Albistea entzun

Eskuin muturra

«Gorrotoari erantzuteko» deia egin du Norvegiako lehen ministroak, Utoyako sarraskiaren urteurrenean

Eskuin muturraren eta «edozein estremismoren» aurka egin beharra defendatu du Erna Solbergek, eta norberak egin beharreko lanketa «euste hormarik garrantzitsuena» dela nabarmendu du.

Utoyako sarraskian hildakoak omentzeko gaur goizean egindako ekitaldiko irudi bat.
Utoyako sarraskian hildakoak omentzeko gaur goizean egindako ekitaldiko irudi bat. GEIR OLSEN / EFE Tamaina handiagoan ikusi

Julen Aperribai -

2021eko uztailak 22 15:57

Hamar urte dira Anders Behring Breivik eskuin muturreko kideak Norvegiak Bigarren Mundu Gerraz geroztik ezagututako eraso handiena egin zuenik. 77 lagun hil zituen, bi atentatutan. Ibilgailu bat lehertarazi, eta zortzi lagun hil zituen, lehenik, gobernuaren egoitzaren ondoan, eta Utoya uhartera jo zuen gero. Norvegiako Alderdi Laboristako gazte erakundearen kanpamentua egiten ari ziren bertan, eta han bildutakoei eraso zien tiroz —69 lagun hil zituen, gehienak 14 eta 19 urte artekoak—. Kultur aniztasunaren eta islamaren aurkako diskurtsoarekin justifikatu zituen hilketak.

Sarraskia gogora ekartzeko eta hildakoak omentzeko hainbat ekitaldi antolatu dituzte gaurko Norvegian. Horietako batean izan dira Erna Solberg lehen ministroa eta Jens Stoltenberg lehen ministro ohia —NATO Ipar Atlantikoko Itunaren Erakundeko idazkari nagusia da egun—. «Gorrotoak ezin du erantzunik gabe geratu», adierazi du Solbergek, erasotik bizirik atera ziren hainbat lagunen eta euren senideen aurrean, eta azpimarratu du «era askotako estremismoen» aurkako borrokan asko aurreratu dutela segurtasun indarrek, azken hamar urteetan. Hala ere, norberak gorrotoa sustatzen duten diskurtsoen aurka egin beharreko lanketan jarri du fokua: «Gutako bakoitzak gure baitan eraiki behar duguna da euste hormarik garrantzitsuena».

Alabaina, Norvegiako ezkerreko sektoreek nahiz erasotik bizirik ateratako hainbatek sarritan kritikatu izan dute herrialdean ez dela eskuin muturreko ideologia erauzteko behar besteko ahaleginik egin.

Gertakaria oroitzeko lehen ekitaldia izan da gaur goizekoa. Osloko udaletxean hasi da, eta katedraldean amaitu. Arratsaldean ere izango da oroitze ekitaldi gehiago. Utoyan hildakoak gogoratzeko kontzentrazio bat egingo dute uhartean bertan, arratsaldean, eta erregeak hitz egingo du gauean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Gizon bat gasolina zerbitzugune batean, autoa betetzen, Peshawarren (Pakistan), artxiboko irudi batean. ©Bilawal Arbab / EFE

Gizonek emakumeek baino %16 gehiago kutsatzen dute

Maddi Iztueta Olano

Kontsumo ohituren eta berotegi gasen isurien lotura aztertu du Annika Carlsson Kanyama ikerlariak. Gizonek emakumeek baino gehiago kutsatzen dutela dio ikerketak.

Tong Ying-kit, iazko uztailean, auto barruan, Segurtasun Legearekin auzipetu zuten epaileengana bidean. ©JEROME FAVRE, EFE

Erruduntzat jo dute Hong Kongeko Segurtasun Legearekin auzipetutako lehenengo herritarra

Gorka Berasategi Otamendi

Kondenatuari «terrorismoa» egotzi diote, eta «sezesioa bultzatzea», motor batekin istiluen kontrako hiru poliziaren artetik igarotzeagatik protesta ikur batekin.

Hitxem Metxixi lehen ministroaren kontrako manifestariak, haren kargugabetzea ospatzen, Tunis hiriburuan. ©STR, EFE

Tunisiako lehen ministroak botere eskualdatze «baketsua» iragarri du

Gorka Berasategi Otamendi

Presidenteak bera kargugabetu izana onartu du Metxitxik. Ennahdha alderdia hauteskundeak aurreratzearen alde agertu da, «autoritarismoa» eragozteko. Protestak eteteko eskatu die gobernuaren aldekoei.

Mikati, Aunekin bildu ostean, atzo. ©WAEL HAMZEH / EFE

Najib Mikati enpresaria izendatu dute Libanoko lehen ministro

Iosu Alberdi

Parlamentuko 118 kideetako 72ren babesa du. Gerra zibiletik jasaniko krisi ekonomiko larrienari aurre egitea izango da haren ardura nagusia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna