EAEko Justizia Auzitegi Nagusiak berretsi egin du gizon baten bost urte eta bost hilabeteko espetxe zigorra, alabari sexu abusuak egiteagatik Gipuzkoako Auzitegiak maiatzean ezarria. Zazpi urteko alaba adoptatuari ukitu sexualak egin izana egotzi diote; zehazki, sexu abusuen delitu jarraitua egin izana.
Bost urte eta bost hilabeteko espetxe zigorraz gain, beste hainbat zigor ere ezarri dizkiote: lau urtean ez du eskubiderik izango alabaren tutore izateko; zortzi urtean ezingo zaio gerturatu; 15.000 euro eman beharko dizkio; eta, behin kartzelatik aterata, zaintzapean aske egongo da zazpi urtean. Defentsak errekurtsoa jarri du Espainiako Auzitegi Gorenean.
Sententziaren arabera, erasoak 2018ko urtarriletik 2019ko uztailera egin zituen, etxean zeudenean. Gainerako senitartekoen ezkutuan egiten zituen ukituak, edo alabaren kargu geratzen zenean.