Martin Ugalderen mendeurrena
Atzera begirakoa Martin Ugaldek eginei eta emandakoei
Nerea Azurmendik 'Martin Ugalde, historia egin zuen kazetaria' hitzaldia eman du gaur, kazetariaren izen bereko kultur parkean, Andoainen. 'Streaming' bidez izan da ikusgai, 'berria.eus' webgunean. Hurrengo hitzaldia urriaren 21ean egingo dute. Iñaki Uriak Martin Ugalde eta Egunkaria hitzaldia emango du.
Martin Ugalde kazetari eta idazlea jaio zela 100 urte beteko dira datorren azaroaren 11n. Hura gogoratzeko, urte osorako programa dago martxan, haren familiarekin eta hainbat erakunde eta eragilerekin elkarlanean: tartean dira Eusko Jaurlaritza, Gipuzkoako Foru Aldundia, Andoaingo Udala, Hondarribiko Udala, Jakin, Euskal Idazleen Elkartea, Elkar, BERRIA eta Martin Ugalde kultur parkea.
Uda aurretik, kazetariaren inguruko erakusketa egon da ikusgai Hondarribian (Gipuzkoa) eta Donostiako Koldo Mitxelenan, eta abenduaren 4ra arte bisitatu ahalko da Andoaingo Bastero kulturgunean. Gaur, berriz, hitzaldi zikloa hasi dute Martin Ugalde kultur parkean (Andoain, Gipuzkoa). Nerea Azurmendi Martin Ugalde, historia egin zuen kazetaria hitzaldia eman du. Internet bidez ikusgai izan da berria.eus webgunean.
Hurrengo hitzaldia urriaren 21ean egingo dute. Iñaki Uriak Martin Ugalde eta Egunkaria hitzaldia emango du.
Urriaren 28an, Euskal PENeko Laura Mintegiren txanda izango da: Martin Ugalderen garaia PENen begiradatik.
Eta azaroaren 4an, Anjeles Iztueta arituko da: Martin Ugalde eta politika.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
