Albistea entzun

Donostiako 69. Zinemaldia

Pablo Larrainen 'Spencer' izango da emanaldi sorpresako filma

Etzi emango dute, 16:00etan, Viktoria Eugenian. Diana Spencer Galesko printzesari buruzkoa da.

Pablo Larrainen 'Spencer' filmeko irudi bat.
Pablo Larrainen 'Spencer' filmeko irudi bat. Donostiako Zinemaldia Tamaina handiagoan ikusi

Andoni Imaz -

2021eko irailak 23 13:13

Pablo Larrainen Spencer filmak Veneziako Zinemaldiko Sail Ofizialean parte hartu zuen irailaren hasieran, eta Donostiako Zinemaldiak gaur adierazi du hura izango dela aurtengo film sorpresa. Larrainek Diana Spencer Lady Di Galesko printzesari buruzko film bat egin du. Haren bizitzako hiru egun kontatuko ditu, 1990eko hamarkadaren hasierakoak, Spencerrek Windsor etxean igaro zuen azken oporraldian kokatuta.

Kristen Stewartek jokatuko du Spencerren rola, eta Jack Farthingek egingo du haren senar Charles printzearena. Timothy Spall, Sean Harris eta Sally Hawkins aktoreek ere parte hartu dute filmean. Gidoia Steven Knightena da.

Larunbatean emango dute, 16:00etan, Viktoria Eugenia antzokian. Hasieran salgai jarri zituzten sarrera guztiak salduta daude; egunean bertan jarriko dituzte gehiago, 08:00etatik aurrera.

Azken hamarkadan, Larrainen filmek ibilbide arrakastatsua egin dute mundu osoko zinema jaialdietan. No (2012), El club (2015) eta Ema (2019) lanek sari ugari irabazi dituzte. Spencer ez da zuzendariak pertsonaia ikoniko baten bizitzan oinarrituta egiten duen lehen lana; izan ere, 2016an Neruda eta Jackie egin zituen. Pablo Neruda idazle txiletarrak bere herrialdetik ihes egin zueneko pasartea kontatu zuen lehenengoan. Bestean, Jacqueline Bouvierren dolua erakutsi zuen haren senar John F. Kennedy AEBetako presidentearen hilketaren ondorengo egunetan.

Larrainen lan asko erakutsi izan dituzte Donostiako Zinemaldian. Tony Manero (2008), Post mortem (2010) eta El club Horizontes Latinos sailean, eta No, Neruda eta Ema Perlak sailean.

Donostiako Zinemaldiak orain dela bi urte berreskuratu zuen emanaldi sorpresa bat programatzeko ohitura. 2019an Todd Phillipsen Joker filma eman zuten, eta iaz, Abel Ferrararen Sportin' Life.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Oier Iruretagoiena artista <em>San Sebastian eta fantasma</em> erakusketarako ondutako pieza baten ondoan, Donostiako San Telmo museoan. ©JON URBE / FOKU

Sufrimenduaren estetizazioa

Itziar Ugarte Irizar

Oier Iruretagoienak 'San Sebastian eta fantasma' erakusketa zabaldu du Donostiako San Telmo museoan. Bi parte ditu: martiri erromatarraren iruditik abiatutako lanak eta soinu instalazio bat

Cristina de Middelek Aleatoris Vulgaris seriean sortu dituen collageetako bat. ©BERRIA

Irudiekin kritika egiteko lengoaiak

Ane Eslava

Cristina de Middelek artearen tresnak baliatzen ditu argazkiekin bere ikuspegiak zabaltzeko. Erakusketa bat jarri du Nafarroako Unibertsitateko Museoan

Gure izeneko umea eta haren aita dira Alex Orbe marrazkilariak eta Unai Elorriaga idazleak argitaratutako <em>Jarraitu inurriari</em> liburuko protagonistak. ©HARRIET EDICIONES

Lurrundu egin den ama bat

Iñigo Astiz

Unai Elorriaga idazleak eta Alex Orbe marrazkilariak ama noiz itzuliko esperoan bizi diren aita-alaba batzuen nondik norakoak kontatu dituzte 'Jarraitu inurriari' komiki liburuan

 ©GORKA RUBIO/ FOKU

«Tradizioa etxe zahar bat eraberritzearen moduko zerbait da»

Alex Uriarte Atxikallende

'KlasikAT'egitasmoaren barruan, Kalakanek Euskadiko Orkestrarekin diskoa grabatu du. Hego Euskal Herriko lau hiruburuetan eta Donibane Lohizunen aurkeztuko dute, urriaren 20tik azaroaren 5era bitartean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna