Albistea entzun

Animalien babeserako lege proposamena tramitatzeari ekingo dio Eusko Legebiltzarrak

EH Bilduk eta EP-IUk uste dute EAJren eta PSEren lege proposamena hankamotz geratzen dela, eta animaliak babesteko lege integral bat eskatu dute.

Txakur batzuk txakurtegi batean
Txakur batzuk txakurtegi batean Manuel Bruque/ Efe Tamaina handiagoan ikusi

Edurne Begiristain -

2021eko irailak 23

Eusko Legebiltzarreko osoko bilkurak tramitera onartu du joan den ekainean EAJk eta PSEk erregistraturiko lege proposamena. 1983koa da animaliak babesteko Araban, Bizkaian eta Gipuzkoan indarrean den legea, eta, talde sustatzaileek diotenez, lege berriarekin animalien «babes maila handitzea» eta haien «ongizatea hobetzea» nahi dute. Luis Javier Telleria jeltzaleak goizean azaldu du legearen xedea zein den: «Kontzientziazio berri baten dinamizatzaile izatea eta erantzukizuna hartzea da helburua, edozein herritarrek, animalia bat zaintzea erabakitzen duenean, euskal gizarte osoarekin ere erantzukizuna hartzen duela jakin dezan».

PPk eta Voxek babestu egin dute Jaurlaritzako taldeen lege egitasmoa. Ordea, EH Bildu eta Elkarrekin Podemos-IU abstenitu egin dira gaurko bozketan, uste dutelako lege berria hankamotz geratuko dela. Halaber, eskatu dute animalia guztien ongizaterako «lege integral bat» lantzea. David Soto EP-IUko legebiltzarkideak kritikatu du gobernuak «aukera bat galdu» duela animalien babes osorantz urratsak egiteko. Ideia bera azpimarratu du Itxaso Etxebarria EH Bilduko legebiltzarkideak ere. «Maskotak» babesteko legea baino ez dela salatu du, eta eskua luzatu du legea hobetu eta animalien ongizatea era «integralean» jasoko duen lege berri bat ontzeko.

Isun gogorragoak
Legebiltzarrak gaur bide eman dion lege proposamenak debekatu egiten du harrera zentroetan animaliak hiltzea, eta 100.000 eurorainoko zigorrak ezartzen ditu. Eraso larritzat jotzen ditu, besteak beste, animaliari hiltzerainoko tratu txarra ematea; albaitaririk gabe hiltzea, antzutzea edo mutilatzea; pozoitutako jakiak bide publikoetan uztea eta animalien borrokak sustatzea. Debeku batzuk ere ezarri nahi ditu lege proposamenak: besteak beste, animalien arteko borrokak, animaliekin egiten diren zirkuetako ikuskizunak eta ferietako ikuskizunak. Gainera, animalien salmenta horretarako baimena duten establezimenduak bakarrik egin ahalko dute, eta ez norbanakoek. Salmenta puntu horietan ezingo dira animaliak bizirik erakutsi, eta horien salmenta katalogo bidez bakarrik egiten ahalko da. Arraza arriskutsuko txakurrei dagokienez, horiek izateko lizentzia berezia izan beharko da, eta beharrezkoa izango da antzutzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar batzuk paseoan, Iruñean ©Iñigo uriz / FOKU

Beste 655 kasu atzeman dituzte Nafarroan, pandemiako bigarren daturik txarrena

Irati Urdalleta Lete

COVID-19a atzemateko egindako proben %16k positibo eman dute Nafarroan. 124 gaixo daude Osasunbideko ospitaleetan.

Miarritzeko aireportuaren artxiboko argazkia ©Isabelle Miqulestorena

Etxegabe batena da Miarritzen aurkitutako giza eskeletoa

Berria

Orain dela urte batekoa litzateke heriotza lehen ikerketen arabera. Ez dute uste krimen bat izan denik

Baionako txertaketa gunea, artxiboko irudi batean. ©GUILLAUME FAUVEAU

Txertaketa guneetan kezka piztu da, Pfizer dosiak agortzen ari baitira

Oihana Teyseyre Koskarat

Eskualdeko Osasun Agentziak hobetsi du Moderna txertoak banatzea. Baionako guneko langileek lana uzteko eskubidea aldarrikatu dute

Bi pertsona Osakidetzaren osasun zentro batetik ateratzen, Donostian. ©GORKA RUBIO / FOKU

Lehen mailako artako kontsultak atzeratuko ditu Osakidetzak

Arantxa Iraola Irati urdalleta Lete

«Aparteko larritasunik ez duten» kontsultak atzeratuko ditu osasun sistemak; bihotzeko eritasunak eta bronkitis kronikoa dutenen kontrolak. Osakidetzak abisatuko die kontsulta atzeratu dietenei

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.