Albistea entzun

AEBak

New Yorkeko gobernadore Cuomok kargua utzi du, sexu jazarpeneko salaketengatik

Fiskaltzaren txosten baten arabera, Cuomo 11 emakumeri jazarri zitzaien; besteak beste, funtzionario batzuei.

Andrew Cuomo New Yorkeko Gobernadorea aurtengo maiatzean eginiko agerraldi batean.
Andrew Cuomo New Yorkeko Gobernadorea aurtengo maiatzean eginiko agerraldi batean. SPENCER PLATT / POOL / EFE Tamaina handiagoan ikusi

Edu Lartzanguren -

2021eko abuztuak 10

«Orain, laguntzeko daukadan modurik onena da alde batera egitea eta gobernuari berriz gobernatzen uztea», esan du Andrew Cuomo New Yorkeko (AEB) gobernadoreak gaur, kargua utziko duela iragartzeko agerraldian. Presio handia jasan du azken egunotan, Letitia James New Yorkeko Fiskal Nagusiaren bulegoak haren inguruko txostena plazaratu zuenetik. Horretan ondorioztatu dutenez, Cuomok 11 emakumeri sexu jazarpena egin zien; besteak beste, langile publiko zenbaiti.

Cuomok ukatu egin du leporatzen diotena, baina gaur kargua uzteko urratsa egin du. 63 urte ditu, eta haren inguruko hainbat ikerketa zabalik dituzte.

Politikariak esan du salaketek «motibazio politikoa» dutela eta ika-mika «bidegabea eta gezurrezkoa» dela.

Atzo AEBetako telebista batean elkarrizketatu zuten haren salatzaileetako bat, Brittany Commisso. 32 urteko emakume horrek Cuomorentzat egin zuen lan, eta, salatu zuenez, bitan jasan behar izan zuen nagusiaren ukituak.

«Egin zidana krimen bat da, legea hautsi zuen»

Txostena egiteko hainbat hilabetez ikertu du Fiskaltzak, eta, gutxienez, 200 pertsona elkarrizketatu dituzte.

Commissok adierazi du orduan ez zuela salaketarik egin, beldurrarengatik. Esan duenez, beldur zen Cuomo eta haren ingurukoek bere izena zikinduko ziotela, «beste batzuen izenarekin egiten ikusi eta entzun nien bezala».

Igandean, haren laguntzaile nagusi Melissa DeRossak kargua utzi zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alemaniako armadako bi soldadu, ariketa militarrak egiten, urtarrilen, Marienbergen, Alemanian. ©MARTIN DIVISEK / EFE

Alemaniak Leopard 1 tankeak bidaliko ditu Ukrainara

Mikel O. Iribar

‘Süddeutsche Zeitung’-en arabera, Berlinek 88 tanke emango dizkio Kievi. EBko zenbait goi kargudun Ukrainako hiriburuan dira, Zelenskirekin batera.

Italiako Polizia hilik aurkitutako zortzi migratzaileen gorpuak daramatzan ontziaren zain. / ©Concetta Rizzo, EFE

Kostazainek 42 pertsona erreskatatu dituzte Lampedusatik gertu

Arantxa Elizegi Egilegor

Zortzi lagun hilik atera dituzte ontzitik. Erreskatatutako migratzaileen esanetan, hotzez hil ziren. Beste bi desagertutzat jo dituzte.

Montanako zeruan ikusi duten ustezko globo espioia. ©BERRIA

AEBek Txinako ustezko globo espioi bat atzeman dute beren aire eremuan

Berria

Txinak «ez espekulatzeko» eskatu du, baina gertakariak korapilatu egin dezake igandetik aurrera Antony Blinken AEBetako Estatu idazkaria Txinara egitekoa den bi eguneko bisita.

Ukrainako armadako soldaduak, atzo, Kramatorsken, goizaldean Errusiak jaurtitako misilek eragindako hondakinen artean. ©SERGEI XESTAK / EFE

Bruselak ohartarazi dio Ukrainari EBko kide izateko bidea luzea dela

Igor Susaeta

Europako Batzordearen arabera, ez da «esprint bat» talde komunitarioan sartzeko prozesua, «maratoi bat baizik». Kievek berretsi du 2024ko abendurako egon nahi duela batasunean sartzeko prest

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...