Albistea entzun

Cadiz 0-2 Reala

Oiarzabalek garaipena eman dio Realari, bi gol sartuta

Txuri-urdinek azken hiru partidak irabazi dituzte, eta sailkapenean goiko postuetan dira, bederatzi punturekin.

Oiarzabal, penalti jaurtiketan. /
Oiarzabal, penalti jaurtiketan. / Roman Rios/EFE Tamaina handiagoan ikusi

Jon Ordoñez Garmendia -

2021eko irailak 12 10:37

Realak 0-2 irabazi dio Cadizi, Espainiako Ligako laugarren jardunaldiko partidan. Mikel Oiarzabalek sartu ditu bi golak, bigarrena penaltiz, eta hiru puntu horiekin sailkapenaren goiko postuetara igo da Reala, bederatzi punturekin. Azken hiru partida irabazi dituzte txuri-urdinek jarraian, eta datorren astean Sevillaren aurka jokatuko du, igandean 16:15ean.

Imanol Alguacilen jokalariak hasieratik atera dira golaren bila. Nagusi izan dira baloiarekin, eta jokaldi bertikalak egin dituzte txuri-urdinek. Le Normandek Oiarzabali egindako pase luze batean izan dute lehen gol aukera, baina Ledesma Cadizeko atezaina azti ibili da, eta jaurtiketa geratu du.

Zelai erdian baloian batetik bestera mugitu dute donostiarrek, baina lehen zatian gol aukerarik garbiena Cadizek izan du, 24. minutuan: Espinok baloia jaurti du, eta Aihenek langara bota du urruntzen saiatu denean.

Atsedenaldiaren ostean, Realak berriro hartu du partidaren lema, eta pixkanaka geroz eta gehiago estutu du Cadiz. Isak gola sartzeko zorian izan da 63. minutuan; orduko horretan ere Ledesma bizkor ibili da, eta aurreratu egin zaio Isaki. 68. minutuan ozta-ozta gelditu du Cadizeko atezainak Oiarzabalen beste jokaldi bat, Isak bigarren zutoinean jaurtitzeko prest zenean.

Azkenean, baina, 71. minutuan iritsi da lehen gola. Gol ederra, zinez. Aritz Elustondok luze pasatu dio baloia Oiarzabali, eta eibartarrak buruarekin bikain sartu du sarean.

Golaren ostean, Alguacilek aldaketak egin ditu eta Sorloth eta Januzaj zelairatu ditu Isak eta Porturen ordez. Udako azken fitxaketa izan da, hain zuzen, bigarren goleko protagonistetako bat. 83. minutuan baloiarekin Ledesmaren aterantz zihoan Cala Cadizeko atzelariak area barruan bota duenean. Epaileak Cala kanporatu du bigarren txartel horia zuelako eta penaltia adierazi du. Oiarzabalek sartu du penalti jaurtiketa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Gizonezkoen 23 urtez azpiko taldea, brontzezko domina jaso berritan, Gaur, Getxon. ©Lur Gil / BERRIA

Beste brontze batekin amaitu da Munduko Sokatira Txapelketa

Lur Gil

Gizonezkoen 23 urtez azpiko mailan lortu du gaur euskal selekzioak hirugarren postua. Osotara 7 domina geratu dira etxean: urrezko lau eta brontzezko hiru.

Gorka Aranberri Santurtziko patroia denboraldiko zortzigarren bandera astintzen, pozarren, atzo, Eusko Label ligako hemeretzigarren jardunaldian, Bermeon. ©EUSKO LABEL LIGA

Patroia eta hamahiru marinel

Mikel O. Iribar

Santurtzik denboraldiko zortzigarren bandera irabazi du, Bermeon, Eusko Label ligako azken-aurreko lehian. Azken luzean Zierbenari zortzi segundo aterata irauli du estropada, eta Liga erabakita utzi
Tolosaldeako arraunlariak, ahalegin betean, atzo, Euskotren ligako kanporaketan, Bermeon. ©EUSKO LABEL LIGA

Tolosaldeak eta Getariak urrats handia egin dute

Mikel O. Iribar

Kanporaketan, Tolosaldeak 11,16 segundo ditu alde Deusturekiko. Getaria izan da azkarrena, eta 4,42 segundoan dira Meira eta Kaiku
Iker Muniain eta Marcos Llorente, lehian, atzo, Wanda Metropolitanoan. ©JUAN CARLOS HIDALGO / EFE

Puntu bat xakean

Jon Eskudero

Taktikoki lan ona eginez berdindu du Athleticek Atletico Madrilen zelaian. Bost partida jokatuta, ez du galdu, eta gol bakarra jaso du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna