Albistea entzun

Kolonbia

Buruzagi sozial bat eta haren familia hil dituzte Kolonbian, eta jada 97 dira aurten hildako ekintzaileak

Aurten Kolonbian 54 sarraski egin dituzte, eta 200 pertsona inguru hil. Geldialdi nazionala egingo dute gaur herritarrek.

Manifestazio bat Kolonbian, maiatzean
Manifestazio bat Kolonbian, maiatzean Carlos Ortega/EFE Tamaina handiagoan ikusi

Oihane Puertas Ramirez -

2021eko uztailak 20 12:39

Igandean izan zen azken erasoa, Yolombon (Kolonbia). Indepaz Garapenerako eta Bakerako Ikerketen Institutuaren arabera, gutxienez hamar gizon armatu sartu ziren establezimendu publiko batera, eta lau pertsona hil zituzten: Luis Hernando Castrillon buruzagi soziala, Maria Piedad Ramirez emaztea, Esneyder semea eta Fray Zapata izeneko gazte bat. Tokiko hedabideek zabaldu dutenez, ustez Kolonbiako Autodefentsa Gaitanista taldeko kideak izan ziren erasotzaileak —Golkoko klana ere esaten diete— , eta behin eta berriz egin zieten tiro biktimei.

Indepaz-ek adierazi duenez, 2021ean Kolonbian izandako 54. sarraskia da, eta 200 bat pertsona hil dituzte orain arte; horietako 97, buruzagi sozialak edo ekintzaileak. 2016. urtetik, hau da, Bake Akordioa sinatu zutenetik, 1.213 ekintzaile hil dituzte talde armatuek.

Nazio Batuen Erakundeko (NBE) Segurtasun Kontseiluak kezka azaldu du Kolonbiako indarkeriagatik eta «mehatxu, eraso eta buruzagi komunitario eta sozialen aurkako hilketa etengabeengatik». Juvenal Diaz Mateus Armadako Zazpigarren Dibisioko komandanteak gaitzetsi egin du krimena, eta Golkoko klaneko kideak eremu horretako biztanleak «beldurtzen» aritu direla azaldu du, «narkotrafikoaren negozioan» aritzen direlako hor.

Geldialdi nazionalera daude deituta gaur herritarrak. Sare sozialetan zabaldu dutenez, «benetako independentziagatik» aterako dira kalera, banderak alderantziz eramango dituzte, eta kasko batekin eta betaurrekoekin joango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Gizon bat gasolina zerbitzugune batean, autoa betetzen, Peshawarren (Pakistan), artxiboko irudi batean. ©Bilawal Arbab / EFE

Gizonek emakumeek baino %16 gehiago kutsatzen dute

Maddi Iztueta Olano

Kontsumo ohituren eta berotegi gasen isurien lotura aztertu du Annika Carlsson Kanyama ikerlariak. Gizonek emakumeek baino gehiago kutsatzen dutela dio ikerketak.

Tong Ying-kit, iazko uztailean, auto barruan, Segurtasun Legearekin auzipetu zuten epaileengana bidean. ©JEROME FAVRE, EFE

Erruduntzat jo dute Hong Kongeko Segurtasun Legearekin auzipetutako lehenengo herritarra

Gorka Berasategi Otamendi

Kondenatuari «terrorismoa» egotzi diote, eta «sezesioa bultzatzea», motor batekin istiluen kontrako hiru poliziaren artetik igarotzeagatik protesta ikur batekin.

Hitxem Metxixi lehen ministroaren kontrako manifestariak, haren kargugabetzea ospatzen, Tunis hiriburuan. ©STR, EFE

Tunisiako lehen ministroak botere eskualdatze «baketsua» iragarri du

Gorka Berasategi Otamendi

Presidenteak bera kargugabetu izana onartu du Metxitxik. Ennahdha alderdia hauteskundeak aurreratzearen alde agertu da, «autoritarismoa» eragozteko. Protestak eteteko eskatu die gobernuaren aldekoei.

Mikati, Aunekin bildu ostean, atzo. ©WAEL HAMZEH / EFE

Najib Mikati enpresaria izendatu dute Libanoko lehen ministro

Iosu Alberdi

Parlamentuko 118 kideetako 72ren babesa du. Gerra zibiletik jasaniko krisi ekonomiko larrienari aurre egitea izango da haren ardura nagusia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna