ©FILIP SINGER / EFE

Exekuzioak %20 ugaritu ziren iaz munduan, koronabirusari aurre egiteko murrizketak arindu zirela eta

Ander Perez Zala

Amnesty Internationalen arabera, 579 lagun exekutatu zituzten 2021ean, hemezortzi herrialdetan; horietako 314, Iranen. Gorakada hori «kezkagarritzat» jo du GKEak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...