Albistea entzun

Futbola

Realak Alexander Sorloth aurrelaria fitxatu du, urtebeterako

Leipzig taldeak utzita jokatuko du norvegiarrak. Urtebete barru, jokalaria erosteko aukera izango du Donostiako klubak. Bihar aurkeztuko dute.

Alexander Sorloth, martxoan, Norvegiako selekzioarekin Montenegroren aurka. /
Alexander Sorloth, martxoan, Norvegiako selekzioarekin Montenegroren aurka. / BORIS PEJOVIC/EFE Tamaina handiagoan ikusi

Jon Ordoñez Garmendia -

2021eko abuztuak 25 09:31

Realak badu Carlos Fernandezen ordezkoa. Donostiako klubak gaur jakinarazi duenez, Alexander Sorloth aurrelari norvegiarra urtebeterako fitxatu du; hain zuzen, Fernandezek denboraldi-aurrean izan zuen lesioa sendatzeko behar duen denbora. Leipzigek utzita jokatuko du Sorlothek, eta urtebete barru jokalaria erosteko aukera izango du Realak. Bihar aurkeztuko dute, 16:30ean, Anoetan.

Ezkerra da Sorloth, baina, beste ezeren gainetik, garaiera du ezaugarri nagusi. 1,95 da luze, eta, Realak azaldu duenez, buruz errematatzen bikain moldatzen da. "Realera heldu da, erasoari indarra eta kalitatea gehitzera", esan du klubak ohar batean.

Trondheim hirian jaio zen, 1995eko abenduaren 5ean, eta Rosenborgeko gazte mailetan hasi zen jokatzen. Norvegiako Ligan, Danimarkakoan eta Ingalaterrakoan aritu zen gero. Azken horretan Crystal Palace taldean jokatu zuen, eta gero Ganten (Belgikako Ligan) eta Trabzonsporren (Turkiakoan) aritu da. Leipzigek 20 milioi euro ordainduta fitxatu zuen, eta joan den denboraldian bost gol sartu zituen. Norvegiako selekzioan jokatzen du, eta 32 partidatan 11 gol sartu ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©LUR GIL

Pauso erraldoia

Lur Gil

Euskal Herriko sokatiralariek lan aparta egin dute Getxon, Lur Gaineko Sokatirako Munduko Txapelketan. Zazpi domina irabazi dituzte: bi urre eta bi brontze taldekako lehian, eta bi urre eta brontze bat selekzioen artekoan.
<b>Muniain eta Iñaki Williams, gol bat ospatzen, Mallorcaren aurka.</b> ©ARITZ LOIOLA / FOKU

Atzean, sendo; aurrean, zuzen

Haritz Gallastegi

Athletic emaitza onak lortzen ari da liga hasieran, eta horrek konfiantza galdua berreskuratzen lagunduko dio. Arlo fisikoan erakutsitako indarra eta lanerako konpromisoa dira orain arteko arrakastaren giltzak.

 ©AITOR ARRIZABALAGA / EUSKO LABEL LIGA

«Denboraldia motza egin zaigu; orain gaude sasoirik onenean»

Iñaki Berastegi

Arrakastaz beteriko denboraldia izan da Santurtziko traineruarentzat. Gorka Aranberrik uste du «urte osoan» maila «aparta»eman dutela, nahiz eta denboraldi amaierara sasoiko ailegatzea zen helburua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.