Albistea entzun

Altsasuko auzia

Estrasburgoko Auzitegiak aztertu egingo du Altsasuko gazteek bidezko epaiketa izan ote zuten

Errekurtsoetan adierazi dute ez zutela bidezko epaiketarik izan, besteak beste, argudiatuta epaimahaiburua partziala zela eta prozesu judizialean hainbat irregulartasun egon zirela.

Iazko uztailean, elkarretaratzea Altsasun.
Iazko uztailean, elkarretaratzea Altsasun. Iñigo Uriz / Foku Tamaina handiagoan ikusi

Berria -

2021eko uztailak 20

Altsasuko auziaren azken helmuga Estrasburgoko Giza Eskubideen Europako Auzitegia da, eta oraingoz ez du aterik itxi. Urte hasieran, zortzi gazteen defentsa abokatuek helegite bidez aldarrikatu zuten ez zutela bidezko epaiketarik izan, eta, Altsasuko Gurasoek jakinarazi dutenez, Ainara Urkijo, Jokin Unamuno, Iñaki Abad, Aratz Urrizola, Julen Goikoetxea eta Jon Ander Coben defentsek jarritako helegiteak aintzat hartu ditu. Altsasuko Gurasoen Twitterreko kontuan baieztatu dute abokatuek jaso dutela jakinarazpena: «Litekeena da gainerako errekurtsoek bide beretik jotzea».

Urtarrilean, Amaia Izko abokatuak BERRIAri adierazi zion gutxienez tramiterako onartzea espero zutela. «Guk demandak egin ditugu konbentzituta gaudelako urraketa horiek egin egin direla, eta konbentzituta gaudelako nahi izanez gero Estrasburgok zuzentzen ahal dituela, beste kasu batzuetan egin duen moduan».

Helegiteetan, argudiatu dute urratu egin zirela beren defentsaren eskubideak, besteak beste Auzitegi Nazionaleko epaiketan epaimahaiburua Concepcion Espejel izan zelako. Guardia Zibilaren koronel batekin ezkonduta dago Espejel, eta Merezimendu Saria eman zion Guardia Zibilak. Auzibidean, defentsek, «lotura afektibo eta psikologikoak» zituela iritzita, haren inpartzialtasuna zalantzan jarri zuten Auzitegi Nazionalaren aurrean, baina hark atzera bota zuen. Halaber, abokatuetako batek zalantzan jarri du beste bi epaileen inpartzialtasuna ere, Eloy Velascorena eta Jose Ramon Navarrorena.

Defentsen beste argudioetako bat da prozesu judizial bidezko bat izateko eskubidea urratu egin zitzaiela eta hainbat irregulartasun egon zirela auzibidean. Gainera, neurrigabeko zigorrak jarri zizkietela ere azaldu dute helegiteetan.

Tramitea onartuta, hori dena aztertzea dagokio orain Giza Eskubideen Auzitegiari. Urtarrilean, gazteek eta senideek Iruñean egindako agerraldi batean, nabarmendu zuten geratzen den bidea «konplexua» izango dela, baina «itxaropentsu» zeudela. Oraingoz, bederen, Estrasburgoko auzitegiak ez du atea itxi.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Euskal preso, deportatuen eta iheslarien aldeko martxa Getarian (Gipuzkoa) ©Andoni Canellada

Presoen etxeratzea aldarrikatzeko martxa bat antolatu du Sare Herritarrak urriaren 7tik 9ra, Araban

Olaia L. Garaialde

'Ibilian ibilian etxerako bidean' lelopean Gazteizko Bilbo plazatik bihar 18:30ean abiatuko den manifestazioan parte hartzeko deia egin du.

 ©IDOIA ZABALETA / @FOKU

«Legealdian irekirik den aukeraren leihoa baliatu behar dugu»

Joxerra Senar

Espetxe politika norabidez aldatzeko lehen faseak bi urte iraun du. Bigarrena hasi berri, Agus Hernanek arrisku gisa ikusten du Auzitegi Nazionalaren eta fiskaltzaren jokabidea.

 ©IDOIA ZABALETA / @FOKU

«Legealdian irekirik den aukeraren leihoa baliatu behar dugu»

Joxerra Senar

Espetxe politika norabidez aldatzeko lehen faseak bi urte iraun du. Bigarrena hasi berri, Agus Hernanek arrisku gisa ikusten du Auzitegi Nazionalaren eta fiskaltzaren jokabidea.
Andoni Ortuzar, goizean Bilbon eginiko ekitaldian, Sabino Aranaren irudia atzean duela. ©Aritz Loiola / FOKU

EAJ «askatasuna lortzeko tresna» dela nabarmendu du Ortuzarrek alderdiaren 126. urteurrenean

Iñaki Agirre Perez

Bilbon eginiko ekitaldian, EAJren bozak «doan» eskaini dizkio Ortuzarrek Gernikako Estatutua bete, kontzertu ekonomikoa errespetatu eta «herri honi modu askean bere patua erabakitzen» utziko dion Espainiako gobernuari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna