Igandean izan zen azken erasoa, Yolombon (Kolonbia). Indepaz Garapenerako eta Bakerako Ikerketen Institutuaren arabera, gutxienez hamar gizon armatu sartu ziren establezimendu publiko batera, eta lau pertsona hil zituzten: Luis Hernando Castrillon buruzagi soziala, Maria Piedad Ramirez emaztea, Esneyder semea eta Fray Zapata izeneko gazte bat. Tokiko hedabideek zabaldu dutenez, ustez Kolonbiako Autodefentsa Gaitanista taldeko kideak izan ziren erasotzaileak —Golkoko klana ere esaten diete— , eta behin eta berriz egin zieten tiro biktimei.
Indepaz-ek adierazi duenez, 2021ean Kolonbian izandako 54. sarraskia da, eta 200 bat pertsona hil dituzte orain arte; horietako 97, buruzagi sozialak edo ekintzaileak. 2016. urtetik, hau da, Bake Akordioa sinatu zutenetik, 1.213 ekintzaile hil dituzte talde armatuek.
Luis Hernando Castrillón
— 🇮 🇳 🇩 🇪 🇵 🇦 ​🇿 (@Indepaz) July 19, 2021
18/07/21
Yolombó, Antioquia
Era el actual tesorero de la Junta de Acción Comunal de la vereda La Cruz.
Con Luis Hernando Castrillón serían 97 los líderes y defensores de DDHH asesinados en 2021 y 1213 desde la firma del acuerdo de paz. pic.twitter.com/ZjfAibRflI
Nazio Batuen Erakundeko (NBE) Segurtasun Kontseiluak kezka azaldu du Kolonbiako indarkeriagatik eta «mehatxu, eraso eta buruzagi komunitario eta sozialen aurkako hilketa etengabeengatik». Juvenal Diaz Mateus Armadako Zazpigarren Dibisioko komandanteak gaitzetsi egin du krimena, eta Golkoko klaneko kideak eremu horretako biztanleak «beldurtzen» aritu direla azaldu du, «narkotrafikoaren negozioan» aritzen direlako hor.
Geldialdi nazionalera daude deituta gaur herritarrak. Sare sozialetan zabaldu dutenez, «benetako independentziagatik» aterako dira kalera, banderak alderantziz eramango dituzte, eta kasko batekin eta betaurrekoekin joango dira.
🛑 #Colombia este tweet se comenta con las convocatorias a movilización en todos los puntos de concentración del país y a nivel internacional.
— ©halecos Amarillosá´Â³á´Â¸á´Â¼á´Â®á´Â¬á´Â¸ ðŸÂ€Ê·AäNãOìNäYË¡MäOáµÂUÃÂ¥Sæâ¿ (@ChalecosAmarill) July 20, 2021
✊ðŸÂ¿âœŠðŸÂ¼âœŠA las calles con banderas al revés, con casco, gafas y protección, por la verdadera independencia. pic.twitter.com/tqekHHTZAm
