Albistea entzun

Begia Tokion

Euskal Herriko 11 kirolari izan dira gaur lehian

Virginia Diaz lemazainik gabeko biko probako finalerdian lehiatu da, eta finalerako sailkatu. Bihar jokatuko du finala, 02:30ean.

Virginia Diaz eta Aina Cid arraunlariak
Virginia Diaz eta Aina Cid arraunlariak Raul Bogajo/Foku Tamaina handiagoan ikusi

Oihane Puertas Ramirez -

2021eko uztailak 28

11 euskal kirolari lehiatuko dira gaur, uztailak 28, Tokion. Goizaldean hasi dira, 05:05ean, eta Kevin Peponnet izan da lehenengoa, 470 espezialitatean, Enoshimako bela portuan. Lapurtarraren lehen lasterketa izan da Tokioko Olinpiar Jokoetan.

05:30ean izan da Virginia Diazen txanda, lemazainik gabeko biko probako finalerdian. Lehia gainditu du Aina Cid kataluniarrarekin batera, eta bihar jokatuko dute finala, 02:30ean.

07:00etan hasi da errepideko txirrindularitza, baina Ion Izagirre 08:10ean abiatu da. Gipuzkoarrak ondo hasi du lasterketa, baina 15. kilometroan kalanbreak izan ditu, eta utzi egin du erlojupekoa.

12:30ean ligaxkako partida jokatu dute Julen Aginagaldek eta Eduardo Gurbindok Brasilen kontra. Espainiak 32-25 irabazi dio Brasili, eta Gurbindok gol bat sartu du.

13:00etan, berriz, Unai Simon, Martin Zubimendi, Jon Moncayola, Mikel Merino eta Mikel Oiartzabal lehiatu dira Argentinaren kontra. Bana berdindu dute, eta Merinok sartu du gola. Boli Kosta izango du aurkari final-laurdenetan, larunbatean.

13:45ean Jose Maria Basterra Otxoak ligaxkako partida izan du, Japoniaren kontra. Espainiako belar hockeyko selekzioak 1-4 irabazi dio Japoniari. Hurrengo partida ostiralean izango du Basterrak, Australiaren aurka.

Gaur, gainera, igeriketan ere zenbait final jokatu dira, 03:41etik aurrera. Gizonezkoen gimnastika artistikoko banakako finala ere jokatuko da, 12:15ean hasita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Bizkaiko Batel Ligaren 7. eta 8. jardunaldiak, 2019ko martxoan. Bizkaiko arraun taldeetako 500 neska-mutil batu ziren. / ©Bermeo Arraun Argazkiak

Pandemiak moteldu egin ditu

Natalia Salazar Orbe - Bizkaiko Hitza

Bizkaiko Futbol eta Atletismo federazioek esan dute behera egin duela bi kirolotan federatu diren gazteen kopuruak. Uste dute gazteek beste ohitura batzuk hartu dituztela azken aldian, pandemiaren ondorioz. Arraunera gazte gehiagok jo dute, baina fitxa kopurua antzekoa izango da aurten ere.

Peio Etxeberria, Altuna III.aren aurkako atzoko norgehiagokan egindako tantoetako bat ospatzen. ©RAUL BOGAJO / FOKU

Oparia bere buruari

Ainara Arratibel Gascon

Peio Etxeberriak garaipen handia lortu du Altuna III.aren kontra, 18-22, eta oin eta erdi du finalerdietan. Ezkurdiak 22-15 hartu du mendean Urrutikoetxea
 ©JON URBE / FOKU

«Toki aproposenean nago ikasteko; onenekin nago»

Julen Etxeberria

Bera Berak Paris 92 hartuko du gaur Gaskan, Europako Ligako bigarren kanporaketako joaneko partidan (12:00, ETB1). Loidik estreinakoa du Europan: «Markatua nuen egun hau».

Anbizioa eta beharra

Eñaut Agirrebengoa

Osasunak esne mamitan jarraitu nahi du, gaur Vila-realen zelaian beste hiru puntu lortuta. Alavesek premiak estututa hartuko du bihar Betis

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna