Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Aurrekontuak

Aurrekontuak negoziatzeko «esparru iraunkorra» eskatu dio EH Bilduk Jaurlaritzari

Maddalen Iriarteren arabera, negoziatzeko orain arteko eskemak «ez du balio»

Maddalen Iriarte, artxiboko irudi batean.
Maddalen Iriarte, artxiboko irudi batean. Jaizki Fontaneda / Foku Tamaina handiagoan ikusi

Gotzon Hermosilla -

2021eko urriak 13 13:24

Hasi da Arabako, Bizkaiko eta Gipuzkoako aurrekontuak negoziatzeko prozesua, eta, horren aurrean, EH Bilduk bere jarrera argitu nahi izan du. Maddalen Iriarte bozeramaileak esan duenez, beharrezkoa da «negoziatzeko esparru iraunkorra» sortzea, «dena erabakita utzi baino lehenago», eta eskaera hori egin dio Jaurlaritzari.

Iriarteren arabera, osasun larrialditik atera osteko abagunea «oso garrantzitsua» da: «Orain hartzen diren eta ez diren erabakiek hamarkada oso bat baldintzatuko dute». Horretarako «ariketa partekatu bat» eta «akordio politikoak josteko esparru bat» behar dira, baina, Iriarteren ustez, Jaurlaritzaren jokamoldea kontrakoa da eta «eskema zaharkitu bati» jarraitzen dio.

«Ezer ez da mugitzen beraiek aurrekontu proiektua aurkeztu arte», azaldu du Iriartek; «eta gero, euren aurrekontua, euren politikak partekatu eta ukitu gabe, milioi batzuk gordetzen dituzte alderdiren batekin milioi horiek zertan erabili negoziatzeko, eta taldeok hori onartu baino e3z dugula dirudi».

Jokamolde hori Nafarroako eta Espainiako gobernuek darabiltenari kontrajarri dio Iriartek: «Nafarroan maiztasunez biltzen ari dira 2021 urteko aurrekontuen jarraipena egin eta datorrenaren oinarriak aztertzeko, eta gaur bertan hasiko dira negoziazioari ekiteko bilerak, eta Madrilen asteak dira elkarrizketak hasi zirela». Iriartek gogorarazi du EAJ ere elkarrizketetan ari dela Espainiako Gobernuarekin, eta publikoki «aurrekontuetatik kanpo dauden hainbat gai» proposatu dituela negoziaziorako. «Kontraesankorra da Madrilen negoziazio eskema hori erabiltzea eta gero hemen oposizioari ateak itxi eta eztabaidari mugak jartzea».

EH Bilduren ustez, «berandu» dabil Jaurlaritza, baina, hala ere, berretsi du «oposizioarekin, eta batez ere bigarren indar politikoarekin» negoziazio esparru hori irekitzeko eskaera.

Prozesu horretan hitzartu beharreko zenbait gai ere proposatu ditu EH Bilduk: Europako diru funtsak, fiskalitatea, zerbitzu publikoak indartzea, zaintza, klima aldaketa, eredu sozioekonomikoa eraldatzeko politikak eta abar, «baita gure erabakitzeko gaitasun eta eskubidea ere».

Nafarroan, prozesua abian

Nafarroan gaur bertan hasiko da aurrekontuen inguruko negoziazio prozesua. Arratsaldean, Nafarroako Gobernua biltzekoa da Navarra Suma koalizioarekin, eta ostean EH Bilduko ordezkariekin egingo du bilera.

Navarra Suma-ko Javier Esparzak gogorarazi du gutuna bidali ziola Nafarroako presidente Maria Txibiteri, eta han azaldu ziola zeintzuk ziren koalizioaren baldintzak aurrekontuak onartu ahal izateko: «Gu oso argiak izan gara, eta ikusiko dugu orain presidenteak zer duen esateko». EH Bilduko Adolfo Araizek, berriz, esan du «marra gorririk» ez dutela, eta haien jarrera «negoziazioari eta akordioak lortzeari irekia» izango dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Andoni Ortuzar, atzo, EAJren Bazar Nagusian ©Monika del Valle / Foku

Madrilen duen eraginaren aldarria egin du EAJk

Gotzon Hermosilla

Alderdiaren VIII. Batzar Nagusiaren amaiera ekitaldian, Ortuzarrek esan zuen eragin hori «laster» ikusiko dela

EAJren burukideak, BECeko Batzar Nagusian ©Monika del Valle / Foku

«Entzute aktiboko» prozesu bat abian jarriko du EAJk datozen hilabeteetan

Gotzon Hermosilla

Jeltzaleak VIII. Batzar Nagusia egiten ari dira Barakaldoko BECen.

Igandean egin ziren kontzejuetako hauteskundeak. Irudian, Añuako herritarrak botoa ematen. ©ARABAKO KONTZEJUEN ELKARTEA

Arabako kontzejuen %24k izango dute emakume bat lehendakari

Edurne Begiristain

Kontzejuetako administrazio batzarretako ordezkariak aukeratu dituzte. Finantzaketa, digitalizazioa, emakumeen parte hartzea eta despopulazioa izango dituzte erronka nagusi

Maddalen Iriarte EH Bilduko bozeramailea, atzo, Eusko Legebiltzarrean. ©JAIZKI FONTANEDA / FOKU

«Aukera bat» aurrekontuei

Jon O. Urain

EH Bilduk ez dio osoko zuzenketarik jarri Jaurlaritzaren aurrekontu proiektuari, «elkarrizketarako borondate zintzoa» erakusteko. Eskertuta erantzun du Urkulluk: «Bide berri bat irekitzen da»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.