Albistea entzun

Enpresak

Irizarrek kontratu handi bat lortu du Parisen

Lehen bi urteetan, Irizar Ie Bus modelo elektrikoko 113 unitate emango dizkio RATPri.

Irizar Ie bus modeloa, proba bat egiten, Donostian.
Irizar Ie bus modeloa, proba bat egiten, Donostian. Irizar Tamaina handiagoan ikusi

Iker Aranburu -

2021eko uztailak 28

Paris eta haren inguruko hiriak bisitatzen dituztenek Euskal Herrian egindako autobus elektrikoak erabili ahal izango dituzte. Izan ere, Gipuzkoako kooperatibak akordio bat egin du RATP Parisko garraio publikoen enpresa publikoarekin, hari dozenaka autobus elektriko hornitzeko. Ibilgailu horiek Adunan (Gipuzkoa) egingo ditu Irizar e-Mobility adarrak.

«Autobus elektrikoak erosteko Europako proiekturik handienetako bat da», Irizarrek nabarmendu duenez. Kopuru zehatz bakar bat eman du, ordea: lehen bi urteetan, 113 unitate entregatuko ditu, Irizar Ie Bus modelokoak, %100 elektrikoak.

Ibilgailu horiek 12 metro luze dira, 350 kWh-ko Irizar bateriak izango dituzte, eta zama geldoaren bidez kargatuko dira autobus biltokietan. Elektronika, komunikazioak, osagai nagusiak eta sistemak Irizar taldearen teknologia dira. «Eskerrak eman nahi dizkiogu RATPri, autobus flota berritzeko gugan jarri duten konfiantzagatik. Parisen moduko hiri batean gure elektromugikortasun soluzioak inplementatu ahal izatea, mundu mailan elektromugikortasunean erreferente den hiri batean, erronka handia da guretzat, eta ezin gara harroago egon». azaldu du Imanol Rego Irizar e-Mobilityko zuzendari nagusiak.

Irizarrek salmenta ondoko zerbitzu bat izango du Parisen; teknikari adituek eta han kontratatutako pertsonek kudeatuko dute.

Kontratu ugari Frantzian

Azken urteetan hainbat kontratu lortu ditu Irizar adar elektrikoak Frantzian. 2016an, Marseillako lehen linea 100% elektrikoa jarri zuen martxan. 2019an, berriz, asmo handiko proiektu bat hasi zen Amiensen: BRT flota elektrikoa, karga ultralasterreko Europako flotarik handiena. Urte berean, Irizarrek beste bi BRT proiektu jarri zituen martxan Aix-en-Provence hirian. Itxitako azken kontratuak Orleans eta Estrasburgoren eskaerak izan dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©BERRIA
Donostiako erdialdeko etxebizitza bat alokagai. ©JON URBE / FOKU
Atzo Gasteizen egin zuten bilketari hasiera emateko ekitaldia. ©RAUL BOGAJO / FOKU

Zoru etiko baten eske

Aitor Biain

Sinadurak biltzen hasi dira baldintzarik gabeko oinarrizko errenta eskatzeko. Ekinaldiaren xedea da proposamena Eusko Legebiltzarrera eramatea han eztabaidatzeko eta lege izaera emateko. Sustatzaileek uste dute inoiz baino arrazoi gehiago dagoela gaur egun tresna hori eskura izateko.

 ©ANDONI CANELLADA / FOKU

«Oinarrizko errenta zerbitzu publiko bat izango litzateke»

A. Biain

Bollainek irizten dio gutxieneko diru sarrera bat bermatzeko errentak ez direla nahikoa izan pobrezia amaitzeko. Dio, ordea, oinarrizko errentari esker herritarrek eskubide gehiago eta askatasun handiagoa izango dutela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.