Albistea entzun

SUMENDIA

Litekeena da Kanarietako sumendiak jariatzen dituen gasak Euskal Herrira heltzea asteburuan

Sufre dioxido kopuru handiak isuri ditu sumendiak: eguneko 7.997-10.665 tona. Ostiralerako, gas hori Iberiar penintsulako zati handi batean barreiatuko da, baita Marokon, Tunisian, Frantzian eta Italian ere, besteak beste.

Copernicusek sareetan zabaldutako mapa.
Copernicusek sareetan zabaldutako mapa. @CopernicusEU Tamaina handiagoan ikusi

Jone Arruabarrena -

2021eko irailak 23 13:39

Sumendiak sufre dioxidoa jariatzen du gehienbat, eta, Copernicus Europako sateliteen sistemak jakinarazi duenez, ostiralerako gas hori Iberiar penintsulako zati handi batean barreiatuko da, baita Maroko eta Tunisiako kostan eta Frantzia, Italia, Argelia eta Libiako itsasaldean ere. Argitaratu duen mapan, gainera, ikus daiteke Euskal Herrira ere iritsiko direla gasak.

Copernicus programak sare sozialetan zabaldu duen argazki batean ikus daiteke sufre dioxidoa noraino zabalduko den. Ez da harritzekoa horrenbeste hedatzea; izan ere, sumendiak sortu duen sufre dioxido kopurua ez da nolanahikoa: eguneko 7.997-10.665 tona isuri ditu airera, Involcan Kanariar Uharteetako Institutu Bolkanikoak jakinarazi duenez.

Ikusi gehiago: Laba La Palmako Todoque herrian sartzen hasi da

Institutuak, gainera, jakinarazi du funtsezkoa dela gas horren neurketa egunero egitea. Horren arabera kalkulatu ahal izango dute noiz arte iraungo duen erupzioak.

Copernicus programa espaziala Europar Batasunaren eta ESA Europako Espazio Agentziaren ekimena da, eta berariaz sumendiak izango dituen ondorioak aztertzeko aktibatu dute sateliteen sistema aste honetan. Zehazki, kasu honetan lurrazala eta atmosfera kontrolatzeko zerbitzuak erabiltzen ari dira. Lurraldeko zerbitzuek kartografia ematen dute aldizka, eta, horien bidez, lortutako datuak monitorizatzen dira, sumendiak lurrazalean eragindako kalteak eta errepideen egoera ezagutzeko. Gainera, atmosfera zerbitzuek erupzioaren ondorioz sortzen diren emisioei buruzko informazioa ematen dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kasko Zuriak, erreskate lanean, atzo gauean, Idliben, Siria iparraldean. ©YEHYA NEMAH / EFE

Dagoeneko 11.600dik gora dira Ekialde Hurbileko lurrikaretan hildakoak

Mikel O. Iribar

Askok autoetan eta kalean lo egin dute, etxera itzultzeko beldur. Milaka dira kaltetuak, eta lurrikarak are gehiago okertu du Siria iparraldeko eta Kurdistango egoera. Erreskate taldeak hondamendi eremuetara iritsi ezinik dabiltza.

Kenyako Baserritarren Ligako idazkari nagusi Sidi Otieno, elastiko gorri batekin. ©OSKAR EPELDE JULDAIN

Kenyako Gobernuaren aurkako salaketa jarri dute transgenikoak baimentzeagatik

Oskar Epelde Juldain

Kenyako nekazari talde batek gobernua salatu du, hazi transgenikoen inportazioabaimentzeagatik. Datorren astean hasiko dute epaiketa.

AEBetako presidente Joe Biden, Kongresuko agerraldian. / ©Jacquelyn Martin, EFE

Biden: «Txinak gure subiranotasuna urratzen badu, geure burua babestuko dugu»

Arantxa Elizegi Egilegor

Estatuaren egoerari buruzko agerraldia egin du AEBetako estatuburuak. Besteak beste, Ukrainako gerraz eta droga trafikoaz aritu da.

Daniel Suidani Malaitako lehen ministro kargugabetua, haren Facebook orriko argazki batean. ©FACEBOOK

Malaitako lehen ministroa kargutik bota dute, ustelkeria leporatuta

Ander Perez Zala

Suidani da Salomon Uharteek eta Txinak adosturiko segurtasun akordioaren kritiko nagusia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.