Albistea entzun

Afganistan

«Bultzada estrategikoa» hartu dute talibanek Afganistanen, Mark Milley AEBetako jeneralaren arabera

Herrialdeko 419 barrutietatik erdiak kontrolatzen dituzte talibanek. Kabulen aldeko indarrak hiriburuetan gotortuta daude, AEBetako indar armatuen estatu nagusi bateratuko buruak dioenez.

Afganistango armadako soldadu bat, bonba batekin lehertarazitako auto baten alboan.
Afganistango armadako soldadu bat, bonba batekin lehertarazitako auto baten alboan. GHULAMULLAH HABIBI / EFE Tamaina handiagoan ikusi

Julen Aperribai -

2021eko uztailak 22

Talibanek Afganistanen «bultzada estrategikoa» hartu dutela aitortu du Mark Milley AEBetako indar armatuen estatu nagusi bateratuko buruak, eta horri esker kontrolpean dutela herrialdearen azaleraren erdia, gutxi gorabehera. Afganistango Gobernuaren esku dauden guneak bakartzen saiatzen ari direla gaineratu du. Horri erantzutea, baina, gobernuaren aldeko indarren ardura dela azpimarratu du: «Herri afganiarraren, segurtasun indar afganiarren eta Afganistango Gobernuaren borondatearen eta gidaritzaren froga izango da datorrena».

Afganistango 419 barrutietatik erdiak talibanen eskuetara pasatu direla aitortu zuen jeneralak, eta «presio egiten» ari direla 34 probintzia hiriburutatik hamazazpitan, baina zehaztu du ez dutela lortu horietako bakar bat ere kontrolatzea. Gobernuaren aldeko indarrek hiriburuetara jo dutela azaldu zuen, horiek babesteko asmoz.

Eid al-Adha musulmanen ospakizun egunaren bueltan, gutxitu egin dira bi aldeen arteko borrokak, baina kontrakoa gertatzea espero da datozen egun eta asteetan, eta bizitu egingo dela Etxe Zuria tropak erretiratzen hastearekin batera talibanek hasitako oldarraldia.

Pentagonotik hitz egin du Milleyk, Lloyd Austin Defentsa idazkariarekin batera. Milleyk adierazi du talibanek "botere guztia" hartzeko aukera badagoela, baina baita «bestelako edozein jokaleku» egonkortzekoa ere. «Amaiera ez dago idatzita oraindik».

Tropen %95 inguru erretiratu dituzte dagoeneko AEBek, eta herrialdean geratzen diren ia guztiak Kabulgo aireportuan eta enbaxadan gotortuta daude. Etxe Zuriak abuztuaren 31rako Afganistandik kanpo nahi ditu tropa guztiak. Hala ere, Austinek ziurtatu zuen AEBek jarraituko dutela Kabuli laguntza ematen, alor humanitarioan eta segurtasunarenean. «Konpromisoa mantentzen dugu Afganistanen dugun presentzia diplomatikoarekin eta Afganistango defentsa nazionalera nahiz segurtasun indarretara funtsak bidaltzearekin», gehitu zuen.

Kabulek eta talibanek bake negoziazioak berrartu zituzten asteburuan, Dohan, baina ez zuten lortu su-etenerako akordiorik. AEBak tropak erretiratzen hasi izanak bultzatu zituen talibanak elkarrizketa mahaian esertzera, eta zenbait kontzesio egitera; besteak beste, prest agertu ziren Al-Qaeda eta bestelako talde armatuek herrialdean presentzia izan dezaten eragozeko. Boterea eskuratzetik aspaldiko gertuen izanik, ordea, ez da espero Kabulek negoziaziorako baldintzatzat ezarria duena onartuko dutenik talibanek: su-etena ematea.

«Negoziatutako irtenbide baterako aukerak egon badaude», hala uste du Milleyk, baina, era berean, bestelako «edozein aukera» ere posible dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Tigraytik ihes egindako herritarrak, Um Rakuba kanpalekuan, Sudanen. ©ALA KHEIR / EFE

Tigrayn giza laguntza sartzeko beharra nabarmendu du Unicefek

Iosu Alberdi

Haren arabera, ehun mila ume malnutrizioa jasateko arriskuan daude. AEBek «premiazko» su-eten bat eskatu diete Addis Abebari eta TPLFri. Borrokak Amhara eta Afar eskualdeetara zabaldu dira

 ©DANI CODINA

«Ez nuke berriz egingo; hobeto egingo nuke»

Carme Porta

Indultua «garaipen txiki bat» izan da Forcadellentzat, baina, Kataluniako prozesuagatik auzipetutako beste buruzagiek bezala, errepresaliatu guztientzako amnistia du xede.
Ehunka lagun Covid-19aren proba egiteko itxaroten, Akapulkon. ©David Guzman / EFE

Mexikoko erietxe batzuk %100 beteta daude COVID-19a duten gaixoekin

Maddi Iztueta Olano

Azken orduetan 381 hildako zenbatu dira herrialdean, eta kutsatzeen tasa hirukoiztu egin da.

Beit Hanoun bonbardaketen ondoren suntstituta, Gaza iparraldean, joan den maiatzean. ©Mohammed Saber/EFE

Gazara giza laguntza sartzen utziko du Israelgo Gobernuak

Maddi Iztueta Olano

Bakea Orain erakundeak salatu du Israelgo Gobernuak Zisjordaniako palestinarrenak diren lurrak lantzeko diru laguntzak eman dizkiela kolono talde batzuei

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.