Albistea entzun

Lan gatazkak

Novaltiako langileek farmazien «inplikazio falta» salatu dute

Gogoratu dute botikak kooperatibako kide direla. Lan Ikuskaritza zuzendaritza laguntzen ari dela salatu dute. Bizkaiko biltegietan ia 800 egun daramatzate greban.

Novaltiako beharginak beste lan gatazka batzuetakoekin batera Bilbon eginiko mobilizazioa
Novaltiako beharginak beste lan gatazka batzuetakoekin batera Bilbon eginiko mobilizazioa Foku Tamaina handiagoan ikusi

Jokin Sagarzazu -

2021eko irailak 21 09:59

Novaltiako langileek 792. greba eguna bete dute astearte honetan, eta euren egoeraren berri emateko manifestazioa egin dute Bilboko kaleetan. 2019tik daude greban, Zaragozan (Espainia) egoitza duen zuzendaritzak Bizkaiko biltegiko lan hitzarmena etetea erabaki zuenetik eta Espainiako ituna aplikatzen hasi zenetik, lan baldintzak nabarmen okertuz. Ordutik Bizkaiko lantaldearen %40 dago greba mugagabean, 20 langile.

Sendagaien banaketan jarduten duen kooperatiba bat da Novaltia, eta farmaziak dira haren bazkideak. Mobilizazioaren harira ELAk komunikabideetara bidalitako oharrean botiken erantzukizuna nabarmendu du. Sindikatuak gogoratu du langileek bi urte baino gehiago daramatzatela «hitzarmen duin» baten alde borrokan, eta azpimarratu du farmazia horiek hala nahiko balute gatazka konponduta egongo litzatekeela. «Elkarrizketaren alde» egiteko eskatu diete, eta zuzendaritzari presio egiteko.

ELAk azpimarratu duenez, kooperatibako agintariek ez dute negoziatu nahi, konponbiderako ireki diren bide guztiak «blokeatu» dituzte, eta nahiago izan dute aurrera egin «grebarako eskubidea etengabe urratuz»; adibidez, greban dauden langileak beste batzuengatik ordezkatuz.

Horren inguruan Lan Ikuskaritzak agertutako jarrera salatu du ELAk; zuzendaritzaren «aliatu» bihurtu dela dio. «Ez du ikuskatu nahi izan, kasurik onenean, eta beste batzuetan, greba eskubidea urratzen duten praktikak ontzat eman ditu». Horren adibide gisa, ELAk salatu du babestu duela grebarekin bat egin duten langileei 300 euroko aparteko ordainsaria ematea.

Erabaki horiek auzitara eraman ditu ELAk, baina kasu batzuetan epaileek ez diote arrazoia eman. Beste batzuetan, ebazpenenen zain daude.

Hitzarmen «duin» bat

Greba hasteko arrazoiei eusten dietela gogoratu dute langileek: sartu berrien soldatek (950 euro) ozta-ozta gainditzen dutela lanbide arteko gutxienekoa; eskala bikoitza dutela, %35eko aldearekin batzuon eta besteon artean lan bera egiteagatik, asteburu eta jaiegunetan lan egin behar izaten dutela...

Gaurko mobilizazioan beste lan gatazka batzuetako beharginen babesa jaso dute azken hilabeteetan garatu duten elkarlan dinamikaren baitan; han izan dira Tubacex, ITP-PCB, Guggenheimeko Garbiketa Zerbitzua eta Vulcanizados Zuloaga enpresetakoak, besteak beste. Eusko Jaurlaritzak Kale Nagusian duen egoitzatik abiatu da manifestazioa, eta Arriaga antzokiaren aurrean amaitu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

KENKARIEN EZBAIA

KENKARIEN EZBAIA

Joxerra Senar

Kenkarien eta pizgarrien ondorioz, Hego Euskal Herriko ogasunek 544 milioi euro biltzeari utziko diote sozietate zergan aurten. Neurrion asmoa da enpresek xede batzuetara bideratzea, baina Nafarroan egin den txosten batek «zalantza handiak» azaldu ditu lau kenkariren eraginkortasunaz.

Fessenheim herriko zentral nuklearra, Alsazian. Iaz itzali zuten. ©CHRISTOPHE KARABA / EFE
Jaurlaritzako, aldundietako eta udaletako ordezkariak, atzo, bilera hasi aurretik, Gasteizen. ©JAIZKI FONTANEDA / FOKU

Jaurlaritzak inoizko gastu handiena egingo du zerga bilketa onari esker

Aitor Biain

Bilketa %9,6 handituko da aurten, eta %4,6 datorren urtean. Diru gehigarria zorra txikitzeko eta inbertsioak egiteko erabiliko dute. Aurrekontuak 13.000 milioiren langa gaindituko du lehen aldiz

Urnietako kiroldegiko berritze lanak, atzo; hor hil zen bi beharginetako bat. ©JAVIER ETXEZARRETA / EFE

Egun berean eraikuntzako bi langile hil dira, Urnietan eta Amurrion

Jokin Sagarzazu

Bata kiroldegia berritzeko lanetan ari zen, eta bestea, berriz, etxe berri baten eraikuntzan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.