Euskal Zinemaren Gala eta Zinemira saria Kimuak egitasmoarentzat

Euriak blaitu zuen Zinemaldiaren bosgarren eguna, baina gaua heltzerako euskal izarrak dirdir egiten ikusi ahal izan ziren; izan ere, Euskal Zinemaren Gala izan zen atzo. Bertan, euskal gatazkarekin lotura duten hiru euskal ekoizpenen protagonistak hitz egin zuten: Martxelo Otamendi BERRIAko zuzendariak, Maixabel Lasak eta Eneko Etxeberriak. Zinemira saria ere banatu zuten, eta Kimuak programari eman zioten.