Albistea entzun

Koldo Izagirrek igorritako testua

 

Berria -

2007ko apirilak 6 12:17
=b KRITIKA SARIARI UKO=b =i Honako testu hau igorri du Koldo Izagirre idazleak BERRIAko erredakziora. =b Rimmel=b liburuarengatik eman berri dioten Kritika Sariari uko egin diola jakinarazteko.=i \"Duela hilabete t\'erdi =i Utikan Euskadi Sariak=i manifestua sinatu genuen hogeita hamabost idazlek, sari horietan gertatu irregulartasunak eta erabili izan diren irizpide ez-literarioak salatzeko eta, horrenbestez, halako parametrotan parte hartzeari uko egiten geniola jakinarazteko. Gure artean Jon Alonso zegoen, idazleon mugimendua piztu zuen =i Euskadi Sariak=i artikuluaren egilea. Iragan larunbatean jakin genuen Kritikaren Saria eman diotela. Sariak kolokan jartzen dituena saritzeak eduki lezake adostasun zentzu bat, elkartasun keinua izan liteke, atxikimenduzko oparia. Baina Kritika Saria, aspalditik, Euskadi Saria bera baino mekanismo ilunagoz eta jokamolde zakarragoz dabilen antolamendua da. Literaturaren promoziobidea baino, gure letren sistematxoko zenbait mandarinen tresna bihurtua dela dirudi, beren larderia finkatzeko aitzakia, idazleon laztan-premia baliatuz. Idazleotan hots handi samarrean dabilen horri, tamalez, sariaz egunkari honetan bertan egin diren gogoetak erantsi behar genizkioke: adar jotzea, probokazioa eta sari-tranpa ote den, saritua zoriondu behar ote litzatekeen... Sari honek badu susmagarrizkorik, antza, manifestua sinatu ez zutenen eta idazleak ez direnen aburuz ere. Horregatik, Jon Alonsorekin batera ni ere saritu nautenez, ezin dut Kritika Sari hori onartu, ez nire burua haren pareko egin nahi nukeelako, baizik eta ez dudalako gure literaturaren goiegitura kritikatzeko kuraia izan duen idazleari egindako laidoan lagungarri teknikoa edo aitzakia demokratikoa izan nahi. Bost egun joan dira saritu nindutela jakin dudanetik, baina egundaino ez dut deirik, telegramarik, emailik, gutunik hartu. Nora jo ez dakidala, hedabideen bitartez jakindakoari hedabideen bitartez nahi nioke ohar hau egin: uko egiten diot Kritika Sariari. Iritzi publikoari, eta irakurleei bereziki jakinarazi behar diet Kritika Sarian, Euskadi Sarietan bezalaxe, idazleon borondatea kontuan hartu gabe direnez gure obrak erabiltzen, aurtengoari uko egiteaz bat, antolatzaileei eskatu nahi niekeela, otoi, ez dezatela nire lanik aintzat hartu aurrerantzean. Botereguneetatik urrun, objektibotasun asmoz eta irizpide literarioz jarduten duen kritikaren sariarekin konformatzen naiz, alegia, idazletza karrera gisa antolatu nahi ez diguten kritikoen iritzi libre eta solidarioarekin."

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Gero eta bidaiari gehiagok ERREKLAMATU bezalako zerbitzuetara jotzen dute hegaldien erreklamazioak egiteko ©ERREKLAMATU

Bertan behera utzitako hegaldiak, atzerapenak, 'overbooking'-a… Zein dira zure eskubideak?

Erreklamatu

Gorabehera asko gerta daitezke hegaldi bat kontratatzen dugunean, eta aireko konpainia gutxik konpontzen dituzte arazoak azkar eta ongi. Horregatik, garrantzitsua da zure eskubideak ezagutzea eta dagokizuna erreklamatzea. ERREKLAMATUn, kontsulta eta argibideak doakoak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna