Albistea entzun

Kolonbia

Ustez FARCek errekrutatutako adingabeen bila hasiko dira

Caqueta eskualdean lurperatutako identifikatu gabeko hainbat hilotz ikertuko dituzte gaurtik.

Kolonbiako Unibertsitate Nazionaleko ikasleak gerrillari ohien aurkako hilketak salatzeko egindako protesta batean.
Kolonbiako Unibertsitate Nazionaleko ikasleak gerrillari ohien aurkako hilketak salatzeko egindako protesta batean. Carlos Ortega/EFE Tamaina handiagoan ikusi

Berria -

2021eko urriak 18 15:12

Kolonbiako Bakerako Jurisdikzio Bereziko kideak Caqueta eskualdean dagoen Union de Peneya herriko hilerrian hobiak ikertzeko lanetan hasiko dira gaurtik, ustez FARC Kolonbiako Indar Armatu Iraultzaileak gerrillak errekrutatu eta borroketan hildako adingabeen gorpuak identifikatzeko. ADN sareak instituzioentzat egindako txosten batean oinarrituta hasiko dituzte ikerketa lanak. Bertan jasotzen denez, gatazka armatuaren biktima izandako hainbat pertsonaren identifikatu gabeko hilotzak daude lurperatuta aipatutako hilerrian.

Dena den, Union de Peneyako hilerria ez da izango ikertuko duten bakarra; beste hainbat udalerritan ere hasiko dituzte hobiak ikertzeko lanak: besteak beste, Dabeiban, Puerto Berrion eta Samanan. Baina azken hiru horietan ez bezala, Union de Peneyan FARCek borrokarako errekrutatutako adingabeen gorpuak leudekeela uste dute adituek.

Ez da lehen aldia halako lanak egiten dituztena, eta, aurrekoetan bezala, oraingoan ere helburua litzateke gorpuak atera eta identifikatu ondoren horiek senideen esku uztea. Halako lehen ikerketa Puerto Berrion egin zuten, iazko urtarrilean eta otsailean. Han, orotara 416 edukiontzi aurkitu zituzten identifikatu gabeko gorpuekin. Haietatik 373 berehala identifikatu ahal izan zituzten, eta auzoko apaizaren esku utzi zituzten. Gainontzekoak nortzuk diren jakiteko lanetan jarraitzen dute auzitegi medikuek.

Bestalde, Garapenerako eta Bakerako Kolonbiako Ikerketa Taldearen arabera (Indepaz), FARCeko 290 gerrillari hil dituzte 2016an gobernuak eta gerrillak bake akordioak sinatu zituztenetik —horietatik 41 urtea hasi zenetik—. Azken hilketa Caqueta eskualdean salatu dute. Jorge Eliecer Garzon Manrique gerrillari ohia tiroz hil zuten atzo. Indepazek zabaldu duenez, 6PM talde paramilitarrak kontratatutako soldatapeko hiltzaileak dira erasotzaileak.

Iaztik hona, ugaritu egin dira giza eskubideen aldeko ekintzaileen eta gerrillari ohien aurkako erasoak. Arartekoak berak ohar bat plazaratu zuen urte hasieran, nabarmenduz ugaritu egin zirela mehatxu, hilketa eta errekrutatzeak

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Harmaila erori den unea, bideo batetik ateratako irudian. ©BERRIA

Gutxienez lau pertsona hil dira zezen plaza bateko harmailak erorita

Edu Lartzanguren

Haur bat dago hildakoen artean. Beste 300 pertsona zauritu dira. Halako ikuskizunak debekatzeko eskatu du Petro hautaturiko presidenteak

"2022an oheratu nintzen eta 1950an esnatu naiz"

Tristura eta haserrea kalean

Urtzi Urrutikoetxea

Milaka lagun irten dira AEBetako hirietan abortu eskubidearen aldeko protestetan. Elkar babestearen eta kalean mobilizatzearen garrantzia nabarmendu dute.

Donostiako elkarretaratzea, gaur, Alderdi Ederren. ©Mikel Arreseigor

SOS Arrazakeriak elkarretaratzeak egin ditu Melillan gertatutakoa salatzeko

Gorka Berasategi Otamendi - Jon Ordoñez Garmendia

Espainia eta Maroko arteko muga zeharkatzen ahalegindu ziren 2.000 lagun herenegun, eta gutxienez 37 hil dira.

Migratzaile talde bat pilatuta, atzo, Marokoko Nador hirian. ©AMDH

SOS Arrazakeriak elkarretaratzeak egin ditu Melillan gertatutakoa salatzeko

Gorka Berasategi Otamendi - Jon Ordoñez Garmendia

Espainia eta Maroko arteko muga zeharkatzen ahalegindu ziren 2.000 lagun, herenegun, eta gutxienez 37 hil dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.