Albistea entzun

Kataluniako prozesua

Espainiako Auzitegi Gorenak baztertu egin du indultuen kontrako bide penala

Eskuin Liberala alderdiak Pedro Sanchezen kontra jarri zuen kereila bertan behera utzi du epaimahaiak. Azaldu duenez, soilik bide administratibotik jo daiteke Kataluniako buruzagi independentistei zigorra eteteko erabakiaren aurka.

Espainiak Kataluniako bederatzi buruzagi independentistari eman dien indultuaren kontrako manifestazio bat, ekainaren 11an, Bartzelonan.
Espainiak Kataluniako bederatzi buruzagi independentistari eman dien indultuaren kontrako manifestazio bat, ekainaren 11an, Bartzelonan. Quique García/EFE Tamaina handiagoan ikusi

Gorka Berasategi Otamendi -

2021eko irailak 23

Espainiako Auzitegi Gorenak ezerezean utzi du Espainiako Gobernuak Kataluniako bederatzi buruzagi independentistari emandako indultuei bide penaletik aurre egiteko aukera. Eldiario.es agerkariak aurreratu duenez, Gorenak baztertu egin du Eskuin Liberala alderdiak Pedro Sanchez Espainiako presidentearen aurka jarri zuen kereila. Alderdi horrek prebarikazioa leporatu zion Sanchezi. Auzitegiaren iritziz, akusazioaren argudioek ez dute auziaren gaineko «gutxieneko analisia» eskaini Sanchezen erabakietan prebarikazio delitua baden aztertzeko.

Eskuin Liberalak aurkeztu zuen kereilak Sanchezi leporatu zion Kataluniako prozesu independentistarengatik zigortuak izan ziren buruzagien aldeko indultua «trukerako txanpon gisa» erabiltzea, Espainiako Kongresuan Kataluniako alderdi independentisten babesa lortzeko. Gorenaren iritziz, baina, justiziak ezin du anitzat hartu argudio hori. Auzitegiak nabarmendu du indultua hura onartzeko eskumena zuenak eman zuela: Espainiako Gobernuak, alegia. Eta gaineratu du erabakia hartzeko arrazoiak ezin direla justiziaren kontrolaren menpe jarri. Hala ere, zehaztu duenez, auzitegiek neurriaren «koherentzia» aztertu dezakete, eta, horretarako, administrazioarekiko auzien bidea da erabili beharrekoa.

Hain justu, bide hori erabili dute PPk, Ciudadanosek eta Voxek indultuen kontra egiteko. Gorenak hiru alderdi horien helegiteen gaineko epaia eman beharko du hurrengo hilabeteetan. Oraingoz, baztertu egin du indultuak, kautelazko neurri gisa, behin-behinean indargabetzea eta Kataluniako prozesuarengatik zigortutako buruzagi independentistak berriro ere espetxera bidaltzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Estatu kolpea salatzeko eta gobernuari elkartasuna adierazteko atzo Khartumen egindako protestetako bat. ©MOHAMMED ABU OBAID/ EFE

Sudanen, militarrek estatu kolpea eman dute, eta gobernua desegin

Arantxa Elizegi Egilegor

Armadak atxilo hartu du lehen ministroa, eta bakea «arriskuan» jartzea egotzi dio trantsizio gobernuari. Armadaburuak iragarri du «gobernu teknokrata bat» osatuko dutela datorren hilabetean
Sudango Kontseilu Subiranoa osatu duten bi sektoreen ordezkariak, 2019ko udan, gobernabide ituna sinatzen. ©EFE

Botere borrokan kateatuta

Ander Perez Zala

Sektore militarraren eta zibilaren arteko tirabira Sudango Kontseilu Subiranoa osatu zenetik egon da. Nola edo hala aurrera jarraitu dute, tentsioak eztanda egin duen arte.
Emakumezko bat eta haur bat Kabulen, joan den irailean, errefuxiatuentzako kanpaleku batean. ©EFE

Afganiarren erdiak baino gehiago «elikadura krisi larri baten» atarian daude

Igor Susaeta

NBEren bi agentziak eskatu diote nazioarteari «urgentziaz» esku hartzeko, hurrengo hilabeteetan «hondamendi humanitario bat» izatea eragozteko

Artalde bat, eta, haren atzean, hainbat ke zutabe, Alemaniako Bergheim hiriko lantegi batean. ©SASCHA STEINBACH / EFE

Berotegi gasen kontzentrazioa inoizko handiena izan zen 2020an

Gorka Berasategi Otamendi

Karbono dioxidoaren zenbatekoa %149 handitu da industrializazio aurreko garaikoarekin alderatuta, Munduko Meteorologia Erakundearen arabera. Estatuak Parisko helburuetatik «oso urrun» daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.