Albistea entzun

Porrotxekiko elkartasun mezuz bete dira sare sozialak

Larunbatean euskal presoen aldeko mobilizazioan parte hartu zuen pailazoak, eta txiolari batzuek salatu dute Porrotxen bidez haurrak «zigorgabetasuna eskatzeko arma gisa» erabiltzen direla. Erabiltzaile askok elkartasuna adierazi diote pailazoari.

Porrotx Sare Herritarrak larunbatean antolatutako manifestazioan, Donostian.
Porrotx Sare Herritarrak larunbatean antolatutako manifestazioan, Donostian. Idoia Zabaleta / FOKU Tamaina handiagoan ikusi

Oihane Puertas Ramirez -

2021eko abuztuak 24

Sare Herritarrak antolatutako manifestazioa egin zuten larunbatean Donostian, Ibilian-ibilian, etxerako bidean lelopean. Milaka pertsona atera ziren kalera, besteak beste salbuespenezko espetxe politika bukatzea eta larri gaixo diren presoak askatzea eskatzeko. Bertaratutakoen artean zen Porrotx; Artzain Onaren katedraletik kairainoko bidea gidatu zuen haur motxiladunekin batera.

Txiolari batzuek pailazoaren parte hartzea salatu dute, eta adierazi dute Pirritx, Porrotx eta Marimototsek haurrei «ideologizazio txoil partzial eta etengabekoa» egiten dietela.

Consuelo Ordoñez ETAk hil zuen Gregorio Ordoñezen arreba izan zen lehena gertakaria gaitzesten: «Terroristen zigorgabetasuna eskatzeko arma gisa erabilitako haurrak. Ez diete kontatuko hitz egiten duenaren aita kartzelan dagoela norbait hiltzeagatik edo hiltzen laguntzeagatik. ETAk haiek bezalako 22 haur hil zituela eta gutxienez beste 1.635 umezurtz utzi zituela. Gaur, Donostian».

Ordoñezen txioa erreferentziatzat hartuz, pailazoek «kontakizun interesatuki aldrebesa» egiten dutela adierazi du beste erabiltzaile batek. Eta gaineratu du «Pirritx eta Porrotxek haurrei xaloki egiten dieten ideologizazio txoil partzial eta etengabekoa bereziki lotsagarri» zaiola.

Asko dira Porrotxen alde agertu direnak, eta pailazoarekiko elkartasun, babes eta maitasun mezuz bete dira sare sozialak. Euskal Herrian «ezinbestekoak» direla aldarrikatu dute erabiltzaileek, eta adierazi dute haien kontrako mezuek «hamarkadetan zehar Pirritx eta Porrotxek jasan duten kriminalizazio kanpaina elikatu besterik» ez dutela egiten.

Porrotxek trasmititutako balioak nabarmendu ditu beste txiolari batek; besteak beste, elkartasuna, bizitza bizigarria, tristuraren garrantzia eta poztasun kolektiboa. «Mila gauza on eta ez-neutral erakutsi dizkigu», gaineratu du.

Exprai artistak ere adierazi dio babesa pailazoari, eta gaiarekiko duen iritzia plazaratu du Naiz-en egin duen zintan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gonzalo Boye pantailan eta Oihana Goiriena eskuinean. ©JAIZKI FONTANEDA / FOKU

Pablo Gonzalez, lau hilabete inkomunikatuta

Iñaut Matauko Rada

Kazetariaren bikotekideak uste du Espainiak «lan gutxi» egin duela. Gonzalezen familiak bi eskutitz bakarrik jaso ditu espetxeratu zutenetik

Hiru herritarretik bik onesten dute ikasleen euskalduntzea bermatzea

Hiru herritarretik bik onesten dute ikasleen euskalduntzea bermatzea

Jon O. Urain

Naziometroaren neurketaren arabera, «erkidegoei erabakitzeko eskubidea aitortzen» dien estatua da lurralde antolaketarako lehen aukera (%31,5). Eskola publikoak jaso du baloraziorik onena

Foro Sozial Iraunkorraren prentsaurrekoa, gaur eguerdian. ©Iñigo Uriz / Foku

Estatuaren biktimak aitortzeko «urrats instituzional garrantzitsuak» nabarmendu ditu Foro Sozialak

Iosu Alberdi

Legealdian emandako pausoen ondoriotzat jo dituzte Nafarroako Parlamentuak eta Gobernuak azken asteetan hartutako erabakiak.

Buruntza Mendiko gurutze frankista bota dute

Epaileak deklaratzera deitu du Ernairen legezko ordezkaria, Buruntzako gurutzearen eraisketagatik

Berria

Gazte antolakundeak bere gain hartu zuen ikur frankista hori bota izana. Espainiako Abokatu Kristauen Fundazioak jarri zuen haien aurkako salaketa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.